Ezekiel 4
መርፈሙ ዬሩሳሌም
1“ያ እልመ ነማ፣ ገበቴ ሱጴ ቶኮ ፉዺ ፉለኬ ዱረ ካኢቲ ካርታ መጋላ ዬሩሳሌም እረት ካስ። 2ኤርገሲ ዋን እቲን መርሰን እት እጃር፤ ደላ ዸጋቲን እሼ መርስ፤ ካቢ እት ናኔሲ ቱል፤ ዋን እቲን ደላ ዸጋ ጅግሰንስ እት መርሲ ካእ። 3ኤሌ ስቢላ ፉዺቲ አከ ደላ ስቢላት ስኢፊ መጋለቲ ግዱ ዻብ፤ ፉለኬስ ገረሼት ዴብፈዹ፤ መጋለቲን ንመርፈምት፤ አትስ እሼ መርስተ። ኩንስ መነ እስራኤሊፍ መለቶ ንተአ። 4“ኤርገሲ ጭናቸ ብታቲን ጪሲቲ ጩቡ መነ እስራኤል ኦፍረ ካእ። ጉያ ጭናቸኬቲን ጪፍቴ ሰነ ሁንደስ አት ጩቡሳኒ ንባተ። 5አን ባይእነ ወጎተ እሳን እት ጩቡ ሆጄተን ሰና አከ ጉዮታት ረመዴ ሲፍ ኬኔረ። ከናፉ አት ጩቡ መነ እስራኤል ጉያ 390 ንባተ። 6“አት ኤርገ ዋን ከነ ፍጤ ቦዴ አመሌ ጪስ፤ ዬሮ ከነሞ ጭናቸኬ ከን ምርጋቲን ጪሲቲ ጩቡ መነ ይሁዳ ባዹ። አንስ ቶኮ ቶኮ ወጋቲፍ ጉያ ቶኮ ቶኮ ረመዴ፣ ጉያ 40 ሲፍ ኬኔረ። 7ፉለኬ ገረ መርፈመ ዬሩሳሌምት ዴብፈዹቲ እሬ ቁላዻን እሼት ራጂ ዱበዹ። 8ሀመ አት ጉዮተ መርፈመኬቲ ፍጠቱት አከ አት ጭናቸ ቶኮራ ገረ ጭናቸ ካኒት ህንገረገሌፍ አን ፉኞዻን ስን ህዸ። 9“ቀመዲፊ ገርቡ፣ ባቄላፊ ምስረ፣ ብስንጋፊ ሆንቦሪ ፉዺ ኦኮቴ ኬሰ ካአዹቲ እቲን ቡዴነ ቶልፈዹ። ቡዴነ ከነስ ዬሮ ጉዮተ 390 ጭናቸኬቲን ጪፍቱት ኛተ። 10አት አከ ጉያ ጉያን ኛቱፍ ኛተ ሰቅሊ ድግደመ መዳል፤ እሰስ ዬሮ ሙርቴፈሜት ኛዹ። 11አከሱመ ብሻን ሰፈርቱ ኢኒ ቶኮ ሀርከ ጀአ ኬሳ ሀርከ ቶኮ ሰፈሪቲ ዬሮ ሙርቴፈሜት ዹግ። 12ኛተ ሰነስ አኩመ መጥኖ ገርቡ ኛቱት ኛዹ፤ እሰስ ኡዳን ነማ ቦቤሲቲ መጥኖ ቶልች።” 13ዋቀዮስ “ሃለ ከናን እጆሌን እስራኤል ሰቦተ አን እት እሳን ብትኔሱ ኬሰት ኛተ ጡራኣ ኛቱ” ጄዼ። 14አንስ አከነን ጄዼ፤ “ያ ዋቀዮ ጎፍታ አከነ ምት! አን ተኩማ ኦፍ ጡሬሴ ህንቤኩ። እጆሉማኮቲ ጀልቀቤ ሀመ አማት ተኩማ ዋን ኦፊን ዱኤ ዮካን ዋን ብኔንስ አጄሴ ኛዼ ህንቤኩ። ፎን ቁልቁሉ ህንተእን ጎንኩማ አፋንኮ ሴኔ ህንቤኩ።” 15እንስ፣ “ኩን ጋሪዸ፤ አን አከ አት ቆደ ኡዳን ነማቲን ቡዴነኬ ቶልፈቱ አከ ድኬ ሰኣቲን ቶልፈቱ ሲፍን ኤየመ” ናን ጄዼ። 16እንስ እቱመ ፉፌ አከነ ናን ጄዼ፦ “ያ እልመ ነማ አን መደ ኛተ ዬሩሳሌም ነንጎግሰ፤ ኡመትን ኛተ ሰፈረሜ ያዶዻን ኛተ፤ ብሻን ሰፈረሜስ ሶዳዻን ዹገ፤ 17ሀንቅን ምዻኒቲፊ ብሻኒ ንጅራታቲ። እሳንስ ናሱዻን ወል እላሉ፤ ሰበቢ ጩቡሳኒቲንስ ንበዱ።
Copyright information for
GazHAHe