1Ti 2 | GagNTL | STEP | Onuştan hepsindän öncä nasaat vererim, dualar, istemeklär, yalvarmaklar hem şükürlär edilsin hepsi insan için,

‏ 1 Timothy 2

Dua klisedä

1 Onuştan hepsindän öncä nasaat vererim, dualar, istemeklär, yalvarmaklar hem şükürlär edilsin hepsi insan için,

2 padişahlar için hem hepsi üüsek zaabitlär için, ki geçirelim raat hem uslu bir yaşamak, bütün verilmäklän Allaha hem kendinizi dooru götürmäklän.

3 Zerä bu iidir hem yakışıklı bizim Kurtarıcı Allaha,

4 Angısı isteer, ki hepsi insan kurtulsun hem etişsin, ki aslılıı tanısın.

5 Zerä bir Allah hem bir Aracı Allahın hem insanın arasında, adam İisus Hristos.

6 O verdi Kendini kurban, ki kurtarsın hepsi insanı. Uygun zamanda bunun için şaatlık edildi.

7 Bunun için bän koyuldum haberci hem apostol. Dooru söleerim ^{▼▼Söleerim: kimi tekstlerdä «söleerim Hristozda».}, yalandırmêêrım. Koyuldum, ki üüredeyim milletleri inana hem aslılaa.

8 Onuştan isteerim, ki hererdä adamnar dua etsinnär, kaldırıp pak ellerini, üfkesiz hem çekişsiz.

9 Hep ölä karılar da yakışıklı giinsinnär utanmaklan hem saa fikirlän, diil saçlarını kabardarak örsünnär eki donansınnar altınnan, sedeflän yada paalı rubaylan,

10 ama donatsınnar kendilerini iilik yapmaklan, nicä yakışêr karılara, angılar deerlär, ani verildilär Allaha.

11 Karı usluluklan, ön vereräk, üürensin.

12 İzin vermeerim karı üüretsin eki çorbacı olsun kocasına. O uslulukta üürensin;

13 zerä ilkin yaradıldı Adam, sora Eva,

14 hem Adam aldadılmadı, ama karı aldadıldı da günaha düştü.

15 Ama karı kurtulacek Uşaan duumasınnan ^{▼▼Uşaan duumasınnan – Hristozun gelmesinnän. Kimi çevirmeklerdä: «uşak duudurmaklan» yada «açan uşak duudurêr».}, eer saa fikirlän yaşarsa inanda, sevgidä hem ayozlukta.