‏ Jeremiah 18

መነ ነምቸ ሱጴ ዸኡ ቶኮት

1ዱቢን ዋቀዮ ብራ ገረ ኤርምያስ ዹፌ እሰ ከናዸ፦ 2“ከኢቲ ገረ መነ ነምቸ ሱጴ ዸኡ ሰና ዸቅ። አንስ አችት ዱቢኮ ስት ነንህመ።” 3ከናፉ አን ገረ መነ ነምቸ ሱጴ ዸኡ ሰናት ገድ ነንቡኤ፤ እንስ ጌንጎረት ዋ ሆጄቻ ቱሬ። 4ኦኮቴን እን ሱጴራ ሆጄቻ ቱሬ ሱን ገሩ ሀርከሳት ፈሸላኤ፤ ከናፉ ነምች ሱጴ ዸኡ ሱን አኩመ እት ቶሌት ሱጴ ሰናን ኦኮቴ ከን ብራ ሆጄቴ።

5ኤርገሲ ዱቢን ዋቀዮ አከነ ጄዼ ገረኮ ዹፌ፦ 6“ያ መነ እስራኤል፣ አንስ አኩመ ሱጴ ዾፍቱን ኩን ሆጄቱ እስን ጎቹ ህንደንደኡ?” ጄዸ ዋቀዮ። “ያ መነ እስራኤል፣ አኩመ ሱጴን ሀርከ ሱጴ ዾፍቱ ኬሰ ጅሩ እስንስ ሀርከኮ ኬሰ ጅርቱ። 7ዬሮ አን አከ ሰብን ዮካን ሞቱማን ቶኮ ቡቅፈሙ፣ ገርገር ቆደሙፊ በርበዴፈሙ ለብሱት፣ 8ዮ ሰብን አን አኬከቺሴ ሱን ሀምነሳራ ዴብኤ፣ አን ዋን ሀማ እሰት ፍዱፍ ያዴ ሰነራ ነንዴብአ። 9ዮ አን ዬሮ ብራሞ አከ ሰብን ዮካን ሞቱማን ቶኮ እጃረሜ ዻበሙ ለብሴ፣ 10ዮ እን ፉለኮ ዱረት ዋን ሀማ ሆጄቴ አናፍ አጀጀሙ ድዴ፣ አን ዋን ጋሪ እሳፍ ጎቹ በርባዴ ሰነ ነንዺሰ።

11“ከናፉ አመ ሰበ ይሁዳቲፊ ወረ ዬሩሳሌም ኬሰ ጅራተኒን አከነ ጄዽ፤ ‘ዋቀዮ አከነ ጄዸ፦ ኩኖ! አን በዲሰ እስኒፍ ቆጴሴን መለ እስንት ከሮርሳ ጅረ። ከናፉ ቶኮን ቶኮንኬሰን ከራኬሰኒፊ ሆጂኬሰን ቀጄልፈዻ።’ 12እሳን ገሩ አከነ ጄዸኒ ዴቢ ኬነን፦ ‘ኩን ፋይዳ ህንቀቡ። ኑ ከሮሩመኬኛን እት ፉፍነ፤ ቶኮን ቶኮንኬኘ መተ ጀብናፊ ሀምነ ገራኬኛ ዱካ ቡነ።’ ”

13ከናፉ ዋቀዮ አከነ ጄዸ፦ “ሜ ሰቦተ ኬሰ እያፈዻ፦
ኤኙቱ ተኩማ ዋን አከና ዸገኤ ቤከ?
እስራኤል ዱርብ ቁልቁልቲን
ዋን ሱከኔሳ ቶኮ ሆጄቴርት።
14ጨቢን ልባኖን
ተኩማ ኤዴደ ከታሳራ በዴ ቤካ?
ብሻንሳ ዲለላኣን ቡርቃ ፈጎቲ ዹፉ ሱን
ተኩማ ጭቴ ቤካ?
15ሰብንኮ ገሩ ነ እራንፈቴረ፤
እሳን ዋቆተ ቶልፈሞ ፋይዳ ህንቀብኔ
ከኔን ከራወንሳኒረቲፊ
ዳንዲወን ዱሪረት እሳን ጉፈቺሰኒፍ

እጣነ ኣርሱ።
እሳን ከራ ህንቶልፈምኔረ
ዳንዲ ቀልኦረ እሳን ዴምስሰኒሩ።
16ብይሳኒ ንኦነ፤
በረ በራንስ ብየ ቆሳ ተአ፤
ወር አቺን ደርበን ሁንድ ንነኡ፤
መታሳኒስ ንራሱ።
17አኩመ ቡቤ በአ ቢፍቱቲ ዹፉ፣
አን ፉለ ዲኖተሳኒ ዱረት እሳን ነንብትኔሰ፤
በረ በዲሰሳኒ ኬሰ፣
አን ዱግደኮ መሌ ፉለኮ እሳንት ህንአርግሲሱ።

18“ጀርስ፣ ‘ሴር ሉበ ብራ፣ ጎርስ ኦጌዪ ብራ፣ ዱቢንሞ ራጆተ ብራ ዋን ህንዸበምኔፍ ኮታ ኤርምያስት መርአትና፤ ከናፉ ኮታ ኑ አረበኬኛን እሰ ሚና፤ ዋን እን ዱበቱ ከምዩስ ህንፉዸትኑ’ ” ጄዸን። 19ያ ዋቀዮ፣ ነ ዸጌፈዹ፤
ዋን ወር ነ ህመተን ጄዸንስ ዸገእ!
20ገቲን ዋን ጋሪ ዋን ሀማዻ?
እሳን ገሩ ቦለ አናፍ ቆተኒሩ።
አን አከን ዼከምሰኬ እሳንራ
ዴብሱፍ ፉለኬ ዱረ ዻበዼ
እዶሳኒ ቡኤ ዱበዼ ያደዹ።
21ከናፉ አት እጆሌሳኒ ደበርሲ ቤለት ኬን፤
ጀረሞ ደበርሲ ሁምነ ጎራዴት ኬን።
ኒቶተሳኒ ጀላ እጆሌፊ ዽርሶትን ሃዹመን፤
ዺሮንሳኒ ሃአጄፈመን፤
ደርገጎንሳኒሞ ሎለ ኬሰት ጎራዴዻን ሃቀለመን።
22ዬሮ አት አኩመ ተሳ ዌራርቶተ እሳንት ፍዱት፣
እይ መነሳኒቲ ሃዸገአሙ፤
እሳን ነ ቀቡፍ ቦለ ቆተኒ፣
ሚለኮቲፍስ ክዮ ካአኒሩቲ።
23ያ ዋቀዮ፣ አት ገሩ መለ እሳን ነ አጄሱፍ
መለተን ሁንደ ንቤክተ።
የከሳኒ ህንዺስኒፍ፤
ዮካን ጩቡሳኒ ፉለኬ ዱራ ህንሀቅን።
እሳን ፉለኬ ዱረት ለፈት ሃገተመን፤
ዬሮ ዼከምቱትስ እሳን አደብ።