‏ Lamentations 1

1መጋላን ዱር ነማን ጉተምቴ ቱርቴ ሱን
አከምት ኦንቴ ሀፍቴ!
እሼን ዬሮ ቶኮ ሰቦተ ግዱት ጉዶ ቱርቴ
አከምት አከ ሃዸ ህዬሳ ታቴ!
እሼን ኩታሌ ብያ ግዱት ሞቲ ቱርቴ ሱን
አመ ገርብቲ ታቴ ጅርት።

2እሼን ሀልከን ሀልከን ህቅፈቴ ቦስ፤
መዲሼረ እምማንቱ ያአ።
ምቾተሼ ሁንደ ኬሳ
ከን እሼ ጀጀቤሱ ቶኮዩ ህንጅሩ።
ምቾትንሼ ሁንድኑ እሼ ገነኒሩ፤
እሳን ዲኖተሼ ተአኒሩ።

3ረክናፊ ጩንቁርፈመ ጉዳ ቦዴ
ይሁዳን ቦጅአምቴ ፉዸተምቴ ጅርት።
እሼን ሰቦተ ግዱ ጅራት፣
ለፈ እት ቦቆቱሌ ህንአርገትኔ።
ወር እሼ አርአን ሁንድ
ረክነሼ ኬሰት እሼ ቀበተን።

4ዳንዲወን ጥዮን ንቦኡ፤
ነምን አያነሼ ከን ሙርቴፈሜ ከበጁፍ ዹፉ

ቶኮዩ ህንጅሩቲ።
ከረወንሼ ሁንድ ኦነኒ ጅሩ፤
ሉቦትንሼ ንኣዱ፤
ሸመረንሼ ንገዱ፣
እሼንስ ዽጵነ ጉዳ ኬሰ ጅርት።

5አመጃጆንሼ ጎፍቶተሼ ተአኒሩ፤
ዲኖተሼት ቶሌረ።
ሰበቢ ጩቡሼ ባይኤ ሰናቲፍ
ዋቀዮ ገደ እት ፍዴረ።
እጆሌንሼ ፉዸተመኒ ዴመኒሩ፤
ፉለ አመጃጆተሼ ዱረት ቦጅአመኒሩ።

6እንተለ ጥዮንራ
ሚዸግን ሁንድ ፉዸተሜረ።
እልማን ሞቶተሼ
አኩመ ገደምሰ ለፈ ዼዳ ዸቤ ተአኒሩ፤
እሳን ደዸቢዻን
ፉለ ወረ እሳን አርአኒ ዱረ በቀተን።

7በሮተ ረክናፊ አሲ አች ጆሩሼ ኬሰ
ዬሩሳሌም ቀቤኘ
በረ ዱሪ ከንሼ ቱሬ ሁንደ ንያደት።
ዬሮ ነሞትንሼ ሀርከ ዲና ሴነንት
ነምን እሼ ገርጋሩ ቶኮዩ ህንቱሬ።
ዲኖትንሼ እሼ እላለኒ
በዲሰሼት ኮልፈን።

8ዬሩሳሌም አከ መሌ ጩቡ ሆጄቴ፤
አከሲንስ ጡሮፍቴ።
ወር ኡልፍነ ኬነኒፊ ቱረን ሁንድ እሼ ቱፈተን፤
እሳን ቁላት ሀፉሼ አርገኒሩቲ፤
እሼን መታንሼ ጉንጉምቴ
ኦፍረ ገረ ገልት።

9ጡራኡማንሼ ወንደቦሼት መጠኔ፤
እሼን ዋን ገረ ዱራት እት ዹፉ ህንያድኔ፤
ኩፋቲንሼ ነመ ርፈቺሰ፤
ከን እሼ ጀጀቤሱ ቶኮዩ ህንጅሩ ቱሬ።
“ያ ዋቀዮ ረክነኮ እላል፤
ዲን ሞአቴራቲ!”

10ቀቤኘሼ ሁንደት
ዲን ሀርከሳ ድሪርሴረ፤
እሼን ነሞተ ኦርማ
ወረ አት አከ እሳን
ወልዳኬ ህንሴኔ ዾውቴ ሰነ
ኡቱ እሳን እዶሼ ቁልቁሉ ሴነኑ አርግቴ።

11ነሞትንሼ ሁንድኑ ኡቱመ
ኣደኑ ቡዴነ በርባደቱ፤
እሳን ሉቡ ኦፊሳኒ ቱርፈቹፍ ጄቸ
ቀቤኘሳኒ ኛታን ጌደረቱ።
“ያ ዋቀዮ ነ እላል፣ ነ ያደዹስ፤
አን ቱፈተሜራቲ።”

12“ወረ ከራረ ደበርተን ሁንድ፣ ኩን እስኒፍ ሆማ ምቲ?
ናኖኬሰን እላላቲ አርጋ።
ረክን አከ ረክነኮ
ከን አን እቲን ረከዼ
ከን ዋቀዮ ጉያ ዼከምሰሳት
ነት ፍዴ ሰና ጅሩ ቶኮዩ ጅራ?

