‏ Psalms 78

ሴና ሰበ እስራኤል

መስኪሊ አሳፍ።

1ያ ሰበኮ፣ በርሲሰኮ ዸገኣ፤
ዱቢ አፋንኮ ዸጌፈዻ።
2አን ፈኬኛን አፋንኮ ነንበነዸ፤
ዋን ዱሩማ ጀልቀቤ ዾክፈሜስ ነንዱበዸ።
3ኩንስ ዋኑመ ኑ ዸጌኜፊ ዋኑመ ኑ ቤክኑ፣
ዋን አቦቲንኬኘ ኑት ህመኒዸ።
4ኑስ ዋን ከነ እጆሌሳኒ ዱራ ህንዾክስኑ፤
ሆጂ ዋቀዮ ኡልፍነ ቀቤሰ ሰነ፣
ሁምነሳቲፊ ድንቂ እን ሆጄቴ፣
ዸሎተ እት ኣኑት ንህምነ።
5እን ያቆቢፍ ስርነ ዻቤ፤
እስራኤሊፍሞ ሴረ ኬኔ፤
ዋን ከነሌ አከ እሳን

እጆሌሳኒ በርሲሰኒፍ፣
አቦቲኬኘ አጀጄ፤
6ኩንስ አከ ዸሎትን እት ኣኑ ቤኩ፣
አከ እጆሌን አመዩ ህንዸለትን ቤከን፣
እሳንስ አከ እጆሌሳኒት ደበርሰኒ ህመኒፍ።
7ዮስ እሳን ዋቀ አመነቱ፤
አጀጀሳስ ንኤጉ መሌ ሆጂሳ ህንእራንፈተን።
8እሳን አከ አቦቲሳኒ፣
አከ ዸሎተ መተ ጀቤሳፊ ፍንጭላ፣
ወረ ገራንሳኒ ዋቃፍ ህንአጀጀምኔ፣
አከ ወረ ሀፉርሳኒ እሳፍ ህንአመነምን ሰና ህንተአን።

9ነሞትን ኤፍሬም ጥየ ቀበተኒ ቱረን፤
ተኡስ ጋፈ ሎላ ዱበት ዴብአን።
10እሳን ከኩ ዋቃ ህንኤግኔ፤
ሴረ እሳትስ ቡሉ ድደን።
11እሳን ሆጂ እን ሆጄቴ፣
ድንቂ እን እሳንት አርግሲሴስ ንእራንፈተን።
12እን ፉለ አቦቲሳኒ ዱረት፣
ብየ ግብጥ ኩታ ዞኣንት ዋን ነመ ድንቅሲሱ ሆጄቴ።
13እን ገላነ ገርገር ቆዴ ግዱን እሳን ደበርሴ፤
ብሻን ሰነስ አኩመ ኬኘን መና ዻበቺሴ።
14ጉያ ዱሜሳን፣ ሀልከን ጉቱሞ
እፈ እብዳቲን እሳን ጌጌሴ።
15እን ገሞጂ ኬሰት ከታ ደያሴ
ብሻን አከ ገላና ባይአቱ እሳኒ ኬኔ።
16ከታ ኬሳ ቡርቃ ቡርቅሲሴ
አከ ብሻን አኩመ ለጋት ያኡ ጎዼ።

