Mat 27:27-31 | CrhCTB | STEP | Акимнинъ аскерлери Исаны преториягъа алып бардылар. Исанынъ этрафында бутюн арбий болюкни топладылар.

‏ Matthew 27:27-31

Исаны масхара этелер

27 ^aАкимнинъ аскерлери Исаны преториягъа ^{▼▼Претория – укюмдар Пилатнынъ яшагъан ве римли аскерлер яткъан ер.} алып бардылар. Исанынъ этрафында бутюн арбий болюкни ^{▼▼Арбий болюк – къ. юн. «спейра» – «легион»нынъ он пайындан бир пайы, 600 аскер.} топладылар. 28 Онынъ урбаларыны чыкъарып, устюне къырмызы тюслю урба ^{▼▼Бунъа ошагъан урбаны тек падишалар кие эдилер.} кийдирдилер. 29 Тикенлерден тадж орип, башына такътылар. Онъ къолуна таякъ берип, Онынъ алдында тиз чёктилер ве:

– Яшасын еудийлернинъ Падишасы! – деп масхара эттилер. 30 ^eСонъ Онынъ устюне тюкюрип, таякъ алып башына урдылар. 31 Масхаралап тойгъан сонъ, устюнден урбасыны чыкъарып, Озюнинъ урбаларыны кийдирдилер ве хачкъа мыхламакъ ичюн алып кеттилер.