‏ Isaiah 65

ሙርቲፊ ፈይነ

1“አን ወረ ነ ህንእያፈትንት ነንሙልአዼ፤
ወር ነ ህንበርባድንስ ነ አርገተን።
አን ሰበ መቃኮ ህንዋመትኒን፣
‘አን አሰን ጅረ፤ አን አሰን ጅረ’ ነንጄዼ።
2አን ጉያ ጉቱ ገረ ኡመተ ድዳ ተኤት፣
ከን ከራ ጋሪ ህንተእንረ ዴሙ፣
ከን ያደ ኦፊሳ ዱካ ቡኡፍ
ሀርከኮ ነንድሪርፈዼ፤
3እሳን ሰበ እዶ ብቅልቱ ኬሰት ኣርሳ ዽኤሱዻን፣
እዶ ኣርሳ ከን ጡቢረትስ እጣነ ኣርሱዻን፣
ኡቱ ገርገር ህንኩትን፣ ኡቱመ አን አርጉ
ዼከምሳፍ ነ ከካሰኒዸ፤
4እሳን ወረ አዋለ ግዱ ተታአኒ
ለፈ ዾክሳ ቡለኒዸ፤
ወረ ፎን ቦዬ ኛተኒ
ኦኮቴንሳኒ ብሻን ፎን ጡራኣ ባቱዸ፤
5እሳን ወረ፣ ‘አች ፈጋዹ፤ ነት ህንዽኣትን፤
አን ስ ጫላ ቁልቁሉዻቲ!’ ጄዸኒዸ።
ሰብን አከሲ ፉኛንኮ ኬሰት አኩመ ኣራ፣
አኩመ እብደ ጉያ ጉቱ ቦበኡት።

6“ኩኖ፣ ወን ኩን አከነ ጄዸሜ ፉለኮ ዱረት በሬፈሜረ፦
አን ህንጨልእሱ፤ ገሩ ገቲ ሆጂሳኒ ጉቱ ነንኬናፍ፤
ዹጉማንስ ቆመት እሳን ነንባችሰ።
7ኩንስ ጩቡኬሰኒፊ ጩቡ አቦቲኬሰኒት”
ጄዸ ዋቀዮ።
“እሳን ቱሉወንረት ኣርሳ ዽኤሰኒ፣
ጋረንረት ዋን ነ አረብሰኒፍ፣
አን ሆጂሳኒ ከን ዱሪቲፍ፣
ከፈልቲ ጉቱ እሳኒፍን ኬነ።”

8 ዋቀዮ አከነ ጄዸ፦ “አኩመ ዬሮ ሁርቡ ወይኒ ኬሰ ጩንፋን ጅሩት፣
ነሞትን፣ ‘አመዩ ኤበቱ ኬሰ ጅራቲ፣
ህንበሌስና’ ጄዸን ሰነ፣
አንስ ተጃጅልቶተኮቲፍ አከሱመ ነንጎዸ፤
እሳን ሁንደስ ህንበሌሱ።
9አንስ ያቆብ ኬሳ ሰኚ ቶኮ፣
ይሁዳ ኬሳሞ ወረ ቱሉወንኮ ዻለን ነንብቅልቸ፤
ሰብንኮ ፍለተማን ቱሉወን ሰነ ዻለ፤
ተጃጅልቶትንኮስ አች ንጅራቱ።
10ሰበኮ ከን ነ በርባዱፍ
ሻሮን ለፈ ቡሻዬን እት ቦበአን፣
ሱሉል ኣኮርሞ ለፈ ሎን ቦቆተን ንተአን።

11“ገሩ እስን ወረ ዋቀዮን ዺፍተኒ
ቱሉኮ ቁልቁሉ ደገተን፣
ከኔን ዋቀ ‘ምልኪ’ ጄዸሙፍ

ማዲ ቆጴስተኒ፣
ዋቀ፣ ‘ህሬ’ ጄዸሙፍሞ ዽባዩ ኩባያት ጉተን፣
12አን እርባተ ጎራዴ እስነን ጎዸ፤
እስን ሁንድስ ቀለሙፍ ገድ ጄቱ፤ አን እስን ዋሜን ቱሬ፤
እስን ገሩ ነ ጀላ ህንኦዋትኔ፤
አን ዱበዼን ቱሬ፤ እስን ገሩ ነ ህንዸጌፈትኔ።
እስን ፉሉመኮ ዱረት ዋን ሀማ ሆጄተኒ
ዋን ነ ህንገመቺፍኔ ፍለተን።”