13“እን ኦል ጉባዻ እብደ ኤርጌ፤
እብደ ሰነ ለፌኮ ኬሰ ሴንስሰ።
እን ሚለኮቲፍ ክዮ ድሪርሴ
ዱግደ ዱበት ነ ዴብሴ፤
እን ኮጳት ነ ሀምብሴ
ጉያ ጉቱ ነ ደዸብሲሴ።

14“ጩቡንኮ ዋንጆት ህዸሜረ፤
እሳን ሀርከሳቲን ወልት ፎአመን።
እሳን ሞርመኮት ረራፈመን፤
ጎፍታን ሁምነኮ ደዸብሲሴ።
እን ወረ አን ኦፍራ ዴብሱ ህንደንዴኜት
ደበርሴ ነ ኬኔረ።

15“ጎፍታን ጎቶተ ነ ኬሰት አርገመን
ሁንደ ገቴረ፤
እን ደርገጎተኮ ጨጨብሱፍ
ያኢ ዋመቴ።
ጎፍታን እዶ ጩንፋ ወይኒሳት
ዱርበ ቁልቁልቲ እንተለ ይሁዳ ዽዺቴረ።

16“ወን አን ቦኤ
እጅኮ እምማኒን ጉተሜፍ ከናዸ።
ነምን ነ ጀጀቤሱፍ ዽኦ ጅሩ ቶኮዩ ህንጅሩ፤
ከን ሀፉረኮ በየነቺሱስ ህንጅሩ።
ሰበቢ ዲን ሁምነ አርገቴፍ
እጆሌንኮ ሀርከ ዱዋ ሀፈን።”

17ጥዮን ሀርከሼ በልእፈቴ ጅርት፤
ገሩ ነምን እሼ ጀጀቤሱ ቶኮዩ ህንጅሩ።
አከ ኦሎንሳ አመጃጆተሳ ተአኒፍ
ዋቀዮ ያቆብት አጀጄረ፤
ዬሩሳሌምስ ግዱሳኒት
ዋን ጡራኣ ታቴርት።

18“ዋቀዮ ቀጄላዸ፤
ተኡስ አን አጀጀወንሳት ፍንጭሌን ቱሬ።
ያ ሰቦተ፣ ሁንድኬሰን ዸገኣ፤
ረክነኮስ እላላ።
ደርገጎትኒፊ ሸመረንኮ
ቦጅአመኒ ፉዸተመኒሩ።

19“አን ቱምስቶተኮ ነንዋመዼ፤
እሳን ገሩ ነ ገነን።
ሉቦትንኮፊ ማንጉዶትንኮ
ኡቱ ሉቡሳኒ ኦልፈቹፍ
ኛተ በርባደተኑ
መጋላ ኬሰት ዹመን።

20“ያ ዋቀዮ አከ አን ዽጰዼ እላል!
አን ኬሰኮት ዽጰዼረ፤
ገራኮ ኬሰት ራፈሜረ፤
አን ነመ አከ መሌ ፍንጭሉን ቱሬቲ።
አላ ጎራዴን ነመ ቀለ፤
መነ ኬሰሞ ዱአ ቆፈቱ ጅረ።

21“ነሞትን አከ አን ኣዳ ጅሩ ዸገአኒሩ፤
ከን ነ ጀጀቤሱ ገሩ ህንጅሩ።
ዲኖትንኮ ሁንድኑ ረክነኮ ዸገአኒሩ፤
እሳን ዋን አት ጎቴት ገመደኒሩ።
አከ እሳን አኩመኮ ተአኒፍ
ማሎ አት ጉያ ጄቴ ሰነ ፍድ።

22“ሀምንሳኒ ሁንድኑ
ፉለኬ ዱረት ሃዽኣቱ፤
ዋኑመ ሰበቢ ጩቡኮ ሁንዳቲፍ ነት ፍዴ ሰነ
እሳንትሌ ፍድ!
ኣዱንኮ ባይአቴራቲ፤
ኦኔንኮስ ደዸብዴርት።”