1 Samuel 21
ዳዊት ገረ ኖብ ዴሙሳ
1ዳዊት ገረ መጋላ ኖብ አቢሜሌክ ሉብቸ ብረ ዸቄ። አሂሜሌክስ ዬሮ እሰ አርጌት ሆለቴ፣ “አት ማሊፍ ኮጳኬ ዴምተ? ማሊፍ ነምን ቶኮሌ ስ ወጅን ህንጅሩ?” ጄዼ ጋፈቴ። 2ዳዊትስ አሂሜሌክ ሉብቻን አከነ ጄዼ፤ “ሞትች፣ ‘ነምን ቶኮዩ ዋኤ ኤርገመኬቲቲፊ ቀጄልፈመኬቲ ቤኩ ህንቀቡ’ ጄዼ ነ አጀጄረ። ነሞተኮሞ አከ እሳን እዶ ቶኮት ነ ኤገን እት ህሜረ። 3ኤጋ እስን ማል ኦፍ ሀርካ ቀብዱ? ቡዴነ ሸን ዮካን ዋኑመ አርገቹ ደንዴሰን ና ኬና።” 4ሉብች ገሩ ዳዊቲን፣ “አን ቡዴነ ነምን ከምዩ ኛቹ ደንደኡ አሲ ህንቀቡ፤ ተኡስ ቡዴን ቁልቁላኣን ነሞትን ዱበርቲ ብረ ህንገእን ቆፍት ኛቹ ደንደአን አስ ጅረ” ጄዼ። 5ዳዊትስ፣ “ዹጉማን አኩመ ዬሮ አን በኡ ሁንደ ተኣ ቱሬ ሰነ ዱበርቶትን ኑራ ዾወመኒሩ። ኤርገመ ቁልቁሉ ህንተእንረትዩ ምእ ደርገጎታ ቁልቁሉዸ። ሀርአሞ ሀመም ጫላት ሃቁልቁላኡ ሬ!” ጄዼ ዴብሴ። 6ከናፉ ሉብች ቡዴነ ቁልቁሌፈሜ ሰነ እሳፍ ኬኔ፤ ቡዴነ እላልቻ ከን ጋፈስ ቡዴነ ሆኣዻን እዶ ቡፈሙፍ ፉለ ዋቀዮ ዱራ ፉዸሜ ሰነ መሌ ቡዴን ብራ አች ህንቱሬቲ። 7ጋፈስስ ተጃጅልቶተ ሳኦል ኬሳ ቶኮ አከ ፉለ ዋቀዮ ዱረ ቱሩ ድርቅሲፈሜ ቱሬ፤ እንስ ዶኤግ ነምቸ ኤዶም፣ እት ጋፈተማ ትክሴ ሳኦል ቱሬ። 8ዳዊትስ፣ “አት ኤቦ ዮካን ጎራዴ አሲ ህንቀብዱ? አን ሰበቢ ሆጂን ሞትቻ አሪፈቺሳ ተኤፍ ጎራዴ ዮካን ምአ ሎላ ቶኮሌ ህንፍደትኔ?” ጄዼ አሂሜሌክን ጋፈቴ። 9ሉብችስ ዴብሴ አከነ ጄዼ፤ “ጎራዴን ጎልያድ ፍልስጤምቻ ከን አት ሱሉለ ኤላ ኬሰት አጄፍቴ ሰና አስ ጅረ፤ እንስ ሁጩዻን መረሜ ድረታን ዱበ ጅረ። ዮ በርባዴ ፉዸዹ፤ እሰ መሌ ጎራዴን ብራ አስ ህንጅሩ” ጄዼን። ዳዊትስ፣ “ከን አከሳ ህንጅሩቲ ና ኬን” ጄዼ።ዳዊት ገረ ጋትት በቀቴ
10ዳዊት ጋፈስ ሳኦል ዱራ በቀቴ ገረ ኣኪሽ ሞትቸ ጋት ዸቄ። 11ተጃጅልቶትን ኣኪሽ ገሩ፣ “ዳዊት ኩን ሞትቸ ብየቲ ምቲ?” እን ከን እሳን፦ “ ‘ሳኦል ኩማተመ አጄሴ፤ዳዊትሞ ኩመ ኩማተመ አጄሴ’
ጄዸኒ ፋርፈተኒ ስርበኒፍ ሰነ ምቲ?” 12ዳዊትስ ዋን ከነ ገራት ቀበቴ ኣኪሽ ሞትቸ ጋት አከ መሌ ሶዳቴ። 13ከናፉ ፉለሳኒ ዱረት አከ ዋን መራቴ ተኤ፤ ኡቱመ ሀርከሳኒ ኬሰ ጅሩስ ጩፋ ከራ ሆቄ አሬደሳረ ጎሮረ ያሴ አከ ነመ መራቴ ኦፍ ጎዼ። 14ኣኪሽስ ተጃጅልቶተሳቲን አከነ ጄዼ፤ “ሜ ነምቸ ከነ እላላ! እን መራቱዸ! ማሊፍ ገረኮ እሰ ፍደን? 15አከ እን ፉለኮ ዱረት አከነ ተኡፍ እሰ አስ ፍዱንኬሰን አን ነመ መራቴ ዸቤቲ? ነምች ኩን መነኮ ዹፉ ቀባ?”
Copyright information for
GazHAHe