‏ 1 Chronicles 11

ዳዊት ሞቲ እስራኤል ተኤ

11፥1‑3 ኩወፈ – 2ሳሙ 5፥1‑3

1እስራኤሎን ሁንድኑ ኬብሮንት ዳዊት ብረት ወልት ዹፈኒ አከነ ጄዸን፤ “ኑ ፎኒፊ ዺገኬት። 2ዱራን፣ ዬሮ ሳኦል ሞቲ ቱሬትዩ ነምን ዱለ ሎልቶተ እስራኤል ሆገኑ ስእ ቱሬ። ዋቀዮ ዋቅንኬስ፣ ‘ስቱ ሰበኮ እስራኤልን ትክሰ፤ ቡልቻሳኒስ ንታተ’ ሲን ጄዼ ቱሬ።”

3ዮሙ ማንጉዶትን እስራኤል ሁንድ ኬብሮንት ዳዊት ሞትቸ ብረ ዹፈንት፣ እን ኬብሮንት ፉለ ዋቀዮ ዱረት እሳን ወጅን ከኩ ገሌ። እሳንስ አኩመ ዋቀዮ ከራ ሳሙኤሊን አብደቺሴ ሰነት ድበኒ እስራኤልረት ሞቲ እሰ ጎዸን።

ዳዊት ዬሩሳሌምን ሞአቹሳ

11፥4‑9 ኩወፈ – 2ሳሙ 5፥6‑10

4ዳዊቲፊ እስራኤሎን ሁንድኑ ገረ ዬሩሳሌምት ጄቹንስ ዬቡሲት ንቀጄለን። ዬቡሶን አች ጅራተን ገሩ 5ዳዊቲን፣ “አት አስ ህንሴንቱ” ጄዸን። ተኡስ ዳዊት ደአትኖ ጥዮን ጄቹንስ መጋላ ዳዊት ንቀበቴ።

6ዳዊትስ፣ “ነምን ዱራን ዱርሴ ዸቄ ዬቡሶተ ሎሉ አጀጃ ሎልቶታ ተአ” ጄዼ ቱሬ። ዮኣብ እልም ዜሩያ ጀልቀበት በኤ፤ ከናፉ እን አጀጃ ወራና ተኤ።

7ዳዊትስ እዶ ጅሬኘሳ ደአትኖ ሰነ ኬሰ ጎዸቴ፤ ከናፉ ደአኖን ሱን መጋላ ዳዊት ጄዸሜ ዋመሜ። 8እንስ ሚሎዻ ጀልቀቤ ናኖሼት ደላ ዸጋ ንእጃሬ፤ ዮኣብሞ ኩታ መጋላ ሰና ከን ሀፌ ዴብሴ እጃሬ። 9ዳዊትስ ሰበቢ ዋቀዮን ዋን ሁንደ ደንደኡ እሰ ወጅን ቱሬፍ ዬሩመ ዬሮን ጀባቻ ዹፌ።

ነሞተ ዳዊት ጀጀቤዪ

11፥10‑41 ኩወፈ – 2ሳሙ 23፥8‑39

10ነሞተ ዳዊት ወረ ጀጀቦ ኬሳ ሀንገፎትን ከኔኒዸ፤ እሳንስ አኩመ ዋቀዮ ዋኤ እስራኤል ዱበቴ ሰነት ሞቲ እሰ ጎቹፍ ጄዸኒ ሰበ እስራኤል ሁንደ ወጅን ሞቱማሳ ኬሰት ገርጋርሰ ጉዳ ጎዸኒፍ። 11መቃን ነሞተ ዳዊት ወረ ጀጀቦ ከናዸ፦

