Matthew 4:12-17
Иса адамларны огретмеге башлай
12 a bИса Ягъянынъ апске алынгъаныны эшитип, Галилеягъа къайтып кельди. 13 cНазарет шеэринден кетип, Зевулун ве Нафталий топракъларында, Галилея голю янындаки Къафарнаум шеэринде ерлешти. 14 dБойледже, Ешая пейгъамбернинъ сёзю эда олунды: 15Эй, Зевулун топрагъы ве Нафталий топрагъы,голь ёлунда, Иордан аркъасы!
Чокъ миллетнинъ юрту Галилея!
16 eКъаранлыкъта яшагъан халкъ
буюк ярыкъ корьди!
Олюм топрагъында, олюм саесинде яшагъан адамлар ичюн
ярыкъ парылдады.
17О вакъыттан сонъ Иса: – Тёвбе этинъиз! Кок Падишалыгъы якъын кельди, – деп, адамларгъа Алланынъ шейлерини огретип башлады.
Copyright information for
CrhCTB