‏ Job 6

እዮብ

1እዮብስ አከነ ጄዼ ዴብሴ፦ 2“ኡቱ ገድኮ ሰፈረሜ
ዽጵንኮ ሁንድስ መዳሊረ ካአሜ ጅራቴ!
3ዋን እን ጭረቸ ገላና ጫላ ኡልፋቱፍ፣
አሪቲን ዱበቹንኮ ነመ ህንድንቅሲሱ ቱሬ።
4ጥየወን ዋቀ ዋን ሁንደ ደንደኡ ነ ኬሰ ጅሩ፤
ሀፉርኮ ሱሚሳኒ ዹገ፤
ሶዳችሱን ዋቃ ነት ህሪሬረ።
5ሀሬን ዲዳ ኡቱ መርገ ቀቡ ሀላካ?
ዮካን ቆትዮን ኡቱ ኦካ ቀቡ በሮዳ?
6ኛትን ህንምኦፍኔ ሶግደ መሌ ኛተማ?
ዮካን ብሻን ሀንቃቁ ንምኣዋ?
7አን እሰ ቱቁ ህንፌዹ፤
ኛትን አከሲ ነ ዹኩብሰ።

8“ኡቱ ከዸናንኮ ዴቢ አርገቴ፣
ዋቅንስ ዋን አን ሀዉ ና ኬኔ ጅራቴ፣
9ኡቱ ነ ጨጨብሱን ፌዺ ዋቃ ተኤ፣
ኡቱ ሀርክሳ ሂከሜ ነ ገላፈቴ!
10ስላ ኩን ጀጀብነ ና ተአ ቱሬ፤
ዹኩበ ሀማ ኬሰትዩ ነንገመደ ቱሬ፤
አን ዱቢ ቁልቁልቸ ሰና ህንገኔቲ።

11“አመስ አከን አብደዹፍ ጀብንኮ ማል?
አከን ኦብሱፍስ ሁምንኮ ማል?
12አን ጀብነ ዸጋ ቀባ?
ፎንኮስ ናሲዻ?
13አን ኦፍ ገርጋሩፍ ሁምነ ቶኮሌ ቀባ?
ኦጉማን ነ ኬሳ በዴረ ምቲ?

14“ነምን ምቹሳቲፍ ገራ ህንላፍኔ
ዋቀ ዋን ሁንደ ደንደኡዩ ሶዳቹ ዺሴረ።
15ኦቦሎትንኮ ገሩ አከ ዶሎሎ፣
አኩመ ለገ ዬሮፍ ጉቴ ደርቡ ጎዎምስቶተ፤
16እሳን ለገ ጨቢዻን ቦረኤ
ዮሙ ጨቢን ሱን በቁትሞ ጉቴረ ያኡት።
17ለጌን ዬሮ ቦን ጭሙት ንጎጎጉ፤
ዬሮ ሆኣትሞ እዶሳኒቲ በዱ።
18ወር ጋላን ደልደለን ከራሳኒራ ጀልአቱ፤
ገሞጂት ነምአኒ ዹሙ።
19ደልደልቶትን ቴማ ከኔን ጋላን ደልደለን ብሻን በርባዱ፤
ከራ አዴምቶትን ሼባሞ እሳን አብደቱ።
20እሳን ዋን አብደተኒ ቱረኒፍ ንቃነአን፤
አች ገአኒስ ዋን ጄዸን ወላለን።
21አመስ እስን አከ ዋን ፋይዳ ህንቀብኔ ታተን፤
ግድራኮ አርግተኒ ሶዳተን።
22አን ተኩማ፣ ‘ዋ ናፍ ኬና’ ዮካን
‘ቀቤኘኬሰን ፉሪ ናፍ ጎዻ’ ጄዼራ?
23ዮካን፣ ‘ሀርከ ዲና ጀላ ነ ባሳ’ ዮካን፣
‘ሀርከ ጩንቁርስቶታ ጀላ ነ ፉራ’ ጄዼራ?

24“ነ በርሲሳ፤ አን ነንጨልእሰ፤
እዶ አን እት ዶጎጎሬስ ነ አርግሲሳ።
25ዱቢን ቀጄላን አከም ኡልፋታዸ!
ፈልሚንኬሰን ገሩ ማል ምርከኔሰ?
26እስን ዋን አን ጄዹ ቀጄልቹ፣
ዱቢ ነመ አብዲ ኩተቴስ አከ ቡቤት ሄዱ በርባዱ?
27እስን እጆሌ አባ ህንቀብኔት እጣ ቡፈቱ፤
ምቾተኬሰኒፍስ ቦለ ቆቱ።

28“አመ ገሩ ዮ ፌዺኬሰን ተኤ ነ እላላ።
አን ፉለኬሰን ዱረት ነንሶባ?
29ዴብኣ፤ ሙርቲስ ህንጀልእስና፤
ሁበዻ፤ አን ነመ ቀጄላዻቲ።
30ጀልእን አረበኮረ ጅራ?
አፋንኮ ደበ አዳን ባሱ ህንደንደኡ?