Numbers 2:25-31
25Шимальге тараф озь байрагъы тюбюнде Дан ордусы озь болюклеринен ерлешсин. Аммишаддайнынъ огълу Ахиэзер данлыларнынъ башлыгъы олсун. 26Онынъ аскерлери – 62 700 сайылгъан акъай. 27Онынъ янына Ашернинъ къабилеси озь ордусыны ерлештирсин. Окъраннынъ огълу Пагиэл ашерлилернинъ башлыгъы олсун. 28Онынъ аскерлери – 41 500 сайылгъан акъай. 29Сонъ Нафталийнинъ къабилеси озь ордусыны ерлештирсин. Энаннынъ огълу Ахира нафталийлилернинъ башлыгъы олсун. 30Онынъ аскерлери – 53 400 сайылгъан акъай. 31 aДан ордусынен сайылгъан аскерлер, болюклерине коре, эписи олып, 157 600 адам. Олар озь байракълары тюбюнде ёлгъа сонъки чыкъсынлар.
Copyright information for
CrhCTB