‏ 1 Chronicles 29

ኬና እጃርሰ መነ ቁልቁሉማቲፍ ኬነሜ

1ኤርገሲ ዳዊት ሞትች ያኢ ጉቱዻን አከነ ጄዼ፤ “እልምኮ ሶሎሞን እን ዋቅን ፍለቴ እጆሌፊ ነመ ሙጠትኖ ህንቀብኔዸ። መን ቁልቁሉማ ኩን ከን ዋቀዮ ጎፍታት መሌ ዋን ከን ነማ ህንተእኒፍ ሆጂንሳ ጉዳዸ። 2አንስ ዋነን ኬኑ ደንደኡ ሁንደ መነ ቁልቁሉማ ዋቀኮቲፍ፣ ሆጂ ወርቄቲፍ ወርቄ፣ ከን ሜቲቲፍ ሜቲ፣ ከን ናሲቲፍ ናሲ፣ ከን ስቢላቲፍ ስቢለ፣ ከን ሙካቲፍ ሙከ አከሱመስ ዋን በሬድነ ዱበሳቲፍ ኦሉ ሰርዶንክሲ፣ ኬልቄዶን፣ ዸጋወን በበሬዶፊ ዸጋ አዲ ባይእናን ቆጴሴረ። 3ከነ መሌስ አን ጃለለን መነ ዋቀኮቲፍ ቀቡን ዋነን ዱራን ኬኔ ቱሬት ደበሌ ቀቤኘ ኦፊኮራ ወርቄፊ ሜቲ መነ ቁልቁሉማ ዋቀኮቲፍ ነንኬነ፤ 4ኩንስ ኬኘን መንቻት ኡፍሱፍ ወርቄ ቁልቁሉ ወርቄ፣ ኦፊሪ ታላንቲ ኩመ ሰዲፊ ሜቲ ቁልቁሌፈሜ ታላንቲ ኩመ ቶርበ፣ 5አከ ሆጂን ሁንድ ኦጌዪ ሆጂ ሀርካቲን ሆጄተሙፍ ወርቄ ሆጂ ወርቄቲፍ፣ ሜቲሌ ሆጂ ሜቲፍ ኬኔረ። ኤጋ ሀርአ ኤኙቱ ፌዺሳቲን ዋቀዮፍ አዳን ኦፍ ባሰ?”

6ኤርገሲ ቀጄልችቶትን ማቲ፣ አጀጆትን ጎሶተ እስራኤል፣ አጀጁወን ኩማ፣ አጀጁወን ዽባቲፊ ቆንዳልቶትን ሆጂ ሞቲ ቶአተን ኬናሳኒ ፌዺዻን ኬነን። 7እሳንስ ሆጂ እጃርሰ መነ ቁልቁሉማ ዋቃቲፍ ወርቄ ታላንቲ ኩመ ሸን፣ ወርቄ ዳሪኪ ኩመ ኩዸን፣ ሜቲ ታላንቲ ኩመ ኩዸን፣ ናሲ ታላንቲ ኩመ ኩዸ ሰዴቲፊ ስቢለ ታላንቲ ኩመ ዽበ ቶኮ ንኬነን። 8ነምን ዸጋወን ገት ጀቤዪ ቀቡ ሁንድኑስ ሀርከ ዬሂኤል ነምቸ ጎሰ ጌርሾንት መንኩሳ መነ ቁልቁሉማ ዋቀዮት ንገልቼ። 9ከነረት ዋን ዱረ ዴምቶትንሳ ፌዺፊ ገራ ጉቱዻን ዋቀዮፍ ኬነኒፍ ሰብን ሱን ንገመዴ። ዳዊት ሞትችስ አከ መሌ ንገመዴ።

ከዸትና ዳዊት

10ዳዊት ያኢ ጉቱ ዱረት አከነ ጄዼ ዋቀዮ ገለቴፈቴ፤ “ያ ዋቀዮ፣ ዋቀ አባኬኘ እስራኤል
በረ በራ ሀመ በረ በራት
ገለን ሲፍ ሃተኡ።
11ያ ዋቀዮ ሰበቢ ወን ሰሚፊ
ለፈረ ጅሩ ሁንድ ከንኬ ተኤፍ ጉድትኒፊ ሁምን፣
ኡልፍን፣ ሱራፊ ስምቦን ከንኬት።
ያ ዋቀዮ ሞቱማን ከንኬት፤
አት ዋን ሁንደረት መታ ኦል ኦል ጄቴዸ።
12በዻዹማፊ ከበጀሙን ስ ብራ አርገመ፤
አት ቡልቻ ዋን ሁንዳት።
ኦል ኦል ጉድሱፊ ዋን ሁንዳፍ
ጀብነ ኬኑፍ፣ ጀብኒፊ ሁምን ስ ሀርከ ጅረ።
13አመስ ያ ዋቀኬኘ፣ ስ ገለቴፈትነ፤
መቃኬ ኡልፍነ ቀቤሰ ሰነስ ንጀጀትነ።

