‏ Jeremiah 8

1“ ‘በረ ሰነ ለፌን ሞቶታቲፊ ቆንዳልቶተ ይሁዳ፣ ለፌን ሉቦታቲፊ ራጆታ፣ ለፌን ነሞተ ዬሩሳሌም አዋለሳኒ ኬሳ ንባፈመ’ ጄዸ ዋቀዮ። 2‘እሳን ፉለ አዱፊ ጅኣ ዱረት፣ ፉለ ጉቱማ ኡርጂወን ሰሚ ሁንዳ፣ ከኔን ጃለተኒፊ ተጃጅለኒ፣ ከኔን ፋነ ቡአኒ ጎርሰ ጋፈተኒፊ ዋቄፈተን ሰና ዱረት ንሳጥለሙ። እሳን አኩመ ኮሲ ለፈት ገተሜ ተአን መሌ ወልት ህንቀበመን ዮካን ህንአዋለመን። 3ሀምባን ሰበ ሀማ ከና ሁንድ ለፈ አን እት እሳን አርኡ ሁንደት ጅሬኘረ ዱአ ፍለተ’ ጄዸ ዋቀዮ ዋን ሁንደ ደንደኡ።

ጩቡፊ አደቢ

4“አት አከነ እሳኒን ጄዽ፤ ‘ዋቀዮ አከነ ጄዸ፦ “ ‘ነሞትን ዮ ኩፈን ህንከአኒ?
ነምን ቶኮ ዮ ከራራ በዴ ህንዴብኡ?
5ዮስ ሰብን ኩን ማሊፍ ከራራ ጀልአተ?
ዬሩሳሌም ማሊፍ ዬሮ ሁንደ ከራራ ጀልአት?
እሳን ጎዎምሳት ጭቹ፤
ዴብኡስ ንድዱ።
6አን ቀልቤፈዼ ዸጌፈዼረ፤
እሳን ገሩ ዋን ቀጄላ ህንዱበተን።
ነምን ቶኮዩ፣ “አን ማለን በሌሴ?” ጄዼ
ሀምነሳራ ህንዴብኡ።
ቶኮን ቶኮንሳኒ አኩመ ፈርደ ሎለት ጉሉፉ
ከራ ኦፊሳኒረ ቀጄሉ።
7ሁሞን ሰሚ ኬሳዩ
ወቅቲ እሼፍ ሙርታኤ ንቤክት፤
ጉጌን፣ ዳሎቴፊ ጩቁሊስንስ
ዬሮ ጎዳንሰሳኒ ንኤጉ።
ሰብንኮ ገሩ
ሴረ ዋቀዮ ህንቤኩ።

8“ ‘እስን አከምት፣ “ኑ ሴረ ዋቀዮ
ዋን ቀብኑፍ ኦጌዪዸ” ጄቹ ደንዴሱ?
ገሩ ኩኖ፣ ቀለምን ሶባ
ከን በሬስቶታ ሶቤ በሬሴረ።
9ነሞትን ኦጌዪን ንቃኔፈሙ፤
እሳን ነአኒ ክዮዻን ንቀበሙ፤
እሳን ኤርገ ዱቢ ዋቀዮ ቱፈተኒ፣
ኦጉማ አከሚ ቀቡሬ?
10ከናፉ አን ኒቶተሳኒ ነሞተ ብራቲፍ፣
ለፈ ቆቲሳሳኒሞ ሞአቶታፍ ነንኬነ።
ጥናዻ ሀመ ጉዳት
ሁንድሳኒዩ ቡኣ አርገቹፍ ገገቡ፤
ራጆትኒፊ ሉቦትንስ አከሱመ
ሁንድሳኒ ነመ ጎዎምሱ።
11እሳን መዳ ሰበኮቲ፣
አኩመ ዋን ጥና ቶኮት እላለኒ ወልኣኑ።
ኡቱ ነጋን ህንጅራትንስ
“ነጋ፣ ነጋ” ጄዹ።
12እሳን አመለሳኒ ጅብሲሳ ሰነት ንቃነኡ?
ለኪ፣ እሳን ቃኒ ቶኮዩ ህንቀበን፤
ቃነኡን ማል አከ ተኤዩ ህንቤከን።
ከናፉ እሳን ወረ ኩፈን ወጅን ንኩፉ፤
ዬሮ አደበመንት ገድ ገተሙ
ጄዸ ዋቀዮ።

13“ ‘አን ጉቱማን ጉቱት እሳን ነንበሌሰ፤
ጄዸ ዋቀዮ።
ወይኒረት እጅ ህንአርገሙ።
እጅ ሀርቡ ሙከ ሀርቡረት ህንአርገሙ።
ባልሳኒስ ንጮለገ።
ወን አን እሳኒፍ ኬኔ
እሳንራ ንፉዸተመ።’ ”

14ኑ ማሊፍ አስ ቴኘ?
ወልት ቀበማ!
ኮታ ገረ መጋላወን
ደላ ጀባ ቀበኒት በቀትኔ አችት ሃዹምኑ!
ዋን ኑ ጩቡ እሰት ሆጄትኔፍ
ዋቀዮ ዋቅንኬኘ በዲሰት

ደበርሴ ኑ ኬኔራቲ፤
አከ ዹግኑፍስ ብሻን ሱማኣ ኑ ኬኔረ።
15ኑ ነጋ አብደትኔ፤
ገሩ ወን ጋሪን ቶኮዩ ህንዹፍኔ፤
ኑ ዬሮ ፈይና አብደትኔ፤
ገሩ ጎሊ ቆፈቱ ቱሬ።
16ዳን ኬሳ ኮርሱ ፈርዴን ዲናቱ ዸገአመ፤
ጉቱን ብየቲ ህምምሱ ኮሮሚ ፈርዴንሳኒቲን ሆለት።
እሳን ብየቲፊ ዋን እሼ ኬሰ ጅሩ ሁንደ፣
መጋላፊ ወረ እሼ ኬሰ ጅራተን ሁንደ፣
በሌሱፍ ዹፈኒሩ።

17“አን ኩኖ ቦፈ ሀዻ ቀቡ፣
ቡቲ ፈልፈል ደዌሱ ህንደንዴኜ እስንት ነንኤርገ፤
እሳንስ እስን እዱ”
ጄዸ ዋቀዮ።

18ያ እሰ ገደ ኬሰት ነ ጀጀቤስቱ፣
ኦኔንኮ ነ ኬሰት ገገብዴርት።
19ኩኖ፣ እይ ሰበኮቲ
ብየ ፈጎዻ ንዸገአመ፦
“ዋቀዮ ጥዮን ኬሰ ህንጅሩ?
ሞቲንሼ አች ህንጅሩ?”

“እሳን ማሊፍ ፈኪወንሳኒቲን፣
ዋቆተሳኒ ቶልፈሞ ብየ ኦርማቲን

ዼከምሳፍ ነ ከካሱ?”

20“ዬሮን እት ምዻን ገልፈሙ ደርቤረ፤
ቦንስ ሆበኤረ፤
ኑ ገሩ ህንፈይኔ።”

21ሰብንኮ ዋን ሚዸሜፍ አንስ ሚዸሜረ፤
አን ነንቦኤ፤ ሶዳን ጉዳንስ ነ ቀበቴ።
22ቆርች ድበተን ግልኣድ ኬሰ ህንጅሩ?
አባን ቆርቻ ቶኮዩ አች ህንጅሩ?
ዮስ መዳን እንተለ ሰበኮቲ
ማሊፍ ህንፈዩሬ?