‏ Ezekiel 7

ዹምን ዹፌረ

1ኤርገሲ ዱቢን ዋቀዮ አከነ ጄዼ ገረኮ ዹፌ፦ 2“ያ እልመ ነማ፣ ዋቀዮ ጎፍታን ብየ እስራኤሊን አከነ ጄዸ፦ “ ‘ዹመ! ጎሌ ብየቲ አፍረንት
ዹምን ዹፌረ።
3አመስ ዹምንኬ ገኤረ፤
ዼከምሰኮ ስረት ነንዸንገላሰ፤
አን አኩመ አመለኬቲት ስት ነንሙረ፤
ጎቸወንኬ ጅብሲሶ ሁንዳፍስ አን ስን አደበ።
4አን ገረ ላፍናን ስ ህንእላሉ
ዮካን ስ ህንባሱ፤
አን ሀመ ጎቸወንኬ ጅብሲሶን ሱን ስ ግዱ ጅረንት፣
አመለኬቲፍ ስን አደበ።

ኤርገሲስ እስን አከ አን ዋቀዮ ተኤ ንቤክቱ።’

5“ዋቀዮ ጎፍታን አከነ ጄዸ፦ “ ‘በዲ! በዲን ተካ ህንዸገአምን
ቶኮ ዹፋ ጅረ።
6ዹምን ዹፌረ!
ዹምን ዹፌረ!
እን መታንሳ እስንት ከኤረ።
እን ዹፌረ!
7ያ ወረ ብየቲ ኬሰ ጅራተን፣
በዲን እስንት ዹፌረ።
ዬሮን ገኤረ፤ ጉያን ዽኣቴረ፤
ቱሉወንረት ገመቹ ኡቱ ህንተእን ጄቁምሰቱ ተአ።
8አን ዼከምሰኮ ስት ዸንገላሱዻፈን ጅረ፤
ኣሪኮሌ ስት ነንበአ፤
አኩመ አመለኬቲትስ ስት ነንሙረ፤
ጎቻወንኬ ጅብሲሶ ሰነ ሁንዳፍስ ስን አደበ።
9አን ገረ ላፍናን ስ ህንእላሉ
ዮካን ስ ህንበራሩ።
ሀመ ጎቸወንኬ ጅብሲሶን ሱን ስ ግዱ ጅረንት
አን አኩመ አመለኬቲት ስን አደበ።

“ ‘ኤርገሲስ አከ ከን ሩኩቱ ሱን አነ ዋቀዮ ተኤ እስን ንቤክቱ። 10“ ‘ጉያን ሱን ኩኖት!
እን ዹፌረ!
በዲን ጨብሴ ዹፌረ፤
ኡሌን ለቴረ፤
ኦፍ ቱሉማን ደራሬረ!
11ጎሊን ጉደቴ ኡሌ ሀምነ አደቡ ተኤረ፤
እሳን ኬሳ ነምን ቶኮዩ ህንሀፉ፤
ወልዳሳኒ ኬሳ፣
ቀቤኘሳኒቲፊ
ዋን ፋይዳ ቀቡ ኬሳ
ቶኮዩ ህንሀፉ።
12ዬሮን ሱን ዹፌረ፤
ጉያን ሱን ገኤረ።
እን ብቱ ህንገመድን፤
ከን ጉርጉሩስ ህንገድን፤
ዼከምስ ጉቱማሳኒት ዹፋቲ።
13ሀመ ለማንሳኒዩ ሉቡን ጅረንት
እን ለፈ ጉርጉሬ ህንዴብፈቱ፤
ሙልአትን ዋኤ ሰባቲፍ ሙልአቴ
ዱበት ህንዴብኡቲ።
ሰበቢ ጩቡሳኒቲፍ እሳን ኬሳ ነምን ቶኮዩ
ሉቡ ኦፊሳ ህንኦልፈቱ።

