d Збр 21.19
Matthew 27:32-44
Исаны хачкъа мыхлайлар
32 aОлар чыкъып кетеяткъанларда, киренели Симон деген бир адамны расткетирдилер. Оны Исанынъ хачыны котерип бармагъа меджбур эттилер. 33«Къафа Ери» манасыны анълаткъан, Голгофа деген ерге кельдилер. 34 bАнда Исагъа ичмек ичюн оть къарыштырылгъан шарап ▼▼Шарап – агърыгъа чыдамагъа енгильдже олсун деп, юзюм шарабына аджджы бир илядж къоша эдилер.
бердилер. Иса оны дудакъларына тийдирди, амма ичмеге истемеди. 35 dСонъ Оны хачкъа мыхлап къойдылар. Урбалары ичюн джереп чекип, озьара пайлаштылар 36ве отурып, Оны къаравулладылар. 37Онынъ башы тёпесинде: «Бу – Иса, еудийлернинъ Падишасы», – деп, къабаатыны косьтерген языны къойдылар. 38Исанен даа эки айдутны – бирисини онъ тарафында, экинджисини сол тарафында хачкъа мыхлап къойдылар. 39 eКечип кетеяткъанлар башларыны саллап, Исагъа куфюр сёзлер айта эдилер: 40 f– Эй, Сен, Алланынъ Сарайыны йыкъкъан ве учь кунь ичинде къургъан адам! Озюнъни къуртарса! Эгер Сен Алланынъ Огълу олсанъ, хачтан тюшсе! 41Баш руханийлер, Къанун оджалары ве акъсакъаллар да Оны мыскъыллай эдилер: 42 g– Башкъаларны къуртара эди, Озюни исе къуртарып оламай! О – Исраильнинъ Падишасы! Хачтан тюшсюн, о вакъытта биз Онъа инанырмыз! 43О, Аллагъа ишанды. Эгер Алла Оны истесе, Оны къуртарсын! О: «Мен Алланынъ Огълу олам», – деген! 44Исанен берабер хачкъа мыхлангъан айдутлар да Оны шойле сёге эдилер.
Copyright information for
CrhCTB