a Баш 3.6; Рим 3.9; 6.23; Якъ 1.15; Эф 2.3
bРим 3.20
c1 Кор 15.45
d1 Кор 15.21; 2 Кор 5.14
e Еш 53.11
fСыр 22.5
g Юх 12.32

‏ Romans 5:12-18

Адем ве Месих

12 aДюньягъа гуна бир адамнен кельди, гунанен олюм кельди ве эписи адамларгъа кечти, чюнки эписи гуна япты. 13 bГуна дюньяда Къанун берильмезден эвель де бар эди, амма сайылмай эди, чюнки онъа къаршы къанун ёкъ эди. 14 cЛякин Адемнинъ гунасыны япмагъан адамлар бар олса да, Адемден башлап Мусагъа къадар яшагъан адамлар эп бир олюмнинъ акимиетинде ола эдилер. Адем – келеджек Адамнынъ ошавыдыр. 15 dАлланынъ эйилигининъ арекети ве Адемнинъ гунасынынъ арекети бир-бирине ошамай. Бир адамнынъ гунасы ичюн пек чокъ адамлар ольген олса да, Алланынъ эйилигинен ве бир Адам Иса Месихнинъ эйилигинен берильген бахшыш буюк олып, чокътан-чокъ адамларгъа боллукънен берильди.

16 eАмма бир адамнен пейда олгъан гуна бахшыш дегиль. Бир тарафтан, бир гуна суднен джезаны кетире, башкъа тарафтан, чокъ гуна эйиликнинъ ярдымынен акъланувны кетире. 17 fБир адамнынъ гунасы ичюн олюм дюньягъа кирип, падишалыкъ этип башлагъан олса да, эйиликнинъ боллугъыны ве инсафлыкъ бахшышыны алгъанлар бир Адам Иса Месихнинъ ярдымынен эбедий омюр алып, падишалыкъ этеджеклер.

18 gБойлеликнен, бир гуна бутюн адамларгъа джезаны бергени киби, бир инсафлы иш бутюн адамларгъа акъланув ве эбедий омюрни берди.
Copyright information for CrhCTB