17እሳን ገሩ ገሞጂ ኬሰት ዋቀ ዋን ሁንዳ ኦሊት ፍንጭለን፤
እቱመ ፉፈኒስ እሰት ጩቡ ሆጄተን።
18እሳን ኛተ ዸረአኒ፣ “ፍድ” ጄቹዻን
ቤኩምሰ ዋቃ ቆረን።
19አከነ ጄዸኒ ዋቀ ሀመተን፤
“ዋቅን ገሞጂ ኬሰት ማዲ ቆጴሱ ደንደኣ?
20እን ከታ ሩኩናን ብሻን ሁምናን ኬሳ ቡርቄ፤
ቡርቃን ጉቴ እራን ዸንገለኤ።
ገሩ እን ኛተ ኑ ኬኑ ደንደኣ?
ሰበሳቲፍስ ፎን ኬኑ ደንደኣ?”
21 ዋቀዮ ዮሙ ዋን ከነ ዸገኤት ባይኤ ኣሬ፤
ያቆብረት እብድሳ ንቀብሲፈሜ፤
ዼከምስሳስ እስራኤልት ዹፌ፤
22እሳን ዋቀ ህንአመነኔቲ፤
ፈይሱ እሳትስ ህንአመኔ።
23እን ገሩ ሰሚ ጉባቲፍ አጀጀ ኬኔ፤
በልበለ ሰሚስ ንበኔ፤
24አከ እሳን ኛተኒፍ መና ገድ ሮብሴፍ፤
ምዻን ሰሚስ እሳኒፍ ኬኔ።
25ነሞትን ቡዴነ ኤርገሞተ ዋቀዮ ኛተን፤
እን ዋን እሳን ኛተኒ ቁፈን ኤርጌፍ።
26እን አከ ቡቤን በአ ቢፍቱ ሰሚ ኬሳ ቡብሱ ጎዼ፤
ቡቤ ክባስ ሁምነ ኦፊሳቲን ኦፌ።
27ፎን አኩመ አዋራት፣ ስምብሮተ በርሰንስ
አኩመ ጭረቸ ገላናት ገድ እሳኒፍ ሮብሴ።
28እንስ አከ እሳን ቁበተሳኒ ኬሰት
ናኖ ዱንካኖተሳኒት ገድ ሀርጨአን ጎዼ።
29እሳንስ ኛተኒ ቁፈን፤
እን ዋን እሳን ዸረአን እሳኒፍ ኬኔራቲ።
30ገሩ ኡቱ እሳን ኛተ ዸረአን ሰነ ህንቁፍን፣
ኡቱመ ኛትን ሱን አፋንሳኒ ኬሰ ጅሩ፣
31ዼከምስ ዋቃ እሳንት ዹፌ፤
እንስ እሳን ኬሳ ወረ ጀጀቤዪ ገላፈቴ፤
ደርገጌዪ እስራኤልስ ንፍጤ።

32እሳን ዋን ከነ ሁንደረ ደርበኒ ጩቡ ሆጄቹት ፉፈን፤
ድንቂ እሳትስ ህንአመኔ።
33ከናፉ እን አከ በርሳኒ ፋይዳ መሌ ደርቡ፣
አከ ወጎትንሳኒስ ሶዳዻን ዹመን ጎዼ።
34ዬሮ ዋቅን እሳን አጄሴ ከምትዩ፣

እሳን እሰ በርባደተን፤
እሳን አመስ ፌዺዻን ገረሳት ዴብአን።
35አከ ዋቅን ከታሳኒ ተኤ፣
አከ ዋቅን ዋን ሁንዳ ኦሊ ፉሪሳኒ ተኤ ያደተን።
36እሳን ገሩ አፋንሳኒቲን እሰ ሳደን፤
አረበሳኒቲንስ እሰ ሶበን፤
37ገራንሳኒ እሳፍ አመነማ ህንቱሬ፤
እሳን ከኩሳቲፍ ህንአመነምኔ።
38እን ገሩ አራረ ቀቤሰ ዋን ተኤፍ፣
ጩቡሳኒ ንዺሴፍ መሌ እሳን ህንፍጥኔ።
እን ዬሮ ዬሮት ኣሪሳ እትፈቴ፤
ዼከምሰሳ ሁንዳስ ህንከካፍኔ።
39እንስ አከ እሳን ነመ ዱአ ህንኦሌ፣
ቅሌንሱመ ደርቡ ከን ዴብኤ ህንዹፍኔ ተአን ያደቴ።

40እሳን ሀመም ገሞጂ ኬሰት እሰት ፍንጭለኒ
ገሞጂ ኬሰትስ እሰ ገድሲሰን
41እሳን አሙማ አመ ዋቀ ቆረን፤
ቁልቁልቸ እስራኤል ሰነስ ንኣርሰን።
42እሳን ሁምነሳ ዮካን ጉያ እን እት
ዲኖተሳኒ ጀላ እሳን ባሴ ህንያደትኔ።
43ጉያ እን እት ብየ ግብጥ ኬሰት መለቶሳ፣
ኩታ ዞኣን ኬሰትሞ ድንቂሳ አርግሲሴ እሳን ህንያደትኔ።
44እን ለጌንሳኒ ዺገት ጌደሬ፤
እሳንስ ቡርቃወንሳኒ ዹጉ ህንደንዴኜ።
45እንስ ቱተ ትሲሳ ከን እሳን በሌሱ፣
ፈቴ እሳን በርበዴሱ እት ኤርጌ።
46ምዻንሳኒ እልማን ሀዋንሳቲፍ፣
ቡኣ ደዸቢሳኒሞ ሀዋንሳፍ ኬኔ።
47ሙከ ወይኒሳኒ ጨቢዻን፣
ሀርቡሳኒሞ ዻሞቸ ሀማን ዸኤ።
48ሎንሳኒ ጨቢፍ፣
ሆሪሳኒሞ በከካፍ ደበርሴ ኬኔ።
49እን ኤርገሞተ በዲሰ ፍደን እሳንት ኤርጉዻን
ኣሪሳ ሶዳችሳ፣ ዼከምሰሳ፣
ደለንሱሳቲፊ ረኮ እሳንት ገድ ለክሴ።
50እን ኣሪሳቲፍ ዳንዲ ቆጴሴ፤
ሉቡሳኒ ደበርሴ ዸእቸት ኬኔ መሌ
ዱአ እሳን ህንኦልችኔ።
51ሀንገፎተ ግብጥ ሁንደ፣
እልማን ጀልቀበት ዸለተንስ ዱንካነ ሃም ኬሰት ዸኤ።
52ሰበሳ ገሩ አኩመ ነመ ቡሻዬ ቦባሱት አቺ ባሴ፤
አኩመ ሆላስ ገሞጂ ኬሰ እሳን ጌጌሴ።
53እን ነጋዻን እሳን ጌጌሴ፤

