‏ 2 Samuel 22

ፋርፈትና ገለታ ከን ዳዊት

22፥1‑51 ኩወፈ – ፋር 18፥1‑50

1ዳዊት ዮሙ ዋቀዮ ሀርከ ዲኖተሳ ሁንዳፊ ሀርከ ሳኦል ጀላ እሰ ባሴት ዱቢ ፋርፈትና ከነ ዋቀዮፍ ፋርፈቴ። 2እንስ አከነ ጄዼ፦ “ዋቀዮ ከታኮት፤ ደአትኖኮቲፊ ኦልቻኮት፤
3ዋቅንኮ ከታኮ ከን አን ኮሉ እት ገሉዸ፤
እን ጋቸነኮቲፊ ጋንፈ ፈይነኮት።
እን ደአትኖኮ ጭማ፣ ኮሉኮቲፊ ፈይሳኮት፤
አት ነሞተ ሁምናን ነመት ከአን ጀላስ ነ ባስተ።

4“አን ዋቀዮ ገለን እሳፍ መሉ ሰነ ነንዋመዸ፤
ዲኖተኮ ጀላስ ነንበራረመ።
5ደምበሊን ዱኣ ነ መርሴረ፤
ሎላን በዲሳስ ነ ልቅምሴረ።
6ፉኞን ሲኦል ነት መረሜ፤
ክዮን ዱኣስ ነት ዹፌ።

7“አን ዽጵነኮ ኬሰት ዋቀዮን ነንዋመዼ፤
ዋቀኮት ነንእየዼ።
እንስ መነ ቁልቁሉማሳቲ ሰገሌኮ ዸገኤ፤
እይኮስ ጉረሳ ሴኔ።
8ለፍት ንሆለቴ፤ ንሶቾቴስ፤
ሁንዴወን ሰሚወኒ ንራፈመን፤
ሰበቢ እን ዼከሜፍስ እሳን ንሆለተን።
9ኣር ፉኛንሳቲ ኦል በኤ፤
እብድ ዋ በርበዴሱ አፋንሳቲ በኤ፤
ጭሌን ቦበኡስ አፋንሳቲ በኤ።
10እን ሰሚወን ተርሳሴ ገድ ቡኤ፤
ዱሜሶን ጉራችስ ሚለሳ ጀለ ቱረን።
11እን ኪሩቤልን ያበቴ በርሴ፤
ቆቾ ቅሌንሳቲንስ ኦል በኤ።
12እን ዱከነ፣ ዱሜሰ ሰሚ
ከን ቦካዻን ዱከናኤሞ ጎዶሳ ጎዸቴ።
13እፈ ፉለሳ ኬሳስ
በከካን በለቅሴ በኤ።
14 ዋቀዮ ሰሚዻ ንቀቀዌሰኤ፤
ሰገሌን ዋቀ ዋን ሁንዳ ኦሊስ ንዸገአሜ።
15እን ጥየሳ ደርበቴ ዲኖተ ብትኔሴ፤
በከካስ ገድ ዺሴ እሳን ፍጤ።
16ዼከምሰ፣ ዋቀዮቲን
ሁምነ ሀፉረ ፉኛንሳቲ በኡቲንስ
ሱሉለወን ገላና እፈት ባፈመን፤
ሁንዴወን ለፋስ ቁላ ሀፈን።

17“እን ኦል ጉባዻ ገድ ሂጠቴ ነ ቀቤ፤
ብሻኖተ ገድ ፈጎ ኬሳስ ነ ባሴ።
18እን ዲነኮ እሰ ጀባ ጀላ፣ አመጃጆተኮ
ወረ አከ መሌ ነት ጭመን ጀላስ ነ ባሴ።
19እሳን ጉያ ረክነኮት ነት ዹፈን፤
ዋቀዮ ገሩ ገርጋርሰኮ ቱሬ።
20እን እዶ በልኣት ነ ባሴ፤
ዋን ነት ገመዴፍስ ነ ኦልቼ።

21“ዋቀዮ አኩመ ቀጄሉማኮቲት ና ኬኔረ፤
አኩመ ቁልቁልነ ሀርከኮትስ ነ በዻሴ።
22አን ከራ ዋቀዮ ኤጌራቲ፤
ዋቀኮራ ገረገሌ ሀምነ ህንሆጄትኔ።
23ሴርሳ ሁንድኑ ፉለኮ ዱረ ጅረ፤
አንስ አጀጀሳራ ህንጀልአትኔ።
24አን ፉለሳ ዱረት ሙዳ ህንቀቡ ቱሬ፤
ጩቡራስ ኦፍ ኤገዼረ።
25 ዋቀዮ አኩመ ቀጄሉመኮት፣
አኩመ አን ፉለሳ ዱረት ቁልቁሉ ተኤትስ ነ በዻሴረ።

