Numbers 13:21-33
21Шу топракъ насыл? Берекетлими, ёкъмы? Анда тереклер осеми, ёкъмы? Джесюр олунъыз, о топракънынъ берекетинден алынъыз. (О вакъыт юзюм пишип башлагъан вакъты эди.) 22Адамлар ёлгъа чыкъты ве, Цин сахрасындан башлап, Хамат янындаки Реховгъадже топракъны огренип чыкътылар. 23 aНегевге бардылар ве Хеврон шеэрине барып чыкътылар. Анда Анакъ эвлятлары Ахиман, Шешай ве Талмай яшай эдилер. Хеврон шеэри Мысырдаки Цоан шеэринден еди йыл огюне къурулгъан эди. 24 bСонъ олар Эшкъол вадийине келип чыкътылар. Анда бир салкъым юзюми олгъан юзюм пытагъыны кесип алдылар да, адамлардан экиси шу пытакъны бир таякъта ташыдылар. Олар даа нар ве инджир алып кеттилер. 25Шу ерге Исраиль огъуллары «Эшкъол ▼▼Эшкъол – къ. еуд. бу аднынъ айтылувы «эшкъол» (бир салкъым юзюм) сёзюнинъ айтылувына ошай.
вадийи» адыны бердилер, чюнки анда бир салкъым юзюмни кесип алдылар. 26Къыркъ куньден сонъ, топракъны бакъып чыкъкъан сонъ, артларына къайттылар. 27Паран сахрасындаки Къадеш шеэрине, Мусанен Харунгъа ве Исраиль джемаатынынъ янына кельдилер. Оларгъа ве бутюн джемааткъа топракъ акъкъында хабер кетирдилер ве о топракънынъ мейваларыны косьтердилер. 28Мусагъа бойле дедилер: – Сен бизни ёллагъан топракъкъа бардыкъ. Анда керчектен де сютнен бал акъа, мына о топракънынъ мейвалары. 29Лякин о ерде яшагъан халкъ кучьлю, шеэрлери янына барылмаз ве пек буюктир. Анда биз Анакънынъ эвлятларыны корьдик. 30 dАмалеклилер Негев топрагъында яшайлар. Хитлилер, евуслылар ве аморлылар – дагълыкъ ерде, ханаанлылар денъизнинъ янында ве Иорданнынъ ялысында яшайлар. 31 eКъалев Мусанынъ огюнде халкъны сустурып: – Келинъиз, бу топракъны басып алайыкъ! Биз буны шубесиз япып олурмыз, – деди. 32 fОнен берабер баргъан акъайлар исе: – Биз бу халкъкъа къаршы чыкъып оламаймыз. Олар бизден кучьлю, – дедилер, 33 gИсраиль огъуллары арасында бакъып чыкъкъан топракълары акъкъында яман эмиш-демишлер джайраттылар: – Биз бакъып чыкъкъан топракъ – устюнде яшагъанларыны ашап битирген бир топракътыр. Биз анда корьген бутюн халкъ – пек узун бойлу адамлардыр.
Copyright information for
CrhCTB