Matthew 26:6-13
Бир къадын Бетанияда Исанынъ башына къокъулы ягъ тёке
6 a bИса Бетания къасабасында, лепра хасталыгъынен чекишкен Симоннынъ эвинде олгъанда, 7Онынъ алдына бир къадын кельди. Алебастрдан ясалгъан савутта пек паалы къокъулы ягъ кетирип, Онынъ башына тёкти. Иса о вакъыт софра башында отура эди. 8Шегиртлери буны корип, ачувландылар ве: – Бу масрафларнынъ неге кереги бар? 9Бу ягъны буюк парагъа сатып, акъчасыны фукъарелерге бермеге мумкюн эди! – дедилер. 10Иса буны эшитип, оларгъа: – Не ичюн къадынны раатсыз этесиз? О Мен ичюн яхшы иш япты. 11 cФукъарелер эр вакъыт сизлернен, лякин Мен эр вакъыт сизлернен берабер олмайджам. 12 dКъадын бу ягъны тениме тёкип, Мени дефн этмеге азырлады. 13 eСизге догърусыны айтам: Къуванчлы Хаберни дюньянынъ къайсы еринде илян этселер, бу къадыннынъ япкъан ишини де икяе этип, оны хатырлатаджакълар, – деди.
Copyright information for
CrhCTB