a Мк 5.21-43; Лк 8.40-56
bЛев 15.25
cМк 3.10
d Мк 10.52; Лк 7.50; Эф 2.8
eЮх 11.11
f Мк 1.31; 9.27; Фаал 3.7; 9.40-41

‏ Matthew 9:18-26

Башлыкънынъ къызы ве Исанынъ урбасына къолуны тийдирген къадын

18 aИса оларгъа бу сёзлерни айткъанда, башлыкълардан бири Онынъ алдына кельди ве тиз чёкип:

– Меним къызым шимди ольди. Амма Сен келип, онъа къолунъны тийдирсенъ, о яшайджакъ, – деди.

19Иса еринден турып, шегиртлеринен берабер о адамнынъ артындан барды. 20 bЁл бою кеткенде, бир къадын Онынъ артындан етип, урбасынынъ этегине тийди. О апай он эки йылдан берли къан джоя экен. 21 cО озюндже: «Эгер урбасына бир тийип алсам биле, тедавийленирим», – деп тюшюнген.

22 dИса айланып, къадынны корьди ве:

– Джесюр ол, къызым, сени иманынъ тедавийледи, – деди. Къадын шу ань тюзельди.

23Иса башлыкънынъ эвине келип киргенде, дженазелерде къавал чалгъан усталарны ве шамата къопаргъан чокъ адамларны корьди. 24 eО:

– Бу ерден кетинъиз! Къызчыкъ ольмеген, о юкълай! – деди. Адамлар исе Онынъ устюнден кульдилер.

25 fЭписи тышкъа чыкъкъан сонъ, Иса ода ичине кирип, къызчыкънынъ къолундан тутты. Шу ань бала еринден турды. 26Бу адисе акъкъында хабер шу ернинъ бутюн этрафларына даркъалды.
Copyright information for CrhCTB