‏ Jeremiah 48

ኤርጋ ዋኤ ሞኣብ

48፥29‑36 ኩወፈ – እሳ 16፥6‑12

1ዋኤ ሞኣብ፦

ዋቀዮ ዋን ሁንደ ደንደኡ፣ ዋቅን እስራኤል አከነ ጄዸ፦ “ኔቦፍ ወዮ፤ እሼን ንዲገምቲቲ።
ክርያታይምስ ንሰልጰት፤ ንቀበምት፤
ደኦወንሼስ ንቃኔፈሙ፤ ንዲገሙስ።
2ሞኣብ ስአች ህንጀጀምቱ፤
ነሞትን ሄሽቦን ኬሰት፣
‘ኮታ ሰበ ሰነ ንበሌስና’

ጄዸኒ ዋኤ ኩፋቲሼ መርአቱ።
ያ መጋላ ማድሜን ጄዸምቱ አትስ ንጨልእስተ፤
ጎራዴን ስ አርኣቲ።
3እየ ሆሮናይሚ ዹፉ፣
እየ በርበዳኡፊ በዲሳ ጉዳ ዸገኣ!
4ሞኣብ ንጨብድ፤
እጆሌንሼስ ንቦኡ።
5እሳን አከ መሌ ቦኣ፣
ሉሂቲት ኦል በኡ፤
ከራ ገረ ሆሮናይምት ገድ ቡሱረት
እየ በዲሳ ዸገኡ።
6በቀዻ! ሉቡኬሰን ባፈዻ፤
አከ ደገለ ገሞጂ ኬሳ ተኣ።
7እስን ዋን ሆጂኬሰኒፊ ቀቤኘኬሰን አመነተኒፍ፣
ቦጁዻን ፉዸተምተኒ ንዴምቱ፤
ኬሞሽስ ሉቦተሳቲፊ
ቆንዳልቶተሳ ወጅን ቦጅአሜ ንፉዸተመ።
8በሌስቱን ሱን መጋላ ሁንደት ንዹፈ፤
መጋላን ቶኮዩ እሰ ጀላ ህንበኡ።
ሰበቢ ዋቀዮ ዱበቴፍ ሱሉል ንበደ፤
ድሬንስ ንበርበዴፈመ።
9ሞኣብት ሶግደ ፍርፍርስ፤
እሼን ንበዲቲ፤
መጋላወንሼስ
ነመ እሳን ኬሰ ጅራቱ ዸበኒ ኦኑ።

10“ነምን ገራ ህርኡዻን ሆጂ ዋቀዮ ሆጄቱ አባረማ ሃተኡ!
ነምን ጎራዴሳቲን ዺገ ዸንገላሱ ድዱስ አባረማ ሃተኡ!

11“ሞኣብ አኩመ ዳዺ ወይኒ ከን ሲጮሳረት ሀፌ
ከን ኦኮቴ ቶኮ ኬሳ ገረ ኦኮቴ ካኒት ገረ ህንገልፈምኒ
እጆሉማሼቲ ጀልቀብዴ ቦቆቻ ቱርቴ፤
ቦጅአምቴስ ህንፉዸተምኔ።
ከናፉ እሼን አኩመ ዱሪ ምኦፍት፤
ኡርጋንሼስ ህንጌደረምኔ።
12ገሩ በር አን እት ነሞተ ኦኮቴ ኬሳ ዸንገላሰን

ኤርጉ ቶኮ ንዹፈ።
እሳንስ ገድ እሼ ነቁ፤
ኦኮቴሼ ዱዋ ሀምብሰኒ
ጋኒሼ ጨብሱ” ጄዸ ዋቀዮ።
13“ዮስ አኩመ መን እስራኤል
ዬሮ ቤትኤልን አመነቴት ቃነኤ ሰነ
ሞኣብስ ኬሞሽት ንቃነአ።

14“እስን አከሚን ‘ኑ ጎቶተ፤
ኑ ወራነ ኬሰት ጀጀቦዸ’ ጄቹ ደንዴሱ?
15ሞኣብ ንበርበዶፍት፤ መጋላወንሼስ ንቀበተሙ፤
ደርገጎንሼ ፍለተሞን ገረ ቀልማት ጌፈሙ”
ጄዸ ሞትች መቃንሳ ዋቀዮ ዋን ሁንደ ደንደኡ ጄዸሙ ሱን።
16“ኩፋቲን ሞኣብ ገኤረ፤
በዲስንሼስ ደፌ ንዹፈ።
17ወር ናኖሼ ጅራተን ሁንድ፣
ወር መቃሼ ቤክተን ሁንድ
‘ቦኩን ጀባን ሱን አከምት ጨቤ!
ኡሌን ኡልፍነ ቀቤስ ሱን አከምት ጨቤ!’ ጄዻ ቦኣፊ።

