Num 27:1-7 | CrhCTB | STEP | Целофехад – Хефернинъ огълу, Хефер – Гиладнынъ огълу, Гилад – Макирнинъ огълу, Макир – Менашшенинъ огълу, Менашше – Юсуфнынъ огълу эди. Менашшенинъ союндан Целофехаднынъ къызлары эди. Оларнынъ адлары: Махла, Ноа, Хогъла, Милкъа ве Тирца. Олар келип,

‏ Numbers 27:1-7

Целофехаднынъ къызлары

1 ^aЦелофехад – Хефернинъ огълу, Хефер – Гиладнынъ огълу, Гилад – Макирнинъ огълу, Макир – Менашшенинъ огълу, Менашше – Юсуфнынъ огълу эди. Менашшенинъ союндан Целофехаднынъ къызлары эди. Оларнынъ адлары: Махла, Ноа, Хогъла, Милкъа ве Тирца. Олар келип, 2 Мусанынъ ве руханий Элазарнынъ огюнде, башлыкъларнынъ ве бутюн джемаатнынъ огюнде, Корюшюв Чадырынынъ кириши янында турдылар ве:

3 ^b– Бабамыз сахрада ольди. О, РАББИге къаршы чыкъкъан Къорахнынъ яндашлары арасында дегиль эди. О, ишлеген гунасы ичюн ольди. Онынъ огъуллары исе олмады. 4 ^cОгълу олмагъаны ичюн, бабамызнынъ ады къабилеси арасындан не ичюн ёкъ оладжакъ? Бабамызнынъ агъа-къардашлары арасында бизге де топракъ пайы беринъиз, – дедилер.

5 Муса оларнынъ ишини РАББИнинъ огюне кетирди. 6 РАББИ Мусагъа:

7 – Целофехаднынъ къызлары догъру айталар. Оларгъа эмджелерининъ арасында топракъ пайыны, бабаларынынъ пайыны бер, – деди.