14“ገሩ አርጁማ አከሲ ጎቹፍ አን ኤኙ? ሰብንኮስ ኤኙ? ወን ሁንድ ስ ብራ ዹፌ፤ ኑ ዋኑመ ሀርከኬቲ ዹፌ ሰነ ቆፈ ሲፍ ኬንኔ። 15ኑ አኩመ አቦቲንኬኘ ሁንድ ቱረን ሰነ ፉለኬ ዱረት አለጎታፊ ኬሱሞተ፤ በር ጅሬኘኬኛስ ለፈረት አኩመ ጋድዱት፤ አብዲሌ ህንቀብኑ። 16ያ ዋቀዮ ዋቀኬኘ፣ ወን ኑ መቃኬ ቁልቁልቻፍ መነ ቁልቁሉማ ሲፍ እጃሩፍ ኬንኔ ኩን ሁንድኑ ሀርከኬቲ ዹፌ፤ ሁንድሳስ ኬቱመ። 17ያ ዋቀኮ አከ አት ገራ ቆርቱፊ ቀጄሉማ ጃለቱ አን ቤከ። አንስ ዋን ከነ ሁንደ አመነሙማፊ ፌዺዻነን ኬኔ። አመስ አከ ሰብንኬ ከን አስ ጅሩ ኩን ፌዺዻን ሲፍ ኬኔ አን አርጌ ገመዴረ። 18ያ ዋቀዮ ዋቀ አቦቲኬኛ፣ ዋቀ አብረሃም፣ ዋቀ ይስሃቅ፣ ዋቀ እስራኤል ፌዺ ከነ በረ በራን ገራ ሰበኬቲ ኬሰ ቱርስ፤ አከ ገራንሳኒስ አመነማ ሲፍ ተኡ ጎዽ። 19እልመኮ ሶሎሞኒፍስ አከ እን አጀጀኬ፣ ቀጄልቻፊ ለብሲኬ ኤጉ፣ አከ እን ዋን ከነ ሁንደ ሆጄቴ መነ ቁልቁሉማ ከን አን ጉማተ ጎዼፍ ከነሌ እጃሩፍ ፌዺ ገራ ጉቱ ኬኒፍ።”

20ሰነ ቦዴስ ዳዊት ያኢ ጉቱዻን፣ “ዋቀዮ ዋቀኬሰን ገለቴፈዻ” ጄዼ። ከናፉ ሁንድሳኒ ዋቀዮ ዋቀ አቦቲሳኒ ንገለቴፈተን፤ ፉለ ዋቀዮቲፊ ፉለ ሞትቻ ዱረት አዳን ጎምብፈመኒ ንሰገደን።

ሶሎሞን ሞቲ ተኡንሳ ቤከሜ

29፥21‑25 ኩወፈ – 1ሞቶ 1፥28‑53

21እሳንስ ጉያ እት ኣኑት ዋቀዮፍ ቀልመ ቀለኒ ኣርሳ ጉበሙ ዽኤሰን፤ ኣርሳን መቃ እስራኤሎታቲን ዽኣቴስ፦ ኮሮሚ ሎኒ ኩመ ቶኮ፣ ኮርቤዪ ሆላ ኩመ ቶኮ፣ ኮርቤዪ ሆላ ጥጥና ኩመ ቶኮ፣ ዽባዩፊ ኣርሳወን ብራ ባይኤዸ። 22እሳንስ ጋፈ ሰነ ፉለ ዋቀዮ ዱረት ገመቹ ጉዳዻን ኛተኒ ዹገን።

ኤርገሲሞ ሶሎሞን እልመ ዳዊት ሞቲ ጎዸኒ አከ እን ቡልቻ ተኡፍ ፉለ ዋቀዮ ዱረት ዬሮ ለመፋ ድበን፤ ዛዶቂንሞ ሉበ ጎዸን። 23ከናፉ ሶሎሞን እዶ አባሳ ዳዊት ሞቲ ተኤ ቴሶ ዋቀዮረ ታኤ። ንምልካኤስ፤ እስራኤሎን ሁንድስ እሳፍ አጀጀመን። 24አጀጆትን ወራናቲፊ ነሞትን ጀጀቦን ሁንድ አከሱመስ እልማን ዳዊት ሞትቻ ሁንድ አመነሙማሳኒ ሶሎሞን ሞትቻፍ ምርከኔሰን።

25 ዋቀዮስ እስራኤሎተ ዱረት ሶሎሞንን ኦል ኦል ካሴ፤ ኡልፍነ ሞቱማ ከን ሞቶትን እሰ ዱረ ቱረን ቶኮዩ እስራኤል ኬሰት ህንቀባትን ንኬኔፍ።

ዱአ ዳዊት

29፥26‑28 ኩወፈ – 1ሞቶ 2፥10‑12

26ዳዊት እልም እሴይ ጉቱማ እስራኤልረት ሞቲ ቱሬ። 27እንስ ወጋ አፉርተመ እስራኤልን ቡልቼ፤ ወጋ ቶርበ ኬብሮን ታኤ፣ ወጋ ሶዶሚ ሰዲሞ ዬሩሳሌም ታኤ ንቡልቼ። 28ዳዊት በረ ዼራ ጅራቴ፣ በዻዹማፊ ኡልፍነ አርገቴ ዱሎሜ ዱኤ። እልምሳ ሶሎሞን ሞቲ ተኤ እዶሳ ቡኤ።

29ሆጂን በረ ሞቱማ ዳዊት ሞትቻ ኬሰ ጀልቀባ ሀመ ዹማት ሆጄተሜ ክታበ ሴና ሳሙኤል ነምቸ ሙልአተ አርጉ ሰና ኬሰት፣ ክታበ ሴና ናታን ራጅቻ ኬሰቲፊ ክታበ ሴና ጋድ ነምቸ ሙልአተ አርጉ ሰና ኬሰት፣ 30ቡልቺንስሳ ሁንዲፊ ሁምንሳ፣ በር እን፣ እስራኤሊፊ ሞቱሞን ብዮተ ሁንዳ ኬሰ ደርበን በሬፈሜረ።