14“ ‘ሰበቢ ዼከምስኮ ወልዳ ሁንደረ ጅሩፍ
እሳን መለከተ አፉፈኒ
ዋን ሁንደ ቆጴፈተንዩ፣
ነምን ቶኮዩ ገረ አደ ወራና ህንዸቁ።
15አላን ጎራዴቱ ጅረ፤
ኬሳንሞ ዸእቻፊ ቤለቱ ጅረ፤
ወር ባድያ ጎራዴዻን ዱኡ፤
ወር መጋላ ኬሳሞ ቤላፊ ዸእቻን ዹሙ።
16በቀቶትን ወር ምልቀን
ቱሉወንት በቀቱ።
ቶኮን ቶኮንሳኒ
አኩመ ጉጌወን ሱሉላ
ሰበቢ ጩቡሳኒቲፍ ንኣዱ።
17ሀርክ ሁንድ ንናፈተ፤
ጅልብ ሁንድኑስ ብሻን ተአ።
18እሳን ወያ ገዳ ኡፈተኒ
ሶዳዻን ሀጉገሙ።
ፉልሳኒ ቃኒ ኡፈተ፤
መታንሳኒስ ንሃደመ።

19“ ‘እሳን ሜቲሳኒ ዳንዲወንረት ገቱ፤
ወርቄንሳኒ አከ ዋን ጡራኣ ተአ።
ጉያ ዼከምሰ ዋቀዮት ሜቲፊ
ወርቄንሳኒ እሳን ኦልቹ ህንደንደኡ።
እሳን ኛተኒ ቤለ ህንበአን
ዮካን ገራሳኒ ህንጉተተን፤
ሜቲፊ ወርቄንሳኒ እሳን ጉፈቺሴ
ጩቡት እሳን ገልቼራቲ።
20እሳን ፋየ በሬዳሳኒቲን ኦፍ ቱለኒ
ዋቆተሳኒ ጅብሲሶፊ ፈኪወን ፋይዳ ህንቀብኔ ሰነ
ቶልቹፍ እት ፈየደመን።
ከናፉ አን ወንቶተ ከኔን
ገረ ዋን ጡራኣት እሳን ዱራ ነንጌደረ።
21አን ሀርከ ነሞተ ብየ ኦርማት ቦጁዻፍ፣
ሀሞተ ለፋትስ ሳምቻፍ ደበርሴ እሼ ነንኬነ፤
እሳንስ እሰ ንጡሬሱ።
22አን ፉለኮ እሳንራ ነንዴብፈዸ፤
እሳንስ እዶኮ ጃለተማ ሰነ ንጡሬሱ፤
ሳምቶትንስ እት ሴነኒ ንጡሬሱ።

23“ ‘ሰበቢ ብየቲን ዺገ ዸንገላሱዻን፣
መጋለቲንሞ ጎሊዻን ጉተምቴፍ
ፎንጫ ቆጴስ።
24አን አከ እሳን መኔንሳኒ ዻለኒፍ
ወረ ሰቦተ ኬሳ አከ መሌ ሀሞ ተአን ነንፍደ፤
ኦፍ ቱሉማ ነሞተ ጀጀቦ ነንጨብሰ፤
መኔን ቁልቁሉማሳኒስ ነንጡሬሰ።
25ዬሮ ራፈምን ዹፉት እሳን ነጋ በርባዱ፤
ገሩ ቶኮሌ ህንአርገተን።
26በዲን በዲረት፣
ኦዱንስ፣ ኦዱረት ንዹፈ።
እሳን ራጂራ ሙልአተ አርገቹ ንያሉ፤
ሴር ሉቦተ ብራ፣
ጎርስሞ ማንጉዶተ ብራ ንዸበመ።
27ሞቲን ንቦአ፤
እልም ሞቲ አብዲ ኩተተ፤
ሀርክ ኡመተ ብየቲ ንሆለተ።
አን አኩመ ሆጂሳኒት ገቲሳኒ ነንኬናፍ፤
አኩመ ሴረ ኦፊሳኒትስ ሙርቲ ነንኬናፍ።

“ ‘ኤርገሲስ እሳን አከ አን ዋቀዮ ተኤ ንቤኩ።’ ”