ከናፉ እሳን ሆማ ህንሶዳትኔ፤
ዲኖተሳኒ ገሩ ገላነቱ ልቅምሴ።
54እንስ ገረ ዳሪ ብየሳ ቁልቁሉት፣
ገረ ብየ ጋራ ከን ሀርክሳ ምርጋ ፉዸቴት እሳን ገልቼ።
55እን ኦርሞተ እሳን ዱራ አርኤ፤
ለፈ ጀራስ ዻለ ጎዼ እሳኒ ቆዴ፤
ጎሰ እስራኤልስ ዱንካነሳኒ ኬሰ ቁበቺሴ።

56እሳን ገሩ ዋቀ ቆረን፤
ዋቀ ዋን ሁንዳ ኦሊት ፍንጭለን፤
አጀጀሳስ ህንኤግኔ።
57አኩመ አቦቲሳኒ ዱበት ዴብአን፤ አመነሙስ ንድደን፤
አከ እዳ ምጪረማትስ ጀጀልአተን።
58እሳን እዶወን ሰገዳሳኒ ከኔን ጋረን እራቲን እሰ ኣርሰን፤
ዋቆተሳኒ ቶልፈሞዻንስ ህናፋዻፍ እሰ ከካሰን።
59ዋቅንስ ዬሮ እሳን ዸገኤት አከ መሌ ዼከሜ፤
ጉቱማን ጉቱትስ እስራኤልን ገቴ።
60እንስ እዶ ጅሬኘሳ ከን ሺሎ ኬሳ፣
ዱንካነ እን ነሞተ ግዱ ዻበቴ ሰነስ ንዺሴ።
61ሁምነሳ ቦጁት፣
ኡልፍነሳሞ ሀርከ ዲናት ደበርሴ ኬኔ።
62ሰበሳ ደበርሴ ጎራዴፍ ኬኔ፤
ሀንዹራ እሳትስ አከ መሌ ዼከሜ።
63ደርገጎተሳኒ እብደቱ ፍጤ፤
ዱርቦተሳኒቲፍስ ስርብ ሄሩማ ህንስርበምኔ፤
64ሉቦትንሳኒ ጎራዴዻን ዹመን፤
ኒቶትን ዽርሶትንራ ዱአንሞ ቦኡ ህንደንዴኜ።

65ጎፍታንስ አኩመ ዋን ህርባ ደመቁት፣
አኩመ ጎተ ሰበቢ ወይኒቲን እዩትስ ደመቄ።
66እን ዲኖተሳ ሩኩቴ ዱበት ዴብሴ፤
ቃኒ በረ በራ ኬሰስ እሳን ቡሴ።
67ዱንካኖተ ዮሴፍ ንቱፈቴ፤
ጎሰ ኤፍሬምስ ህንፍለትኔ፤
68እን ገሩ ጎሰ ይሁዳ፣
ቱሉ ጥዮን ከን ጃለቱ ሰነ ንፍለቴ።
69መነ ቁልቁሉማሳ አከ ሰሚ ኦል ዼራት፣
አከ ለፈ በረ በራን ሁንዴሴትስ እጃሬ።
70እን ዳዊት ገርብቸሳ ንፍለቴ፤
ደላ ሆሎታ ኬሳስ እሰ ዋመቴ፤
71አከ እን ሰበሳ ያቆብን፣
ሀንዹራሳ እስራኤልን ትክሱፍ ጄዼ
ሆሎተ ትክሱራ እሰ ፍዴ።
72ዳዊትስ ገራ ቀጄላዻን እሳን ትክሴ፤
ኦጉማ ሀርከ እሳቲንስ እሳን ዱረ ቡኤ።