Matthew 27:27-30
ꤊꤜꤣꤧ꤭ꤟꤢꤨ ꤒꤣꤧ꤬ꤟꤢꤩ꤬ ꤗꤢꤩ꤬ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ
(ꤗꤢ꤬ꤊꤢꤨ ꤁꤅:꤁꤆-꤂꤁, ꤛꤥ꤭ꤟꤢ꤬ ꤁꤉:꤂-꤃)
27ꤓꤥ꤭ꤚꤣꤧ꤬ ꤋꤝꤤ ꤢ꤬ꤊꤜꤣꤧ꤭ꤟꤢꤨ ꤒꤣꤧ꤬ꤟꤢꤩ꤬ ꤢꤩꤡꤝꤢ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤘꤣ ꤊꤜꤣꤧ꤭ꤊꤜꤥ꤭ ꤜ꤫ꤢꤩ꤬ꤥ꤬ ꤙꤣꤧ ꤋꤝꤤꤟꤥ꤭ ꤊꤣꤧ꤬ꤚꤢꤩꤊꤢꤨ꤭ꤔꤣꤧ꤬ ꤚꤣꤧ꤬ ꤊꤜꤣꤧ꤭ꤟꤢꤨ ꤛꤢꤩ꤬ꤞꤥ꤭ꤞꤝꤢ ꤟꤢꤧ꤭ꤥ꤬ꤕꤜꤢꤪ ꤒꤣꤧ꤬ꤠꤢ꤬ꤜꤢꤪ꤭ ꤜꤢꤨ꤭꤯ 28ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤕꤜꤥꤊꤢꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤡꤢ꤬ ꤚꤣꤧ꤬ ꤢ꤬ ꤞꤢꤧꤓꤢꤧ꤬ ꤕ꤫ꤢꤩ꤬ ꤜꤢꤨ꤭ ꤡꤢ꤬ꤡꤝꤢ꤬ ꤜꤤ꤬ꤜꤢꤪꤞꤢꤪ꤭ ꤒꤣ꤬ꤕꤢꤦ꤬꤯ 29ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤤ꤬ꤋꤢꤨ꤬ ꤒꤣꤧ꤬ꤠꤢ꤬ ꤞꤢꤪ꤬ꤏꤢꤧꤗ꤫ꤢꤪ꤬ ꤞꤢꤧꤔꤢꤧ ꤊꤢꤨꤊ꤫ꤥ꤬ ꤔꤣꤧ꤬ꤚꤣꤧ꤬ ꤢ꤬ ꤊ꤫ꤥ꤬ꤓꤢꤧ꤬ ꤕ꤫ꤢꤩ꤬ ꤜꤢꤨ꤭ ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬, ꤗꤢꤩ꤬ꤜꤣꤧ꤬ꤠꤤ꤬ꤜꤣꤧ꤬ꤠꤢꤪ꤭ ꤊꤣꤧꤔ꤫ꤥ꤬ ꤜꤢꤪ꤭ ꤜꤢꤨ꤭꤯ ꤛꤢꤩ꤬ꤞꤤ꤭ ꤔꤢꤪ꤭ꤕ꤫ꤢꤦ꤬ ꤜꤢꤨ꤭ ꤤ꤬ꤓꤢꤧꤙꤥ꤭ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤒꤣ꤬ꤊꤛꤢ꤭ ꤚꤣꤧ꤬ ꤛꤢꤩ꤬ꤞꤤ꤭ ꤘꤢꤧꤍꤢꤦ꤬ꤜꤢꤧ꤬ ꤘꤣ ꤜꤢꤨ꤭ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤟꤢꤩ ꤜꤣꤧ꤬ꤠꤢꤪ꤭ ꤊꤣꤧꤔ꤫ꤥ꤬ ꤜꤢꤪ꤭ ꤜꤢꤨ꤭ ꤔꤢꤧ, “ꤊꤣ꤮ ꤛꤢꤨꤘꤢ꤬ ꤢ꤬ꤋꤝꤤꤘꤢꤨ꤬, ꤥ꤬ꤞꤣꤧ꤭ꤖꤚꤢꤩ꤬ ꤗ꤫ꤢꤪ꤬ꤔꤣꤧ꤭ ꤓꤢꤨ꤭ꤘꤢꤦ꤬ ꤔꤤ꤮!” 30ꤛꤢꤩ꤬ꤞꤤ꤭ ꤓꤢꤨ꤬ꤕꤜꤢ ꤜꤢꤨ꤭ ꤔꤢꤧ ꤕꤜꤤ꤬ꤓꤣꤧ꤭, ꤛꤢꤩ꤬ꤞꤤ꤭ ꤖꤛꤢ ꤤ꤬ꤓꤢꤧꤙꤥ꤭ ꤚꤣꤧ꤬ ꤗꤢꤦ꤭ꤓꤥ꤭ ꤗꤢꤦ꤭ꤞꤢꤧꤞꤢꤧ ꤡꤣꤧ ꤔꤢꤧ ꤜꤢꤨ꤭ ꤊꤢꤨ꤬ꤊꤜꤢꤪꤡꤣꤧ꤯
Copyright information for
EkySCKali