a Сай 20.17, 19
bТекр 3.16; Ехо 12.2; Къад 11.13
c Йрм 48.45-46
d Къад 11.24; Рут 1.15; 3 Пад 11.7; 4 Пад 23.13; Йрм 48.7
f Сай 32.3; Ехо 13.17; Еш 15.2; Йрм 48.18; 1 Тар 19.7; Еш 15.2
g Сай 32.1; Ехо 13.25; 2 Пад 24.5; Йрм 48.32
hЕхо 13.12
i Текр 3.1-2

‏ Numbers 21:21-35

Сихоннынъ ве Огнынъ енъильмеси

21Исраиль аморлыларнынъ падишасына Сихонгъа эльчилернен бу хаберни ёллады:

22 a– Топрагъынъдан кечмеге разылыкъ бер. Тарлаларгъа ве юзюмликлерге кирмейджекмиз, ич бир къуюдан сув ичмейджекмиз. Сенинъ топрагъынъдан кечмегендже, Падиша ёлундан кетеджекмиз.

23Лякин Сихон исраиллилерге озь топрагъындан кечмеге разылыкъ бермеди. О, бутюн халкъыны топлады ве Исраильге къаршы сахрагъа кетти. Яхацкъа кельген сонъ, о, исраиллилернен дженк этти. 24 bИсраиллилер оны къылычларынен урып енъдилер ве Арнон озенинден Яббокъ озенине къадар, аммонлыларнынъ топрагъына къадар узангъан топракъларыны басып алдылар. Аммонлыларнынъ сынъырлары къавий эди. 25Исраиллилер эписи андаки шеэрлерни запт этти. Сонъ олар аморлыларнынъ эписи шеэрлеринде, Хешбон шеэринде ве этрафындаки койлерде яшамагъа башлады. 26Хешбон аморлы Сихон падишанынъ шеэри эди. Сихон эвельки Моав падишасына къаршы дженк эткен ве элинден Арнонгъа къадар узангъан топракъларыны алгъан эди. 27Бунынъ ичюн кедайлар бойле айталар: «Хешбонгъа келинъиз, Сихоннынъ шеэри янъыдан къурулсын ве пекитильсин.
 28 cХешбондан атеш, Сихоннынъ шеэринден алев чыкъты
ве Моавнынъ Ар шеэрини, Арнон тёпеликлерининъ саиплерини якъып ёкъ этти.
 29 dВай санъа, эй, Моав! Кемошнынъ ▼
▼Кемош – моавлылар табынгъан алланынъ ады.
 халкъы, сен ёкъ олдынъ!
Огъуллары тараф-тараф къачтылар,
къызлары аморлыларнынъ падишасы Сихоннынъ эсирлери олды.
 30 fБиз исе оларны окънен урдыкъ, Хешбон Дивонгъа къадар ёкъ олды.
Медевагъа узангъан Нофахгъадже оларны дарма-дагъын этип бошаттыкъ».

31Бойледже, Исраиль аморлыларнынъ топрагъында яшап башлады.

32 gМуса Язерни бакъып чыкъмакъ ичюн адамларны ёллады. Исраиллилер Язернинъ этрафындаки койлерни запт эттилер ве анда яшагъан аморлыларны къувдылар. 33 hСонъ айланып, Башан ёлунен кеттилер. Башан падишасы Ог бутюн халкъынен берабер оларгъа къаршы Эдрейде дженк этмек ичюн чыкъты.

34 iРАББИ Мусагъа:

– Ондан къоркъма! Оны да, бутюн халкъыны да, бутюн топрагъыны да сенинъ къолунъа энди бердим. Хешбонда яшагъан аморлыларнынъ падишасы Сихонгъа япкъанларынъны онъа да япаджакъсынъ, – деди.

35Бойледже, исраиллилер Огны, онынъ огъулларыны ве бутюн халкъыны ёкъ этти, кимсени сагъ къалдырмады, топрагъыны да басып алдылар.
Copyright information for CrhCTB