‏ Psalms 118

ፋርፈትና አያነ ዳሲ

1ዋቀዮፍ ገለተ ገልቻ፤ እን ጋሪዻቲ፤
ጃለልሳ በረ በራን ጅራተ።

2ሰብን እስራኤል፣ “ጃለልሳ
በረ በራን ጅራተ” ሃጄዹ።
3መን አሮንስ፣
“ጃለልሳ በረ በራን ጅራተ” ሃጄዹ።
4ወር ዋቀዮን ሶዳተን፣
“ጃለልሳ በረ በራን ጅራተ” ሃጄዸን።

5ዽጵነኮ ኬሰት አን ዋቀዮት ነንእየዼ፤
እንስ ዴቢ ና ኬኔ፤ እዶ በልኣስ ነ ቁበቺሴ።
6 ዋቀዮ ነ ወጅን ጅረ፤ አን ህንሶዳዹ፤
ነምን ማል ነ ጎቹ ደንደአ?
7 ዋቀዮ ነ ወጅን ጅረ፤ እን ገርጋራኮት።
አንስ ዲኖተኮ ነንሞአዸ።

8ነመ አመነቹረ፣
ዋቀዮት ኮሉ ገሉ ወየ።
9ቆንዳልቶተ አመነቹረ፣
ዋቀዮት ኮሉ ገሉ ወየ።

10ሰቦትን ሁንድኑ ነ መርሰን፤
አን ገሩ መቃ ዋቀዮቲን እሳን ነንበርበዴሴ።
11እሳን ከራ ሁንዳን ነ መርሰን፤
አን ገሩ መቃ ዋቀዮቲን እሳን ነንበርበዴሴ።
12አኩመ ቱተ ከኒሳ ነ መርሰን፤
ገሩ አከ ቆራቲ ጉበቱት በርበዳአን፤
አንስ መቃ ዋቀዮቲን እሳን ነንበርበዴሴ።

13አን ዺበሜ ኩፉ ገኤን ቱሬ፤
ዋቀዮ ገሩ ነ ገርጋሬ።
14 ዋቀዮ ጀብነኮቲፊ ፋርፈትናኮት፤
እን ፈይነኮ ተኤረ።

15ሰገሌን ገመቹቲፊ ሞአትና ዱንካኖተ
ቀጄልቶታ ኬሳ ንዸገአመ፤
“ሀርክ ዋቀዮ ከን ምርጋ ዋን ጀባ ሆጄቴረ!
16ሀርክ ዋቀዮ ምርጋ ኦል ቀበሜረ፤
ሀርክ ዋቀዮ ምርጋ ዋን ጀባ ሆጄቴረ!”

17አን ነንጅራዸ መሌ ህንዱኡ፤
ዋን ዋቀዮ ሆጄቴስ ነንለብሰ።
18 ዋቀዮ ጀቤሴ ነ አደቤረ፤
ገሩ ደበርሴ ዱአት ነ ህንኬንኔ።

19ከረ ቀጄሉማ ና በና፤
አንስ ኦል ገሌ ዋቀዮፍ ገለተ ነንገልቸ።
20ኩን ከረ ዋቀዮ፣
ከን ቀጄልቶትን እቲን ኦል ገለኒዸ።
21አት ዴቢ ና ኬንቴርታቲ፣ አን ስን ገለቴፈዸ፤
አት ፈይነ ና ታቴርተ።

22ዸጋን እጃርቶትን ቱፈተን፣
ዸጋ ጎሌ ተኤረ፤
23 ዋቀዮ ዋን ከነ ሆጄቴረ፤
ኩንስ እጀኬኘት ድንቂዸ።
24ጉያን ኩን ጉያ ዋቀዮ ኡሜዸ፤
ኮታ ንእልልችነ፤ እት ገመድነስ።

25ያ ዋቀዮ፣ ስከዸትና ኑ ኦልች፤
ያ ዋቀዮ፣ ስ ከዸትና ኑ ምልኮምስ።
26ከን መቃ ዋቀዮቲን ዹፉ ኤብፈማዸ።
ኑ መነ ዋቀዮ ኬሳ እስን ኤብፍነ።
27 ዋቀዮ ዋቀ፤
እፈሳስ ኑረት እብሴረ።
ደሜወን ሀርከት ቀበዻቲ

ወረ አያኔፈቹ ዸቀንት መከማ፤
ገረ ጋንፈወን እዶ ኣርሳስ ዸቃ።

28አት ዋቀኮት፤ አን ስን ገለቴፈዸ፤
አት ዋቀኮት፤ አንስ ስን ሌልሰ።

29 ዋቀዮፍ ገለተ ገልቻ፤ እን ጋሪዻቲ፤
ጃለልሳ በረ በራን ጅራተ።