Matthew 27:15-26
Халкъ Бараббаны сайлай
15 aЭр Песах Байрамында акимнинъ халкъ истеген бир мабюсни азат эткен адети бар эди. 16Бу сефер зинданда намлы бир айдут бар эди, онынъ ады Иса Барабба эди. 17Халкъ топлангъанда, Пилат олардан: – Сизлер кимни азат эткенимни истейсиз? Иса Бараббаны, я да Месих деп адлангъан Исанымы? – деп сорады. 18 bО, олар Исаны пахыллап теслим эткенлерини анълай эди. 19Пилат къады курсюсине отургъанда, апайындан хабер кельди: «О инсафлы адамгъа ич бир шей япма. Бугунь мен тюшюмде О ичюн пек азап чектим». 20 cБаш руханийлер ве акъсакъаллар халкъны къандырдылар, ве халкъ Бараббаны азат этмесини ве Исаны ольдюрильмесини талап эттилер. 21Аким олардан: – Сизлер экисинден къайсы бирини азат эткенимни истейсиз? – деп сорады. – Бараббаны! – деп джевап бердилер. 22Пилат оларгъа: – Я Месих деп адлангъан Исанен не япайым? – деди. – Хачкъа мыхлансын! – деди олар. 23 d– О не яманлыкъ япты? – деп сорады аким. Лякин олар даа зияде багъырып: – Хачкъа мыхлансын! – дедилер. 24 eПилат ич бир шей ярдым этмегенини, аксине исьян котериледжегини корип: – Мен бу адамнынъ къаны тёкюледжегинде къабаатлы дегилим. Бу ишни озьлеринъиз бакъынъыз! – деди де, халкънынъ козю огюнде сув кетиртип, эллерини ювды. 25 fБутюн халкъ бунъа джевап берип: – Онынъ къаны бизим ве балаларымызнынъ башында олсун! – деди. 26 gБундан сонъ Пилат Бараббаны чыкъарып йиберди, Исаны исе къамчылап хачкъа мыхламагъа эмир берди.
Copyright information for
CrhCTB