‏ 1 Samuel 1

ዸለቹ ሳሙኤል

1ነምቸ ብየ ጋረ ኤፍሬም ኬሰ ራማተዪም ዞፊም ጅራቱ ከን መቃንሳ ኤልቃና ጄዸሙ ቶኮቱ ቱሬ፤ እንስ እልመ ዬሮሃም፣ እልመ ኤሊሁ፣ እልመ ቶሁ፣ እልመ ዙፍ፣ እልመ ናሲብ ቱሬ። 2እንስ ኒቲ ለመ ቀበ ቱሬ፤ መቃን እሼ ቶኮ ሃና፣ ካንሞ ጴኒና ጄዸመ ቱሬ። ጴኒናን እጆሌ ቀብድ፤ ሃናን ገሩ እጆሌ ቶኮሌ ህንቀብዱ ቱሬ።

3ኤልቃናን ወጉመ ወጋዻን ዋቀዮ ዋን ሁንደ ደንደኡፍ ኣርሳ ዽኤሱፊ ሰገዱዻፍ መጋላ ጅራቱ ከኤ ገረ ሺሎት ኦል በአ ቱሬ። አችትስ እልማን ኤሊ ለማን ሆፍኒኒፊ ፊኔሃስ ሉቦተ ዋቀዮ ቱረን። 4ዮሙ ጉያን እት ኤልቃናን ኣርሳ ዽኤሱ ገኡት እን ኒቲሳ ጴኒና፣ እልማንሳቲፊ እንተለንሳ ሁንዳፍ ፎን ሰነራ ቆደሳኒ ንኬነ ቱሬ። 5እን ሰበቢ ሃና ጃለቱፍ ቆደ ሀርከ ለመ እሼዻፍ ኬነ ቱሬ፤ ዋቀዮ ገሩ ገደሜሰሼ ጩፌ ቱሬ። 6ሰበቢ ዋቀዮ ገደሜሰ ሃና ጩፌፍ መሳኑንሼ አከ እሼን ኣርቱፍ እሼ ቱቱቃ ቱርቴ። 7ኩንስ ወጉመ ወጋዻን እት ፉፌ። ዬሮ ሃናን ገረ መነ ዋቀዮት ኦል ባቱት መሳኑንሼ፣ እሼ ቱቱቃ ቱርቴ፤ ከናፉ ሃናን ንቦስ፣ ኛተስ ህንኛቱ ቱርቴ። 8ዽርስሼ ኤልቃናንስ፣ “ሃና አት ማሊፍ ቦሰ? ማሊፍ ህንኛቱ? ገራንኬ ማሊፍ ገዳ? አን እልማን ኩዸን ሲፍ ህንጫሉ?” እሼን ጄዸ ቱሬ።

9ጋፍ ቶኮ እሳን ሺሎት ኤርገ ኛተኒ ዹገኒ ቦዴ ሃናን ኦል ካቴ ዻበቴ። ኤሊን ሉብች ዻበ በልበለ መነ ቁልቁሉማ ዋቀዮ ብረ በርጩመረ ታኣ ቱሬ። 10ሃናንስ ጉዳ ገድቴ ህቅፈቴ ቦኡዻን ዋቀዮን ከዸቴ። 11አከነስ ጄቴ ወሬግዴ፤ “ያ ዋቀዮ ዋን ሁንደ ደንዴሱ፣ ዮ አት ዽጵነ ገርብቲኬቲ እላልቴ ነ ያደቴ፣ ዮ አት ገርብቲኬ ደገቹ ባቴ እልመ ና ኬንቴ አን በረ ጅሬኘሳ ጉቱ እሰ ዋቀዮፍ ነንኬነ፤ ቀረባን ቶኮዩ መታሳ ህንቱቁ።”

12ዬሮ ሃናን እቱመ ፉፍቴ ፉለ ዋቀዮ ዱረት ከዸቻ ቱርቴትስ ኤሊን አፋንሼ እላላ ቱሬ። 13ሃናንስ ገራሼት ከዸቻ ቱርቴ፤ ህዺሼቱ ሶቾአ መሌስ ሰገሌንሼ ህንዸገአሙ ቱሬ። ከናፉ ኤሊን ዋን እሼን መቾፍቴ ሴኤ፣ 14“አት ሀመ ዮሚት መቾፍተ? ዳዺ ወይኒኬ ኦፍራ ፈጌስ” ጄዼን።