18“ያ ጅራቱ ዲቦን፣
ኡልፍነኬራ ገድ ቡኢቲ
ለፈ ጎጎጋረ ታእ!
በርበዴሳን ሞኣብ ሱን ስት ዹፌ
መጋላወንኬ ከኔን
ደላ ጀባን መርፈመን ንዲጋቲ።
19አት ከን አሮኤር ኬሰ ጅራቱ፣
ከራ ጭነ ዻበዹቲ እላል።
ዺረ በቀቱፊ ዱበርቲ ምልቅጡ ጋፈዹ፤
‘ማልቱ ዸለቴ?’ ጄዺ እሳን ጋፈዹ።
20ሞኣብ ዋን ዲገምቴፍ ቃኖፍቴርት።
ወዋዹ ቦእ!
አርኖን ብረት
አከ ሞኣብ በርበዶፍቴ ጅርቱ ለብስ።
21ሙርቲን ድሬ ኦል ከኣት፦
ሆሎንት፣ ያህዛፊ ሜፍኣት፣
22ዲቦንት፣ ኔቦፊ ቤት ድብላታይምት፣
23ክርያታይምት፣ ቤት ጋሙሊፊ ቤት ሜኦንት፣
24ኬሪዮቲፊ ቦዝራት፣
መጋላወን ሞኣብ ከኔን ፈጎፊ

ዽኦ ጅረን ሁንደት ዹፌረ።
25ጋንፍ ሞኣብራ ሙረሜረ፤
እሬንሼስ ጨጨቤረ”
ጄዸ ዋቀዮ።

26“ዋን እሼን ዋቀዮት ኮርቴፍ
ዹጋቲዻን እሼ መቼሳ።
ሞኣብ ድድገ ኦፊሼረ ሃገንገለቱ፤
ዋን ቆሳስ ሃታቱ።
27እስራኤል ስ ዱረት ዋን ቆሳ ህንቱሬ?
አከ አት ዬሮ ዋኤሼ ዱበቱ ሁንደ
ቱፊዻን መታኬ እሼት ራፍቱፍ
እሼን ሀቶተ ግዱት ቀበምቴ?
28እስን ወር ሞኣብ ኬሰ ጅራተን፣
መጋላወንኬሰን ኬሳ በኣቲ ከታወን ኬሰ ጅራዻ።
አኩመ ጉጌ መነሼ
አፋን ሆልቃት እጃረቱ ተአ።

29“ኑ ዋኤ ኦፍ ቱሉማ ሞኣብ
ጄቹንስ አከ መሌ ኦፍ ጉድሱፊ ኦፊን ቦኑሼ፣
ኦፍ ቱሉፊ ኦፍ ጀጁሼ፣
ኦፍ ቦኮክሱሼ ዸጌኜረ።
30አን አደጉማ ሞኣብ ቤከ፤

ገሩ ፋይዳ ህንቀባቱ” ጄዸ ዋቀዮ፤
“ኦፍ ቱሉንሼስ ሆማ ህንፈየዱፍ”
31ከናፉ አን ሞኣቢፍ ነንወዋዸ፤
ሞኣብ ሁንዳፍ ህቅፈዼ ቦአ፤
አን ነሞተ ቂር ሀሬሼቲፍ ነንገደ።
32ያ ሙከ ወይኒ ስብማ፣
አን አኩመ የእዜሪፍ ቦኡ ሰነ ሲፍን ቦአ።
ደሜንኬ ሀመ ገላናት ድሪርቴ ፈጋቴ፤
እሼን ሀመ ገላነ የእዜርት ድሪርቴ ዴምት።
በሌስቱን ሱን እጀኬ ብልቻታፊ
ሁርቡ ወይኒኬቲረ ቡኤረ።
33ለፈ ብቅልቱቲፊ ለፈ ቆቲሳ
ምዻን ሞኣብ ኬሳ እልሌፊ ገመቹን በዴረ።
አን እዶ እት ወይኒ ጩንፈንራ ወይኒ ኩቴረ፤
ነምን ቶኮዩ ገመዳ ስርቤ እሳን ህንጩንፉ።
ወጭን ዮ ጅራቴሌ
እን ወጨ ገመቹ ምት።

