Matthew 26:17-25
Иса шегиртлеринен берабер Песах ашыны ашай
17 aМаясыз Пишкен Пите Байрамынынъ биринджи кунюнде шегиртлер Исанынъ алдына келип: – Санъа Песах ашыны къайда азырлайыкъ? – деп сорадылар. 18– Шеэрге кирип, анавы бир адамгъа барынъыз ве онъа шойле айтынъыз: «Оджа: “Меним вакъыт-саатим якъынлашты, – дей. – Песах Байрамыны шегиртлеримнен берабер сенинъ эвинъде япаджам”», – деди Иса. 19Шегиртлери, Иса оларгъа буюргъаны киби, Песах ашыны азырладылар. 20Акъшам тюшкенде, Иса он эки шегиртинен софра башына отурды. 21 bАш ашагъанда, Иса: – Сизге догърусыны айтам: сизден биринъиз Мени сатаджакъ, – деди. 22Шегиртлер пек кедерленип, бир-бири артындан Ондан: – Рабби, о мен дегильдирим я? – деп сорай башладылар. 23О исе, джевап къайтарып: – Меннен чанакъкъа къолундаки питесини батыргъан адам Мени сатаджакъ. 24 cЯзылгъаны киби, Инсан Огълу кетеята. Лякин Инсан Огълуны саткъан адамгъа буюк беля оладжакъ! О адам догъмагъан олса, озю ичюн яхшыджа олур эди, – деди. 25О вакъытта Исагъа хиянетлик япаджакъ Иуда сорады: – Равви, о мен дегильдирим я? – Буны сен айтасынъ, – деди Иса.
Copyright information for
CrhCTB