‏ Jeremiah 13

ሰበተ ቁንጬ ተልባራ ሆጄተሜ

1 ዋቀዮ አከነ ናን ጄዼ፦ “ዸቂቲ ሰበተ ቁንጬ ተልባራ ሆጄተሜ ብተዹ ሙዺኬት ህዸዹ፤ ገሩ ብሻን ህንቱቅሲስን።” 2ከናፉ አን አኩመ ዋቀዮ ነ አጀጄት ሰበተ ብተዼ ሙዺኮት ነንህዸዼ።

3ኤርገሲ ዱቢን ዋቀዮ አከነ ጄዼ ዬሮ ለመፋ ገረኮ ዹፌ፦ 4“ሰበተ ብተቴ ሙዺት ህዸቴ ሰነ ፉዺቲ ገረ ለገ ኤፍራጢስ ዸቅ፤ ሰበተ ሰነስ በቀቃ ከታ ኬሰ ዾክስ።” 5ከናፉ አን አኩመ ዋቀዮ ነ አጀጄት ዸቄ ሰበተ ሰነ ለገ ኤፍራጢስ ብረ ነንዾክሴ።

6ቡልቲ ሄዱ ቦዴ ዋቀዮ፣ “አመ ገረ ኤፍራጢስ ዸቂቲ ሰበተ አን አከ አት አችት ዾክስቱ ስ አጀጄ ሰነ ፉዸዹ” ናን ጄዼ። 7ከናፉ አን ገረ ኤፍራጢስ ዸቄ ሰበተ ሰነ እዶን እት ዾክሴ ቱሬ ሰና ቆቴ ባሴ ነንፉዸዼ፤ ሰበትን ሱን ገሩ ዬሮ ሰነት ጭጭቴ ጉቱማን ጉቱት ሆሮማ በኤ ቱሬ።

8ኤርገሲ ዱቢን ዋቀዮ አከነ ጄዼ ገረኮ ዹፌ፤ 9“ዋቀዮ አከነ ጄዸ፤ ‘አን ሃሉመ ወል ፈካቱን ኦፍ ቱሉማ ይሁዳቲፊ ኦፍ ቱሉማ ዬሩሳሌም ጉዳ ሰነ ነንበሌሰ። 10ሰብን ሀማን ዱቢኮ ዸገኡ ድዴ መተ ጀብነ ገራሳ ዱካ ቡኤ ዋቆተ ብራ ተጃጅሉፊ ዋቄፈቹፍ እሳን ፋነ ቡኤ ኩን አኩመ ሰበተ ከና ንተአ፤ ጉቱማን ጉቱትስ ሆሮማ በአ። 11አኩመ ሰበትን ቶኮ ሙዺ ነማት ህዸሙ ሰነ አንስ አከ እሳን ሰበ፣ መቃ፣ ገለታፊ ኡልፍነ ና ተአኒፍ ጉቱማ መነ እስራኤሊፊ ጉቱማ መነ ይሁዳ ኦፍት መጠንሴን ቱሬ። እሳን ገሩ ነ ህንዸጌፈትኔ’ ጄዸ ዋቀዮ።

ቀልቀሎ ዳዺ ወይኒ

12“አት አከነ እሳኒን ጄዽ፦ ‘ዋቀዮ ዋቅን እስራኤል አከነ ጄዸ፦ ቀልቀሎን ዳዺ ወይኒ ሁንድ ዳዺ ወይኒቲን ጉተሙ ቀበ።’ ዮ እሳን፣ ‘ኑ አከ ቀልቀሎን ዳዺ ወይኒ ሁንድ ዳዺ ወይኒቲን ጉተሙ ቀቡ ህንቤክኑ?’ ሲን ጄዸን፣ 13አት አከነ ጄዺን፤ ‘ዋቀዮ አከነ ጄዸ፦ አን ነሞተ ብየ ከነ ኬሰ ጅራተን ሁንደ፣ ሞቶተ ቴሶ ዳዊትረ ታአን፣ ሉቦተ፣ ራጆታፊ ወረ ዬሩሳሌም ኬሰ ጅራተን ሁንደ መቺዻን ነንጉተ። 14አን ቶኮ ቶኮሳኒ ወልትን ቡሰ፤ አቦቲፊ እልማንስ አከሱመ ወልት ነንቡሰ፣ ጄዸ ዋቀዮ። አን እሳን ነንበሌሰ መሌ እሳኒፍ ህንነኡ ዮካን እሳኒፍ ህንአራረሙ ዮካን ገራ ህንላፉፍ።’ ”

