Ecclesiastes 6
1አን አዱዻ ገድት ዋን ሀማ ብራ አርጌረ፤ ኩንስ አከ መሌ ነመት ኡልፋተ፦ 2ዋቅን አከ ነምን ዋን ገራሳት ሀዉ ቶኮዩ ህንዸብኔፍ ቀቤኘ፣ በዻዹማፊ ኡልፍነ እሳፍ ኬኔ፤ ዋቅን ገሩ አከ እን እት ገመዱ ህንጎኔ፤ ቆደ ነምቻ ነመ ኦርማቱ እት ገመደ። ኩን ዋን ፋይዳ ህንቀብኔዸ፤ ሀምነ ነመ ገድሲሱዸስ። 3ነምን ቶኮ እጆሌ ዽበ ቀባቴ ወጎተ ባይኤ ጅራቹ ደንደአ፤ እን ሀመ ፌዼ ጅራቱሌ ዮ ቀቤኘሳት ገመዱ ባቴ አዋለ ጋሪስ አርገቹ ባቴ፣ አን፣ “እሳ መና ገተተ ወየ” ነንጄዸ። 4እን አከሱማን ዹፈ፤ ዱከነ ኬሰ በደ፤ መቃንሳስ ዱከናን ሀጉገመ። 5እን ዮ አዱ አርጉ ባቴዩ ዮካን ዮ ሆማ ቤኩ ባቴዩ ቦቆና ነምች ሱን አርገቱ ጫላ ቦቆና ቀባተ። 6እን ወጋ ኩመ ዬሮ ለመ ጅራቱሌ ዮ ጅሬኘ ጋሪ ህንጅራትን፣ ነምን ሁንድ እዱመ ቶኮ ዸቃ ምቲ? 7ደዸቢን ነመ ሁንዳ አፋኑመሳቲፍ፤ፌዺንሳ ገሩ ዮምዩ ህንጉቱ።
8ኦጌስ ማሊን ጎዋ ጫለ?
ህዬስ አከ እት ፉለ ነሞታ ዱረ ጅራቱ ቤኩዻን
ፋይዳ ማሊ አርገተ?
9ሀዊዻን ጆሩ መና ዋን እጅ አርጉ ወየ።
ኩንስ ቡቤ አርኡ መሌ ፋይዳ ህንቀቡ።
10ዋን ጅሩ ሁንዳፍ ዱራኑ መቃን በኤረ፤
ማሉማን ነማስ ቤከማዸ፤
ነምን ቶኮዩ ነመ እሰ ጫላ ሁምነ ቀቡን
ሞርከቹ ህንደንደኡ።
11ዱቢን አኩመ ባይአቱን ፋይዳ ዸበ፤
ዮስ ወን ሱን አከሚን ነመ ከምዩ ፈየደ?
12በረ ጅሬኘ ነማ ከን እን አኩመ ጋድሳት ኬሰ በኤ ደርቡ ገባባ ፋይዳ ህንቀብኔ ከነ ኬሰ ኤኙቱ ዋን ነማፍ ጋሪ ተኤ ቤከ? ዋን ኤርገ እን ዴሜ ቦዴ አዱዻ ገድት ተኡስ ኤኙቱ እሰት ህሙ ደንደአ?
Copyright information for
GazHAHe