ያሾብኣም ነምች ጎሰ ሀክሞን ሀንገፈ አጀጆተ ሰና ቱሬ፤ እንስ ሎለ ቶኮረት ኤቦ ምርምርሴ ነሞተ ዽበ ሰዲ ፍጤ።

12ከን እሰት ኣኑሞ ኤሌኣዛር ነምቸ ጎሰ አሆኣ፣ እልመ ዶዶ ቱሬ፤ እንስ ነሞተ ጀጀቦ ሰደን ሰነ ኬሳ ቶኮ ቱሬ። 13ኤሌኣዛር ዬሮ ፍልስጤሞትን ወራናፍ ወልት ቀበመኒ ቱረንት ዳዊት ወጅን ጳስ ደሚም ቱሬ። ሎልቶትንስ ለፈ ቆቲሳ ከን ገርቡዻን ጉተሜ ቶኮ ብረት ፍልስጤሞተ ዱራ በቀተን። 14እኒፊ ዳዊት ገሩ ለፈ ቆቲሳ ወለካት እዶ ቀበተን። እሳንስ እራ እትሱዻን ፍልስጤሞተ ፍጠን፤ ዋቀዮስ ሞአትና ጉዳ እሳኒፍ ኬኔ።

15ኡቱመ ገሬን ፍልስጤሞታ ሱሉለ ሬፋይም ኬሰ ቁበቴ ጅሩ ሀንገፎተ ሶዶመን ሰነ ኬሳ ነሞትን ሰዲ ገረ ከታ ሆልቀ አዱላምት ገረ ዳዊት ገድ ቡአን። 16ዬሮ ሰነት ዳዊት ደአትኖ ጭማ ኬሰ ቱሬ፤ ሎልቶትን ፍልስጤምሞ ቤትልሄም ቱረን። 17ዳዊትስ ዼቦቴ፣ “ኡቱ ነምን ቶኮ ቦለ ብሻኒ ከን ከረ ቤትልሄም ብረ ጅሩ ኬሳ ብሻን ዹጋቲ ና ፍዴሆ!” ጄዼ። 18ከናፉ ነሞትን ሰደን ሱን ቁበተ ፍልስጤሞታ ኬሳን ደርበኒ ቦለ ብሻኒ ከን ከረ ቤትልሄም ብረ ጅሩ ኬሳ ብሻን ወራበኒ ዳዊቲፍ ፍደን። እን ገሩ ዹጉ ንድዴ፤ ቆደ ከና ብሻን ሰነ ፉለ ዋቀዮ ዱረት ዸንገላሴ። 19እንስ፣ “አከ አን ዋን ከነ ህንጎኔ ዋቅን ነራ ሃፈጌሱ! አን ዺገ ነሞተ ሉቡ ኦፊሳኒት ሙረኒ ዸቀን ከና ነንዹጋ?” ጄዼ። ሰበቢ እሳን ሉቡ ኦፊሳኒት ሙረኒ ዸቀኒ ፍደኒፍ ዳዊት ብሻን ሰነ ህንዹግኔ።

ኤጋ ወን ነሞትን ጀጀቦን ሰደን ሱን ሆጄተን ከነ ቱሬ።

20አቢሻይ ኦቦሌስ ዮኣብ ሆገና ሰደንሳኒ ቱሬ። እንስ ነሞተ ዽበ ሰዲት ኤቦሳ ኦል ካፈቴ እሳን ፍጤ፤ አከሲን እንስ አኩመ ነሞተ ሰደን ሰና ቤከማ ተኤ። 21እን ዮ እሳን ኬሳ ቶኮ ተኡ ባቴዩ ወረ ሰደን ጫላ ኡልፍነ አርገቴ አጀጃሳኒ ተኤ።

