Luke 2:1-7
ꤛꤢꤩ꤬ꤏꤛꤢꤨ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬
(ꤗꤢꤞꤢꤧ ꤁:꤁꤈-꤂꤅)
1ꤙꤣꤧꤔꤣꤧ꤬ꤢ꤬ꤋꤢꤩ꤭ ꤡꤢꤪꤖꤢꤧ꤬ ꤢꤪꤊꤢ꤬ꤎꤢ꤬ꤒꤢꤨ ꤔꤢꤪ꤭ꤓꤥ꤬ ꤚꤢ꤭ꤗꤢ ꤕꤜꤢꤪꤜꤢꤪ꤭ ꤊꤣꤧ꤬ꤛꤢꤧ꤭ ꤗꤝꤤ꤭ ꤘꤣ ꤚꤥꤗꤢꤩ꤬ꤊ꤫ꤢꤩ꤬ ꤒꤣ꤬ꤊ꤫ꤢꤩ꤬ꤜꤢꤩ꤭ ꤡꤣꤧ꤯ 2ꤣꤧ꤭ꤗꤢ꤬ ꤒꤢꤩ꤬ꤚꤢ꤭ꤗꤢ ꤕꤜꤢꤪꤗꤝꤤ꤭ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤟꤢꤦ꤬ ꤙꤣꤧ ꤋꤢꤨ꤭ꤋꤢ꤬ꤚꤤ꤭ꤔꤤꤛꤢ꤬ ꤓꤝꤢ꤭ ꤋꤝꤤꤘꤢꤨ꤬ ꤘꤣ ꤎꤢꤨ꤬ꤚꤤꤊ꤫ꤢꤩ꤬ ꤢ꤬ꤋꤢꤩ꤭ꤔꤣꤧ꤬ ꤟꤣꤧ꤯ 3ꤚꤣꤧ꤬ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊꤢ꤬ ꤜꤢ꤭ꤋꤢꤧ꤭ ꤘꤣ ꤢ꤬ꤘꤢꤪ꤭, ꤢ꤬ꤠꤤ꤭ ꤚꤣꤧ꤬ ꤊꤢ꤬ꤏꤢꤨ꤬ꤔꤥ꤭ ꤜꤢ꤭ꤋꤢꤧ꤭ ꤢ꤬ꤗꤝꤤ꤭꤯ 4ꤖꤢꤩ꤭ꤡꤛꤥꤎꤢꤧ ꤥ꤬ ꤙꤣꤧ ꤠꤤ꤭ꤔꤢ꤬ꤎꤢ꤬ꤚꤢꤧ, ꤊꤢꤧꤜꤢ꤬ꤜꤤ꤬ꤊ꤫ꤢꤩ꤬ꤊꤢꤨ꤭ ꤔꤣꤧ꤬ ꤚꤣꤧ꤬ ꤢ꤬ ꤓꤢꤩ꤬ꤡꤝꤢꤊꤣꤧ꤭ ꤘꤣ ꤠꤤ꤭ꤙꤢꤧ꤬ꤞꤢꤧ꤬ꤜꤢꤧ꤬ꤟꤢꤧ꤬, ꤛꤢꤨ꤬ꤘꤢ꤬ꤊ꤫ꤢꤩ꤬, ꤙꤣꤧ ꤡꤢꤪꤖꤢꤧ꤬ ꤘꤢ꤬ꤠꤤ꤬ ꤜ꤫ꤢꤩ꤬ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤜ꤫ꤢꤩ꤬ꤥ꤬ ꤔꤣꤧ꤬꤯ ꤖꤢꤩ꤭ꤡꤛꤥꤎꤢꤧ ꤗꤢ꤬ ꤖꤢꤩ꤭ꤘꤢ꤬ꤠꤤ꤬ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤊꤣꤧ꤬ꤜꤢꤧ꤬ ꤘꤤ꤭ꤒ꤫ꤢꤦ꤬ ꤒꤣ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤊꤢ꤬ꤊꤣꤧ꤭ ꤙꤣꤧꤔꤣꤧ꤬꤯ 5ꤢ꤬ ꤔꤢꤧ ꤗ꤫ꤥ꤬ꤗꤢ꤬ꤚꤤ ꤘꤣ ꤢ꤬ ꤘꤣꤧꤗꤢ ▼▼ꤛꤢꤨꤘꤢ꤬ꤖꤢꤨ ꤢ꤬ꤜ꤫ꤢꤩ꤬ꤊꤜꤥ꤭ ꤥ꤬ ꤔꤢꤧ “ꤘꤣꤧꤗꤢ ꤓꤥ꤭ꤟꤣꤧ ꤜꤢꤨ꤭” ꤗꤢ꤬ ꤢ꤬ ꤕ꤫ꤢꤦ꤬ ꤓꤥ꤭ꤟꤣꤧ ꤊꤢꤨꤋꤢꤨ꤬, ꤗꤢ꤬ꤔꤢꤧꤚꤣꤧ꤬ ꤢ꤬ ꤥ꤬ꤗꤣꤧ꤭ꤒ꤫ꤣ꤬ꤜꤢ꤭ꤟꤤ ꤜꤢꤨ꤭ ꤒꤥ꤬꤯
ꤓꤥ꤭ꤟꤣꤧ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤖꤛꤢ ꤜꤢꤨ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤡꤝꤢ ꤘꤢꤧ꤬ꤔꤥ꤭ꤊꤣꤧ꤭ ꤢ꤬ꤗꤝꤤ꤭꤯ ꤙꤣꤧꤔꤣꤧ꤬ꤢ꤬ꤋꤢꤩ꤭ ꤗꤢ꤬ ꤗ꤫ꤥ꤬ꤗꤢ꤬ꤚꤤ ꤥ꤬ꤟꤣꤧ ꤔꤢꤧ ꤢ꤬ꤟꤢꤪꤢ꤬ꤞꤢꤩ ꤟꤣꤧ꤯ 6ꤚꤣꤧ꤬ ꤙꤣꤧ ꤛꤢꤩ꤬ꤞꤤ꤭ ꤥ꤬ ꤕꤢ꤬ ꤙꤣꤧ ꤠꤤ꤭ꤙꤢꤧ꤬ꤞꤢꤧ꤬ꤜꤢꤧ꤬ꤟꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤗ꤫ꤥ꤬ꤗꤢ꤬ꤚꤤ ꤢ꤬ꤟꤢꤪ ꤒꤥ꤭ꤜꤢꤩ꤭ ꤟꤣꤧ ꤘꤣ ꤢ꤬ ꤊ꤫ꤢꤦ꤬ ꤖꤢꤨꤥ꤬ ꤟꤣꤧ꤯ 7ꤢ꤬ ꤖꤢꤨꤥ꤬ꤚꤣꤧ ꤖꤢꤨꤠ꤫ꤢꤧ꤬ꤖꤚ꤫ꤢꤩ꤬ ꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤖꤢꤧꤕꤜꤢꤦ꤭ ꤜꤢꤨ꤭ ꤔꤢꤧ ꤤ꤬ꤊꤢꤩ꤭ ꤚꤣꤧ꤬ ꤢ꤬ ꤘꤢꤧ꤬ ꤥ꤬ꤗꤣꤧ꤭ꤒꤢ꤭ ꤜꤢꤨ꤭ ꤘꤣ ꤕ꤫ꤢꤨ꤬ꤊꤜꤥꤊꤢꤨ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤟꤤ꤬ꤘꤢꤪꤊꤢꤨ꤭ ꤘꤣ ꤢ꤬ꤑꤢꤩ꤭ꤔꤣꤧ꤬ ꤢ꤬ ꤥ꤬ ꤕꤢ꤬ ꤒꤣ꤬ꤒ꤫ꤥ꤬꤮ ꤒꤥ꤬꤯
Copyright information for
EkySCKali