‏

‏ Obadiah

1ሙልአተ ኦባድያ።

1‑4 ኩወፈ – ኤር 49፥14‑16

5‑6 ኩወፈ – ኤር 49፥9‑10

ዋቀዮ ጎፍታን ዋኤ ኤዶም አከነ ጄዸ።

ኑ ኤርጋ ቶኮ ዋቀዮራ ዸጌኜረ፦
ኤርገማን ቶኮ፣ “ከኣ ዸቅኔ እሼ ሎላ፤
ወራናፍስ በኣ” ጄቹፍ ገረ ሰቦታት ኤርገሜ።

2“ኩኖ፣ አን ሰቦተ ግዱት ስን ጥኔሰ፤
አትስ አከ መሌ ቱፈተምተ።
3አት ከን በቀቃ ከታ ኬሰ ጅራቴ
መነኬ ለፈ ኦል ከኣረት እጃረቱ፣
ከን፣ ‘ኤኙቱ ለፈት ገድ ነ ቡሰ?’ ኦፊን ጄቱ፣
ኦፍ ቱሉማን ገራኬቲ ስ ጎዎምሴረ።
4ዮ አት አኩመ ርሳ ኦል ፈጋቴ
ኡርጂወን ግዱት መንኤኬ እጃረቴዩ፣
አን አቺ ገድ ስን ቡሰ”
ጄዸ ዋቀዮ።
5“ሀቱን ዮ ስት ዹፍቴ
ሳምቱን ሀልከኒን ስት ሴንቴ፣
በላ አከሚቱ ስ ኤገተ!
እሳን ሀሙመ በርባደን ቆፈ ፉዸተኒ ህንዴመኒ?
ወር እጀ ወይኒ ጉረን ኡቱ ገረኬ ዹፈኒ፣
ስላ ቀርሚ ወዪ ህንዺሰኒ?
6ኤሳዉ ገሩ አከም ሳመሜ
ቀቤኝሳ ዾክፈማንስ ጀላ ጉረሜ!
7ገሬንኬ ሁንድኑ ገረ ሞጋት ስ ዺበ፤
ምቾትንኬ ስ ጎዎምሰኒ ስ ሞአቱ፤
ወር ቡዴነኬ ኛተን ክዮ ስ ዱረ ካኡ፤
አት ገሩ ዋን ከነ ህንሁበቱ።

8“አን በረ ሰነ ኦጌዪ ኤዶም፣
ነሞተ ሁበትና ቀበን ቱሉወን ኤሳውራ
ህንበሌሱ?” ጄዸ ዋቀዮ።
9“ያ ቴማን ቀብሳኦንኬ ንርፈቱ፤
ነምን ቱሉወን ኤሳዉረ
ጅራቱ ሁንድኑስ ጎረአሜ ዹመ።
10ሰበቢ ደበ ኦቦሌሰኬ ያቆብት ሆጄተሜቲፍ
አት ቃኒዻን ሀጉገምተ፤
በረ በራንስ ንበሌፈምተ።
11ጋፈ አለጎን ቀቤኘሳ
ጉረተኒ ነሞትን ኦርማሞ ከረሳ ሴነኒ
ዬሩሳሌምት እጣ ቡፈተንት፣
አትስ ኮጳ ዻበቴ
እሳን ኬሳ አከ እሰ ቶኮ ታቴ።
12ጋፈ እን ምልኪ ዸቤት
አት ኦቦሌሰኬ ቱፈቹ ህንቀብዱ ቱርቴ፤
ዮካን ጉያ በዲሳኒት
ሰበ ይሁዳት ገመዱ ህንቀብዱ ቱርቴ፤
ዮካን በረ ረክነሳኒ ኬሰ
አከ መሌ ኦፍ ቱሉ ህንቀብዱ ቱርቴ።
13በረ በላን እሳንት ዹፌ ኬሰ
ከረ ሰበኮቲን ኦል ሴኑ ህንቀብዱ ቱርቴ፤
ዮካን በረ ዸእች እሳንት ዹፌ ኬሰ
ረክነሳኒ ኬሰት እሳን ቱፈቹ ህንቀብዱ ቱርቴ፤
ዮካን በረ በላን እሳንት ዹፌ ኬሰ
ቀቤኘሳኒ ሳሙ ህንቀብዱ ቱርቴ።
14በቀቶተሳ ፍጡፍ ጄቴ ቀጣሙረ ከራት
እሳን ኤገቹ ህንቀብዱ ቱርቴ፤
ዮካን በረ ረክነሳ ኬሰ
ሀምባሳ ደበርስቴ ኬኑ ህንቀብዱ ቱርቴ።

15“ጉያን ዋቀዮ
ሰቦተ ሁንዳፍ ዽኣቴረ።
አኩመ አት ሆጄቴ ስትስ ንሆጄተመ፤
ሆጂንኬስ መቱመኬት ዴብአ።
16አኩመ እስን ጋረኮ ቁልቁሉረት ዹግደን ሰነ፣
ሰቦትን ሁንድኑ እቱመ ፉፈኒ ንዹጉ፤
እሳን እት ዴዴብአኒ ዹጉ፤
አከ ዋን ጎንኩማ ህንዹግኒ ተኡ።
17ቱሉ ጥዮንረ ገሩ ፉረሙን ንጅራተ፤
እን ንቁልቁላአ፤
መን ያቆብስ ዻለሳኒ ንዹንፈቱ።
18መን ያቆብ እብደ፣
መን ዮሴፍሞ አረበ እብዳ ተአ፤
መን ኤሳው ሁረ ተአ፤
እሳንስ እብደ እት ቀብሲሰኒ ጉበኒ በርበዴሱ።
መነ ኤሳው ኬሳ
ነምን ቶኮዩ ህንሀፉ”
ጄዼ ዱበቴረ ዋቀዮ።

19ነሞትን ኔጌብ
ቱሉወን ኤሳው ንቀበቱ፤
ነሞትን ጋረን ጀለ ጅራተንሞ
ብየ ፍልስጤሞታ ቀበቱ።
እሳን ድሬ ኤፍሬሚፊ ሰማርያ ንቀበቱ፤
ቤንያምሞ ብየ ግልኣድ ቀበተ።
20ገሬን ቦጅአምቶተ እስራኤል ከን ከነኣን ጅራቱ ኩን
ብየ ሀመ ሳረፕታት ጅሩ ዻለ፤
ቦጅአምቶትን ዬሩሳሌም ከኔን
ሴፋራድ ጅራተን መጋላወን ኔጌብ ዻሉ።
21ብልሰ ባስቶትን ቱሉወን ኤሳው ቡልቹዻፍ
ቱሉ ጥዮንት ኦል በኡ።
ሞቱማንስ ከን ዋቀዮ ተአ።