‏ Isaiah 60

ኡልፍነ ጥዮን

1“እፍንኬ ዹፌራቲ ከኢ እብስ፤
ኡልፍን ዋቀዮ ሲፍ በኤረ።
2ኩኖ፣ ዱከን ለፈ፣
ዱከን ሀማንሞ ኡመቶተ ሀጉገ፤
ዋቀዮ ገሩ ሲፍ ከኤረ፤
ኡልፍንሳስ ስራ ሙልአተ።
3ሰቦትን ገረ እፈኬቲ፣
ሞቶትንሞ ገረ እፈኬ እሰ በሪት ንዹፉ።

4“እጀኬ ኦል ፉዸዹቲ ናኖኬ እላል፤
ሁንድኑ ወል ገአኒ ገረኬ ንዹፉ፤
እልማንኬ ፈጎዻ፣
እንተለንኬስ ቆመት ባተመኒ ገረኬ ንዹፉ።
5ኤርገሲ ንእላልተ፤ ንጨለቅፍተስ፤
ለጴንኬ ንዸአተ፤ ገመቹዻንስ ንጉተመ፤
ቀቤኝ ገላኖታ ሁንድኑ ገረኬ ዹፉ፤
በዻዹማን ሰቦታስ ከንኬ ተአ።
6ጋል ባይኤን፣ እልማን ጋላ ከን ምድያኒፊ
ከን ኤፋ ብየኬ ንጉቱ።
ነሞትን ሁንድ ወርቄፊ እጣነ ፍደኒ፣
ገለተ ዋቀዮ ለብሳ
ብየ ሼባቲ ንዹፉ።
7ቡሻዬን ቄዳር ሁንድኑ ገረኬት ወልት ቀበሙ፤
ኮርቤዪን ሆላ ነባዮት ስ ተጃጅሉ፤
እሳን እዶ ኣርሳኮረት ኣርሳወን ፉዸተመ ቀበን ንተኡ፤
አንስ መነ ኡልፍነኮቲ ነንከበጀ።

8“ወር አኩመ ጉጌወኒ መኔንሳኒት በርሰን፣
ከኔን አከ ዱሜሳ ጉገተን ኩኔን ኤኙ ፈእ?
9ዹጉማን ብዮትን ብሻን ግዱ ነ አብደቱ፤
ሰበቢ እን ኡልፍነ ስት ኡፍሴፍ፣
መቃ ዋቀዮ ዋቀኬቲ፣
ቁልቁልቸ እስራኤሊቲፍ ጄዸኒ
ዶኒወን ተርሺሽ ዱርሰኒ፣
ሜቲፊ ወርቄሳኒ ወጅን
እልማንኬ ፈጎዻ ንፍዱ።

10“ነሞትን ኦርማ ደላኬ ንእጃሩ፤
ሞቶትንሳኒስ ስ ተጃጅሉ፤
አን ኣሪዻን ስ ዸኡሌ፣
ገረ ላፍነኮ ጃለላን ስት ነንአርግሲሰ።
11አከ ነሞትን በዻዽነ ሰቦታ ገረኬት ፍደኒፍ፣
አከ ሞቶትንሳኒስ ህሪራን ገረኬት ሴነኒፍ፣
ከረወንኬ ዬሮ ሁንደ በነማ ተኡ፤
እሳን ሀልከኒ ጉያ ጎንኩማ ህንጩፈመን፤
12ሰብን ዮካን ሞቱማን ስ ህንተጃጅሌ

ንበርበዳኡቲ፤
ጉቱማን ጉቱትስ ንበሌፈሙ።

13“ኡልፍን ልባኖን፣
ጋትራን፣ ቀረሮፊ ሀዼስ፣
ለፈ እዶ ቁልቁሉኮ ሚዸግሱፍ ገረኬ ንዹፉ፤
አንስ እዶ ሚልኮ ዻበቱ ነንከበጀ።
14እልማን ወረ ስ ጩንቁርሰኒ ሲፍ ሰገዳ ገረኬ ዹፉ፤
ወር ስ ቱፈተን ሁንድኑስ ሚለኬት ኩፉ፤
እሳንስ መጋላ ዋቀዮ
ጥዮን ከን ቁልቁልቸ እስራኤል ጄዸኒ ስ ዋሙ።

15“ዮ አት ጅበምቴ ገተምቴ ነምን ቶኮዩ
ስ ኬሳን ደርቡ ለገቴዩ፣
አን ቦንቱ በረ በራቲፊ
ገመቹ ዸሎተ ሁንዳ ስን ታስሰ።
16አት ኣነን ሰቦታ ንዹግደ፤
ሀርመ ሞቶታስ ንሆተ።
ዮሙስ አን ዋቀዮ ጀባን ያቆብ፣
ፈይሳኬፊ ፉራኬ አከን ተኤ ንቤክተ።
17አን ቆደ ናሲ ወርቄ፣
ቆደ ስቢላሞ፣ ሜቲ ሲፍ ነንፍደ።
ቆደ ሙካ ናሲ፣
ቆደ ዸጋሞ፣ ስቢለ ሲፍ ነንፍደ።
ነጋ ሞቲኬ፣
ቀጄሉማሞ፣ ቡልቻኬ ነንጎዸ።
18ስአች ብየኬ ኬሰት ጎሊን፣
ዳሪኬ ኬሰትሞ ዲገምን ዮካን በዲስን

ህንዸገአሙ፤
አት ገሩ ደላኬ ፈይነ፣
ከረወን ኬሞ ገለተ ጄቴ ዋምተ።
19ስአች አዱን ጉያዻን፣
እፍን ጅኣስ ሀልከኒን እፈኬ ህንተኡ፤
ዋቀዮ እፈኬ በረ በራ ተኣቲ፤
ዋቅንኬ ኡልፍነኬ ንተአ።
20አዱንኬ ዴብቴ ህንዺቱ፤
ጅእኬ ህንበዱ፤
ዋቀዮ እፈኬ በረ በራ ንተአ፤
በር ገደኬስ ንራወተመ።
21ዮስ ኡመትንኬ ሁንድ ቀጄላ ንተአ፤
በረ በራንስ ለፈ ንዻለ።
እሳን ብቅልቱ አን ዻበዼዸ፤
ሆጂ ሀርከኮ፣ ከን አን እቲን ኡልፍነኮ ሙልእሱፍ

ጄዼ ሆጄዼዸ።
22ማቲን ሙራስን ኩመ፣
ገሬን ጥናንሞ ሰበ ጉዳ ተአ።
አን ዋቀዮዸ፤
ዋን ከነ ዬሮሳት ደፌ ነንሆጄዸ።”