26“አት ነመ አመነማት አመነሙማኬ አርግሲፍተ፤
ነመ ሙዳ ህንቀብኔትስ ከን ሙዳ ህንቀብኔ ታተ፤
27ነመ ቁልቁሉት ቁልቁሉ ታተ፤
ነመ ጀልኣትሞ ጀልኣ ታተ።
28አት ወረ ገድ ኦፍ ቀበን ንኦልችተ፤
ወረ ኦፍ ቱለንሞ ገድ ዴብሱፍ እጅኬ እሳን እላለ።
29ያ ዋቀዮ፣ አት እብሳኮት፤
ዋቀዮ ዱከነኮ እፈት ንጌደረ።
30አን ገርጋርሰኬቲን ሎልቶተ ዺበዼ ነንዴመ፤
ዋቀኮቲንስ ደላ ኡታሉ ነንደንደአ።

31“ዋቀ ከነ፣ ከራንሳ ሙዳ ህንቀቡ፤
ዱቢን ዋቀዮ ህርእነ ህንቀቡ።
ወረ እሰት ኮሉ ገለን ሁንዳፍ እን ጋቸነ ተአ።
32 ዋቀዮ መሌ ዋቅን ኤኙ?
ዋቀኬኘ መሌስ ከታን ኤኙ?
33ከን ሁምነ ነ ህዸቺሱ፣
ከን አከ ከራንኮስ ነጋ ተኡ ጎዹ ዋቀ።
34እን ሚለኮ አከ ሚለ ቦሮፋ ጎዸ፤
እዶ ኦል ዼራረስ ነ ዻበቺሰ።
35እን ሀርከኮ ወራናፍ ሌንጅሰ፤
እሬንኮስ እዳ ናሲ ደብሱ ንደንደአ።
36አት ገርጋርሰኬ ከን ነመ ፈይሱ ጋቸነ ናፍ ጎተ፤
ገርጋርስኬስ ነመ ጉዳ ነ ጎዼ።
37አከ ኮሜንኮ ህንሙጩጫኔፍ፣
ሚለኮቲፍ ዳንዲ በልእፍቴርተ።

38“አን ዲኖተኮ አርኤ ነንበሌሴ፤
ሀመ እሳን በርበዳአንትስ አን ዱበት ህንዴብኔ።
39አን ጉቱማን ጉቱት እሳን ነንበርበዴሴ፤
እሳን ዴብአኒ ከኡ ህንደንደአን፤
እሳንስ ሚለኮ ጀለት ንኩፈን።
40አት ሎላፍ ሁምነ ነ ህዸቺፍቴ፤
አመጃጆተኮስ ፉለኮ ዱረት ገድ ዴብፍቴ።
41አከ ዲኖትንኮ ዱግደ ዱበት ዴብአኒ በቀተን ጎቴርተ፤
አንስ አመጃጆተኮ በርበዴሴረ።
42እሳን ገርጋርሳፍ እየን፤ ገሩ ከን እሳን ኦልቹ ቶኮዩ ህንቱሬ፤
ገረ ዋቀዮትስ ንእየተን፤ እን ገሩ ዴቢ ህንኬንኔፍ።
43አንስ አኩመ አዋረ ለፋት እሳን ነንዳኬ፤
ቡሌሴስ አኩመ ዾቄ ዳንዲራት እሳን ዽዺቴ።

44“አት ሎለ ነሞታ ጀላ ነ ባፍቴርተ፤
መታ ሰቦታ ጎቴ ነ ጅራችፍቴርተ።
ሰብን አን ህንቤክኔ ነ ተጃጅለ፤
45ነሞትን ኦርማ ነ ሶሶበተን፤
እሳን አኩመ ዋኤኮ ዸገአኒን ናፍ አጀጀመን።
46እሳን ሁንድ አብዲ ኩተተን፤
ሆለቻስ ደአትኖሳኒ ጀባ ኬሳ በአን።

47“ዋቀዮ ጅራታዸ! ከታንኮ ሃኤብፈሙ!
ዋቅንኮ፣ ከታን፣ ፈይሳንኮ ኦል ኦል ሃጄዹ!
48እን ዋቀ ሃሎ ና ባሱ፣
ከን ሰቦተስ ነ ጀለ ገልቹ፣
49ከን ዲኖተኮ ጀላስ ብልሰ ነ ባሱዸ።
አት አመጃጆተኮቲ ኦል ነ ጎተ፤
ጎልቶተ ጀላስ ነ ባፍቴ።
50ከናፉ ያ ዋቀዮ፣ አን ሰቦተ ግዱት ስን ሌልሰ፤
ፋርፈትና ገለታሌ መቃኬቲፍ ነንፋርፈዸ።

51“እን ሞአናወን ጉርጉዳ ሞቲሳቲፍ ንኬነ፤
ድበማሳ ዳዊቲፊ ሰኚሳቲፍ፣
አራረ በረ በራ ንአርግሲሰ።”