34“ሰበቢ ብሻን ኒምሪም ጎጌፍ፣
ሰገሌን እየሳኒ ኦል ከኤ፣
ሄሽቦኒ ሀመ ኤሌኣሌቲፊ ያሀዚት፣
ዞኣሪ ሀመ ሆሮናይምቲፊ ሀመ ኤግላት ሼልሽያት

ንዸገአመ ቱሬ።
35አን ወረ እዶወን ሰገዳ ከኔን ጋረንራት
ኣርሳ ዽኤሰኒ ዋቆተ እሳኒፍ እጣነ ኣርሰን
ሞኣብ ኬሳ ነንበሌሰ” ጄዸ ዋቀዮ።
36“ከናፉ ገራንኮ አኩመ ኡሉሌ ፋርሴ ሞኣቢፍ ቦአ፤
አኩመ ኡሉሌ ፋርሴ ነሞተ ቂር ሀሬሼቲፍ ቦአ።
ቀቤኝ እሳን ሆረተን ዱራ በዴረ።
37መታን ሁንድኑ ሃደሜ
ሀሬድን ሁንድኑ ጭረሜረ፤
ሀርክ ሁንድኑ ሙረሜ ሙዺን ሁንድስ
ወያ ገዳቲን ህዸሜረ።
38ዋን አን አኩመ ኦኮቴ ነምን ቶኮዩ ህንፌኔት
ሞኣብን ጨጨብሴፍ
በንቲ መነ ሞኣብ ሁንደራፊ ኦብዲ ሰባ ኬሰ
ቦእቸ መሌ ወን ቶኮዩ ህንጅሩ”
ጄዸ ዋቀዮ።
39“እሼን አከም አከስ ጨጨብዴ! እሳን አከም አከስ ወዋቱ!
ሞኣብ አከም አከስ ዱግደሼ ቃኒዻን ገረገልፈቴ!
ሞኣብ ዋን ኮልፋ ታቴ፣
ወረ ናኖሼ ጅራተን ሁንዳፍ ዋን ሶዳ ታቴርት።”

40 ዋቀዮ አከነ ጄዸ፦ “እላ! ርሳን ቶኮ ሞኣብረት
ቆቾ በልእሴ ፉርጉግፈማ ገድ ቡኣ ጅረ።
41ኬሪዮት ንቀበምት፤
ደአኖንሼ ጀጀቦንስ ንፉዸተሙ።
በረ ሰነ ኬሰ ገራን ሎልቶተ ሞኣብ
አኩመ ገራ ዱበርቲ ጭኒንስፈቹት ጅርቱ ቶኮ ተአ።
42ሞኣብ ሰበቢ ዋቀዮን ቱፈቴፍ
በርበዶፍቴ ሰበ ተኡንሼ ንሀፈ።
43ያ ሰበ ሞኣብ ሶዳን፣
ቦሊፊ ክዮን ስ ኤገተ”
ጄዸ ዋቀዮ።
44“ነምን ሶዳ ሰነ ዱራ በቀቱ
ከምዩ ቦለ ኬሰ ቡአ፤
ነምን ቦለ ሰነ ኬሳ ኦል በኡ
ከምዩ ክዮዻን ቀበመ፤
አን ሞኣብት
ወጋ አደበሙሼ ነንፍዳቲ”
ጄዸ ዋቀዮ።

45“በቀቶትን ዋን ተአን ዸበኒ
ጋድሰ ሄሽቦን ጀለ ዸዻበቱ፤
ሄሽቦን ኬሳ እብድ ቶኮ፣
ስሆን ግዱዻስ አረብን እብዳ ንከኣቲ፤
እን አደ ሞኣብ ጉበ፣
ቡቄ መታ ኦፍ ቱልቶታስ ንጉበ።
46ያ ሞኣብ ሲፍ ወዮ!
ኡመትን ኬሞሽ በርበዳኤረ፤
እልማንኬ ቦጅአመኒ ፉዸተመኒሩ፤
እንተለንኬስ ቦጅአመኒሩ።

47“ተኡሌ አን በረ ዹፉፍ ጅሩ ኬሰ
ሀምባ ሞኣብ ዴብሴ ነንዻበ”
ጄዸ ዋቀዮ።

ሙርቲን ሞኣብት ሙረሜ ሱን አስት ዹመ።