‏ Isaiah 38

ህስቅያስ ዹኩብሰቹሳ

38፥1‑8 ኩወፈ – 2ሞቶ 20፥1‑11፤ 2ሴና 32፥24‑26

1በረ ሰነ ኬሰ ህስቅያስ ዹኩብሰቴ ዱኡ ገኤ ቱሬ። እሳያስ እልም አሞስ ራጅች ገረሳ ዸቄ፣ “ዋቀዮ አከነ ጄዸ፦ መነኬ ቶቶልፈዹ፤ አት ንዱተ መሌ ህንፈይቱቲ” ጄዼን።

2ህስቅያስስ ፉለሳ ገረ ኬኘን መናት ገረገልፈቴ አከነ ጄዼ ዋቀዮን ከዸቴ፤ 3“ያ ዋቀዮ፣ አከ አን አመነሙማፊ ገራ ቶኮን ፉለኬ ዱረ ጅራዼ ዋን ፉለኬ ዱረት ጋሪ ተኤስ ሆጄዼ ያደዹ።” ህስቅያስስ ህቅፈቴ ንቦኤ።

4ኤርገሲስ ዱቢን ዋቀዮ አከነ ጄዼ ገረ እሳያስ ዹፌ፦ 5“ዸቂቲ አከነ ጄዺ ህስቅያስት ህም፤ ‘ዋቀዮ ዋቅን አባኬ ዳዊት አከነ ጄዸ፦ አን ከዸትናኬ ዸገኤረ፤ እምማንኬስ አርጌረ፤ አን ኡሙሪኬረት ወጋ ኩዸ ሸን ሲፈን ደበለ። 6አን ስኢፊ መጋላ ከነ ሀርከ ሞትቸ አሶሪቲ ነንባሰ። አን መጋላ ከነ ነንኤገ።

7“ ‘ኩን መለቶ ዋቀዮ ከን አከ እን ዋን ዋዳ ገሌ ሰነ ጉቱ ምርከኔሱፍ ዋቀዮ ብራ ሲፍ ኬነሜዸ፦ 8አን አከ ጋድዱን አዱ ተርካንፊ ኩርነን ጉለንታ ኣሃዝ እራን ገድ ቡኤ ሰነ ዱግደ ዱበት ዴብኡ ነንጎዸ።’ ” ከናፉ ጋድዱን ተርካንፊ ኩርነን ገድ ቡኤ ቱሬ ሱን ዱግደ ዱበት ዴብኤ።

9በሬፈመ ህስቅያስ ሞትች ይሁዳ ኤርገ ዹኩብሰቴ ፈዬ ቦዴ በሬሴ፦ 10አንስ፣ “ወለካ ኡሙሪኮቲት፣
አን ሲኦል ሴኑን ቀባ?
በረ ጅሬኘኮ ከን ሀፌስ ዸቡን ቀባ?” ነንጄዼ።
11አን አከነን ጄዼ፤ “አን ብየ ጅራቶታ ኬሰት፣
ለመተ ዋቀዮን ህንአርጉ፤
አን ስአች ሰኚ ነማ ህንእላሉ፣
ዮካን ወረ አዱኛ ከነረ ጅራተን ወጅን ህንጅራዹ።
12መንኮ አኩመ ዱንካነ ትክሶታ
ቡቅፈሜ ነራ ፉዸተሜረ።
አን አኩመ ወያ ዾፍቱ ጅሬኘኮ መርመሬረ፤
እን ምአ ወያ ዾፍቱራ ነ ኩቴረ፤
አት ሀልከኒ ጉያ ነ በሌስተ።
13አን ሀመ በሪት ኦብሳን ነንኤገዼ፤
እን ገሩ አከ ሌንጫ ለፌኮ ሁንደ ጨጨብሴ፤
አት ሀልከኒ ጉያስ ነ በሌስተ።
14አን አከ ስምብሮ ዮካን አኩመ ዳሎቴ ነንወጬ፤
አከ ጉጌ ቦሱስ ነንኣዴ፤
እጅኮ ገረ ሰሚ እላሉዻን ደዸቤ፤
ያ ጎፍታ አን ረከዼራ ኮቱ ነ ገርጋር!”

15አን ገሩ ማል ጄቹን ደንደአ?
እን ነት ዱበቴ፤ እን መታንሳስ ዋን ከነ ጎዼ።
አን ዋኤ ዽጵና ሉቡኮቲፍ
ኡሙሪኮ ጉቱ ገድ ኦፍ ቀቤ ነንጅራዸ።
16ያ ጎፍታ፣ ነሞትን
ዋኑመ አከሲቲን ጅራቱ፤
ሀፉርኮስ እሳኑማን ጅሬኘ አርገተ።
አት ነ ፈይፍቴ ሉቡዻንስ ነ ጅራችፍቴ።
17ዹጉማን አከስ ዽጰቹንኮ ፋይዳኮቲፍ።
አት ጃለለኬቲን ቦለ በዲሳራ ነ ኤግዴ፤
ጩቡኮ ሁንደስ፣ ዱግደኬ ዱበት ገቴ።
18ሲኦል ስ ገለቴፈቹ ህንደንደኡቲ፤
ዱትስ ስ ጀጀቹ ህንደንደኡ።
ወር ቅሌት ገድ ቡአን፣
አመነሙማኬ አብደቹ ህንደንደአን።
19እሳን አኩመ አን ሀርአ ጎቻ ጅሩ ከነ ያ ጅራታ፣
ያ ጅራታ ጄዸኒ ስ ጀጀቱ፤
አቦቲን ዋኤ አመነሙማኬቲ
እጆሌሳኒት ንኦዴሱ።

20 ዋቀዮ ነ በራረ፤
ኑስ በረ ጅሬኘኬኛ ጉቱ፣
መነ ቁልቁሉማ ዋቀዮ ኬሰት
ምአ ርቡራ ሆጄተሜን ፋርፈትነ።

21እሳያስ፣ “መጥኖ ሀርቡ ቶልቻቲ ዹላሳረ ካኣ፤ እንስ ንፈያ” ጄዼ ቱሬ።

22ህስቅያስስ፣ “አከ አን ገረ መነ ቁልቁሉማ ዋቀዮት ኦል በኡፍ ማልቱ መለቶ ተአ?” ጄዼ ጋፈቴ።