a 1 Тар 3.19; Узеир 3.2; 5.2; Нех 12.1; Хош 1.7; Хагъ 1.1; 2.20-23
bЕш 28.16
c Узеир 3.10; Ехез 33.33; Зек 2.9; 6.15
d 2 Тар 16.9; Узеир 3.12; Икм 5.21; 15.3; Хагъ 2.3

‏ Zechariah 4:6-10

Зеруббавелге берильген адакъ

6 aО заман о манъа бойле деди:

– Бу – РАББИнинъ Зеруббавелге айткъан сёзю: «Къудретнен ве кучьнен дегиль, амма Меним Рухумнен ишинъни беджереджексинъ». Ордуларнынъ РАББИси бойле дей. 7 bЭй, буюк дагъ, Зеруббавелнинъ огюнде сен ким оласынъ? Сен – тегиз ерсинъ. Шамата ичинде о, Сарайнынъ темельташыны алып кетиреджек, ве джемаат: «Алла разы олсун! Алла разы олсун!» – деп къычыраджакъ.

8РАББИ манъа даа бойле деди:

9 c– Зеруббавелнинъ къоллары бу Эвнинъ темельташыны къойды, онынъ къоллары да Эвни къурып битиреджек. О заман мени сизге Ордуларнынъ РАББИси ёллагъаныны биледжексинъиз.

10 dБу кунни ким уфакъ деп саяр? Зеруббавелнинъ къолундаки ташкъа ве къуруджылыкъ саркъмасына бу еди козь къуванчнен бакъа. (Олар бутюн ер юзюни корьген РАББИнинъ козьлеридир.)
Copyright information for CrhCTB