13ከናፉ ዋቀዮ ጎፍታን አከነ ጄዸ፦ “ገርቦንኮ ንኛቱ፤
እስን ገሩ ንቤሎፍቱ፤
ገርቦንኮ ንዹጉ፤
እስን ገሩ ንዼቦቱ፤
ገርቦንኮ ንገመዱ፤
እስን ገሩ ንቃኖፍቱ።
14ገርቦንኮ
ገመቹ ገራራ መዴን ንፋርፈቱ፤
እስን ገሩ፣
ዋን ገራንኬሰን ሚዸሜፍ ንቦሱ፤
ዋን ሀፉርኬሰን ገዴፍ ንወዋቱ።
15ፍለተምቶትንኮ መቃ እስን ደበርፈተን ሰነ
አባርሳፍ እት ፈየደሙ፤
ዋቀዮ ጎፍታን እስን ፍጠ፤
ገርቦተሳቲፍ ገሩ መቃ ብራ ንኬነ።
16ነምን ለፈረት ኤብፈሙ ከምዩ፣
ዋቀ ዹጋቲን ኤብፈመ፤
ነምን ለፈረት ከከቱስ፣
ዋቀ ዹጋቲን ከከተ።
ረክን ዱሪ ንእራንፈተመ፤
እጀኮ ዱራስ ንዾከታቲ።

ሰሚወን ሃራፊ ለፈ ሃራ

17“ኩኖ አን፣ ሰሚወን ሃራፊ
ለፈ ሃራ ነንኡመ።
ወን ዱሪ ህንያደተሙ፤
ዮካን ቀልቢ ነማት ህንዹፉ።
18እስን ገሩ ዋን አን ኡሙት፣
በረ በራን ገመዳ እልልቻ፤
አን ዬሩሳሌምን ገመቹፍ፣
ሰበሼሞ እልሌፍ ነንኡማቲ።
19አን ዬሩሳሌምት ነንገመደ፤
ሰበኮትስ ነንገመደ፤
ስአች ሰገሌን ቦእቻቲፊ
እያ እሼ ኬሰት ህንዸገአሙ።

20“ስአች፣ ዳእምን ጉያ ሙራሰ ቆፈ ጅራቱ፣
ዮካን ጃርስ ኡሙሪንሳ ሀንቀቱ ቶኮዩ
እሼ ኬሰት ህንአርገሙ፤
ነምን ወጋ ዽበት ዱኡ፣
አከ ዋን ደርገጉማን ዱኤት ያደመ፤
ነምን ወጋ ዽበ ሀንቀቴ ቶኮ፣
አከ ዋን አባረሜት ሄደመ።
21ነሞትን መነ ንእጃረቱ፤ አች ኬሰስ ንጅራቱ፤
ወይኒ ዻበቱ፤ እጀሳስ ንኛቱ።
22ስአች እሳን መነ እጃረኒ ነሞትን ብራ ኬሰ ህንጅራተን፤
ዮካን እሳን ብቅልቱ ዻበኒ ነሞትን ብራ ህንኛተን።
ኡሙሪን ሰበኮ፣
አኩመ ኡሙሪ ሙካ ንተአ፤
ወር አን ፍለዼ፣
ሆጂ ሀርከሳኒቲን በረ ዼራ ንገመዱ።
23እሳን አከሱማን ህንደዸበን
ዮካን እጆሌ በላን ኤገቱ ህንዸልቸን፤
እሳን ሰኚሳኒ ወጅን
ሰበ ዋቀዮ ኤብሱ ንተኡ።
24አን ኡቱ እሳን ነ ህንዋመትን ነንዴብሳፍ፤
ኡቱ እሳን ዱበተኒ ህንፍጥንስ ነንዸገአ።
25ዬዪፊ ጦባላን ሆላ ወሊ ወጅን ኛቱ፤
ሌንጭ አከ ሰንጋ ኦካ ኛተ፤
ብዮን ገሩ ሶረ ቦፋ ተአ።
እሳን ቱሉኮ ቁልቁሉ ሁንደረት ሆማ ህንሚዸን
ዮካን ሆማ ህንበሌሰን”
ጄዸ ዋቀዮ።