22ቤናያ እልም ዬሆያዳ ሎልቱን ጭማን ብየ ቀብዝኤል ሱንስ ሎልቱ ሞአትና ጉርጉዳ አርገምሲሴ ቱሬ። እንስ ሎልቶተ ሞኣብ ከኔን አከ መሌ ጀጀቦ ተአን ለመ አጄሴ። ጋፈ ጨቢን ሮቤ ቶኮስ ቦለ ኬሰ ሴኔ ሌንጨ አጄሴ። 23ነምቸ ብየ ግብጥ ከን ዹንዹመ ሸን ዼረቱ ቶኮሌ ንአጄሴ። ነምች ግብጥ ሱን ኤቦ አከ ደንቀራ ወየ ዾፍቱ ሀርካ ቀባቱዩ ቤናያ ቦኩዻን እሰት በኤ። እንስ ሀርከ ነምቸ ግብጥ ሰናቲ ኤቦ ቡተቴ ኤቦዹመሳቲን እሰ አጄሴ። 24ሆጂወን ጎቱማ ከኔን ቤናያ እልም ዬሆያዳ ሆጄቴ ከነ ፈእ፤ እንስ አኩመ ነሞተ ጀጀቦ ሰደን ሰና ነመ ቤከማ ቱሬ። 25እን ነሞተ ሶዶመን ሰነ ኬሳ ነመ ከምዩ ጫላ ኡልፍነ ጉዳ አርገቴ፤ ገሩ ነሞተ ሰደን ሰነት ህንደበለምኔ። ዳዊትስ አጀጃ ኤግዶተ ኦፊሳ እሰ ጎዸቴ።

26ነሞትን ጀጀቦን ሱንስ ከኔኒዸ፦

አሳሄል ኦቦሌሰ ዮኣብ፣
ኤልሃናን ነምቸ ቤትልሄም እልመ ዶዶ፣
27ሸሞት ነምቸ ጎሰ ሀሮር፣
ሄሌዝ ነምቸ ጎሰ ጴሎና፣
28ኢራ እልመ እቄሽ ነመ ቴቆኣ፣
አቢኤዜር ነመ አናቶት፣
29ሲቤካይ ነመ ብየ ሁሻ፣
ኢላይ ነመ አሆኣ፣
30መሀራይ ነመ ኔቶፋ፣
ሄሌድ እልመ በአና ነመ ኔቶፋ፣
31ጎሰ ቤንያም ኬሳ
ኢታይ እልመ ሪባይ፣ ነምቸ ግቤኣ፣
ቤናያ ነመ ጵራቶን፣
32ሁራይ ነምቸ ሱሉሎተ ገኣሽ፣
አቢኤል ነምቸ ብየ አርባ፣
33አዝማዌት ነምቸ በሀሩም፣
ኤሊያባ ነምቸ ሸአልቦን፣
34እልማን ሃሼም ነምቸ ግዞን፣
ዮናታን እልመ ሻጌ ነምቸ ሀራራ፣
35አሂኣም እልመ ሳካር ነምቸ ሀራራ፣
ኤሊፋል እልመ ኡር፣
36ሄፌር ነምቸ ሜኬራታ፣
አሂያ ነምቸ ጴሎና፣
37ሄዝሮ ነመ ቀርሜሎስ፣
ነአራይ እልመ ኤዝበይ፣
38ዮኤል ኦቦሌሰ ናታኒ፣
ምቤሃር እልመ ሀግሪ፣
39ዜሌቅ ነምቸ ጎሰ አሞን፣
ነሃራይ ነምቸ ብኤሮት ከን ዮኣብ እልመ ዜሩያቲፍ ምአ ሎላ ባቱ ሰነ፣
40ኢራስ ነምቸ ጎሰ ይትራ፣
ጋሬብ ነምቸ ጎሰ ይትራ፣
41ኡርያ ነምቸ ሄት፣
ዛባድ እልመ አህለይ፣
42ኣዲና እልመ ሺዛ ነምቸ ጎሰ ሩቤን፣ እን ሆገና ሩቤኖታቲፊ ከን ነሞተ ሶዶመን እሰ ወጅን ቱረኒት፤
43ሃናን እልመ መአካ፣
ዮሻፋጥ ነምቸ ሚትና፣
44ኡዝያ ነምቸ አሽቴራት፣
ሻማኢፊ ዬኢኤል እልማን ሆታም ነምቸ አሮኤር፣
45ዬድያኤል እልመ ሽምሪ፣
ኦቦሌሰሳ ዮሃ ነምቸ ቲዚ፣
46ኤሊኤል ነምቸ መሀዋ፣
ዬሪባዪፊ ዮሸብያ እልማን ኤልነአም፣
ይትማ ነምቸ ሞኣብ፣
47ኤሊኤል፣ ኦቤዲፊ የእሲኤል ነምቸ ሜዞባ።