አኬከቺሰ ኦፍ ቱሉማረት ኬነሜ

15ዸገኣ፤ ቀልቤፈዻስ፤
ኦፍ ህንቱልና፤
ዋቀዮ ዱበቴራቲ።
16ኡቱ እን ዱከነ ህንፍድን፣
ኡቱ ሚልኬሰን
ቱሉ ዱከናኣ ጅሩረት ህንጉፈትን
ዋቀዮ ዋቀኬሰኒፍ ኡልፍነ ኬና።
እስን እፈ አብደቱ፤ እን ገሩ እፈ ሰነ
ድምምሰት ዴብሴ
ዱከነ ዱዳት ጌደረ።
17ዮ እስን ዸገኡ ባተን ገሩ፣
ሰበቢ ኦፍ ቱሉማኬሰኒቲፍ
ሉቡንኮ ዾክሳት ንቦስ፤
ሰበቢ ቡሻዬን ዋቀዮ ቦጁን ፉዸመኒፍ
እጅኮ አከ መሌ ቦሴ
እምማን እሼ ኬሳ ንሮበ።

18ሞትቻፊ ሃዸ ሞትቻቲን፣
“ቴሶኬሰንራ ቡኣ፤
ጎንፎንኬሰን ኡልፍነ ቀቤስ ሱን
መታኬሰንራ ንቡኣቲ” ጄዽ።
19መጋላወን ኔጌብ ንጩፈሙ፤
ነምን እሳን በኑ ቶኮዩ ህንጅሩ።
ይሁዳን ሁንድ ንቦጅአምት፤
ጉቱማን ጉቱትስ ብያ ፉዸተምት።

20እጀኬሰን ኦል ፉዸዻቲ
ወረ ገመ ካባቲ ዹፋ ጅረን እላላ።
ቡሻዬን እማና ስት ኬነመን፣
ሆሎትን አት እቲን ቦንቴ ሱን ኤሰ ጅሩ?
21ዮሙ ዋቀዮ ወረ አት አከ እሳን ምቾተ ሲፍ ተአኒፍ ሌንጅፍቴ ሰነ
ስረት ሙዱት አት ማል ጄተ?
አኩመ ዱበርቲ ጭኒንስፈቱ ቶኮ
ዽጵን ስ ህንቀቡ?
22ዮ አት፣ “ወን ኩን ማሊፍ ነት ዹፌ?”
ጄቴ ኦፍ ጋፈቴ
ወን ወንደቦንኬ ስራ ሙልቀሜ
ዸግንኬ ሰልጵፈሜፍ
ሰበቢ ጩቡኬ ባይኤ ሰናቲፍ።
23ነምን እቶጵያ ቶኮ ብፈሳ
ዮካን ቄረንስ ቡቡርነሳ ጌደሩ ንደንደኣ?
እስን ወር ሀምነ ሆጄቹ በረተንስ
ዋን ጋሪ ሆጄቹ ህንደንዴሰን።

24“አኩመ ቡቤን ገሞጂ ሀበቂ ብትኔሱ ሰነ
አንስ እስን ነንብትኔሰ።
25ሰበቢ አት ነ እራንፈቴ
ዋቆተ ሶባ አመነቴፍ፣
ኩን እጣኬ፣ ቆደ አን ሲፍ ሰፈሬዸ”
ጄዸ ዋቀዮ።
26“አከ ቃኒንኬ ሙልአቱፍ
አን ወንደቦኬ ፉለኬት ኦል ነንሶቆለ።
27ኤጁማፊ ህምምሱንኬ፣
ሰጋገሉማንኬ ከን ቃኒ ህንቀብኔ ሱንስ ንሙልአተ!
አን ሆጂኬ ጅብሲሳ ሰነ
ጋረንራፊ በኬ ኬሰት አርጌረ።
ያ ዬሩሳሌም፣ ሲፍ ወዮ!
አት ሀመ ዮሚት ጡሮፍቴ ሀፍተ?”