15ሃናንስ አከነ ጄቴ ዴብፍቴ፤ “ለክ አከስ ምት፤ ያ ጎፍታኮ፣ አን ዱበርቲ አከ መሌ ዽጰቴዸ። አን ሉቡኮ ፉለ ዋቀዮ ዱረት ዸንገላሴ መሌ ዳዺ ወይኒ ዮካን ዹጋቲ ነመ መቼሱ ህንዹግኔ። 16አት ገርብቲኬ አከ ዱበርቲ ፋይዳ ህንቀብኔ ቶኮት ህንእላልን። አን ሰበቢ ዽጵናፊ ገደኮ ጉዳ ሰናቲፍ ሀመ አማት ከዸቻን ጅረ።”

17ኤሊንስ፣ “ነጋን ዴም፤ ዋቅን እስራኤል ዋን አት ከዸቴ ሲፍ ሃኬኑ” ጄዼ ዴብሴፍ።

18እሼንስ፣ “ገርብቲንኬ ፉለኬ ዱረት ሱራ ሃአርገቱ” ጄቴ። ኤርገሲስ ዴምሰሼ እት ፉፍቴ፤ ኛተ ንኛቴ፤ ገድስ ፉለሼረት ህንሙልአትኔ።

19እሳንስ ጉያ እት ኣኑ ገነመ በሪ ከአኒ ፉለ ዋቀዮ ዱረት ሰገደኒ ገረ መነሳኒ ራማት ዴብአን። ኤልቃናን ኒቲሳ ሃና ብረ ገኤ፤ ዋቀዮስ እሼ ያደቴ። 20ሃናን ኡልፎፍቴ ዬሮንሳ ጌኛን እልመ ዴሴ። መቃሳስ፣ “አን ዋቀዮራ እሰ ከዸዼራቲ” ጄቴ ሳሙኤል ጄቴ ሞጋፍቴ።

ሳሙኤል ዋቃፍ ኬነሜ

21ኤልቃናን ወረ መነሳ ጅራተን ሁንደ ወጅን ዋቀዮፍ ኣርሳ ወጋ ዽኤሱፊ ወሬገሳ ገልቹፍ ኦል በኤ፤ 22ሃናን ገሩ ህንዸቅኔ። እሼንስ ዽርሰሼቲን፣ “ኤርገ ሙጫን ኩን ሀርመ ጉኤ ቦዴ አን እሰ ጌሴን ፉለ ዋቀዮ ዱረት እሰ ዽኤሰ፤ እንስ ጅሬኘሳ ጉቱ አቹመ ጅራተ” ጄቴ።

23ዽርስሼ ኤልቃናንስ፣ “ዋኑመ ጃለቴ ጎዽ፤ አት ሀመ ሀርመ እሰ ጉስፍቱት አሱመ ቱር፤ ዋቀዮ ገሩ ዱቢሳ ፊጣን ሃባሱ” ጄዼን። ከናፉ ዱበርትቲን መነ ቱርቴ ሀመ ሀርመ እሰ ጉስፍቱት እልመሼ ሆስፍቴ።

24እሼ ኤርገ ሙጭቸ ሀርመ ጉስፍቴ ቦዴ ሙጭቻፊ ድብቸ ሎኒ ከን ኡሙሪንሳ ወጋ ሰዲ ተኤ፣ ዳኩ ኢፊ ▼

▼ኢፊን ቶኮ ኪሎ ግራሚ 40።

ቶኮፊ ዳዺ ወይኒ ቀልቀሎ ቶኮ ፉዸቴ ገረ ሺሎ ገረ መነ ዋቀዮት ፍዴ። ሙጭችስ ዳእመ ቱሬ። 25እሳንስ ድብቸ ሰነ ቀለኒ ሙጭቸ ገረ ኤሊት ፍደን፤ 26እሼንስ አከነ ጄቴን፤ “ያ ጎፍታኮ፣ ዱአ ሉቡኬቲት፤ ዱበርቲን አስ ስ ብረ ዻበቴ ዋቀዮን ከዸቻ ቱርቴ ሱን አኑመ። 27አን ሙጫ ከነ አርገቹፍ ከዸዼረ፤ ዋቀዮስ ዋን አን እሰ ከዸዼ ናፍ ኬኔረ። 28ከናፉ አን አመ ዋቀዮፈን እሰ ኬነ። በረ ጅሬኘሳ ጉቱ ዋቀዮፍ ንኬነመ።” እሳንስ አችት ዋቀዮፍ ሰገደን።