Revelation of John 7
ነሞትን 144,000 ቻፔፈመን
1ኤርገሲስ አን ኡቱ ኤርገሞትን አፉር ጎሌ ለፋ አፍረንረ ዻበተኒ አከ ቡቤን ለፈት ዮካን ገላነት ዮካን ሙከ ከምትዩ ህንቡብፍኔ ቡቤ ለፋ አፍረን ዾወኑ ነንአርጌ። 2ኤርገማን ቻፓ ዋቀ ጅራታ ቀቡ ካንሞ ኡቱ ከራ በአ ቢፍቱቲን ኦል በኡ ነንአርጌ። እንስ ኤርገሞተ አፍረን አከ እሳን ለፋፊ ገላነ ሚዸኒፍ ሁምን ኬነሜፍ ሰነ ሰገሌ ጉዳዻን ዋሜ፣ 3“ሀመ ኑ አደ ተጃጅልቶተ ዋቀኬኛረት ቻፓ ጎኑት ለፈ ዮካን ገላነ ዮካን ሙከ ህንሚዽና” ጄዼ። 4አንስ ባይእነ ወረ ቻፔፈመኒ ዸገኤ፦ ጎሰ እስራኤል ሁንደ ኬሳ 144,000 ቱሬ። 5ጎሰ ይሁዳ ኬሳ 12,000፣ጎሰ ሩቤን ኬሳ 12,000፣
ጎሰ ጋድ ኬሳ 12,000፣
6ጎሰ አሴር ኬሳ 12,000፣
ጎሰ ንፍታሌም ኬሳ 12,000፣
ጎሰ ምናሴ ኬሳ 12,000፣
7ጎሰ ስምኦን ኬሳ 12,000፣
ጎሰ ሌዊ ኬሳ 12,000፣
ጎሰ ይሳኮር ኬሳ 12,000፣
8ጎሰ ዜቡሎን ኬሳ 12,000፣
ጎሰ ዮሴፍ ኬሳ 12,000፣
ጎሰ ቤንያም ኬሳ 12,000 ቱረን።
ቱተ ነሞተ ኡፈተ አዳዲ ኡፈተኒ
9አንስ ከነ ቦዴ ነንእላሌ፤ ኩኖ፣ ቱትን ጉዳን ነምን ቶኮዩ ለካኡ ህንደንዴኜ ከን ሰበ ሁንዱማ፣ ጎሰ ሁንዱማ፣ ነመ ሁንዱማፊ አፋን ሁንዱማ ኬሳ ወልት ቀበሜ ቶኮ ቴሶ ሰነ ዱራፊ ፉለ ሆልቻ ዱረ ዻበቴ ቱሬ። እሳንስ ኡፈተ አዳዲ ኡፈተኒ፣ ደሜ ሜጢስ ሀርከት ቀበተኒ ቱረን። 10እሳንስ ሰገሌ ጉዳዻን፣ “ፈይን ከን ዋቀኬኘእሰ ቴሶረ ታኡቲፊ
ከን ሆልቻት”
ጄዸኒ እየን። 11ኤርገሞትን ሁንድኑ ቴስቸት፣ ማንጉዶታፊ ኡመመወን ሉቡ ቀቤዪ አፍረንት ናነአኒ ዸዻበቻ ቱረን። እሳንስ አደሳኒቲን ፉለ ቴሶ ሰና ዱረት ጎምብፈመኒ ዋቃፍ ሰገደን፤ 12አከነስ ጄዸን፦ “አሜን!
ኤቢፊ ኡልፍን፣ ኦጉማን፣ ገለን፣
ከበጅን፣ ሁምኒፊ ጀብን፣
በረ በራ ሀመ በረ በራት
ዋቀኬኛፍ ሃተኡ።
አሜን!”
13ማንጉዶተ ኬሳስ እን ቶኮ፣ “ወር ኡፈተ አዳዲ ኡፈተን ኩኔን ኤኙ ፈእ? ኤሳ ዹፈን?” ጄዼ ነ ጋፈቴ። 14አንስ፣ “ያ ጎፍታ፣ ስቱ ቤከ” ጄዼን ዴብሴፍ። እንሞ አከነ ናን ጄዼ፤ “እሳን ኩኔን ወረ ዽጵነ ጉዳ ኬሳ በአኒ ዹፈኒዸ፤ እሳንስ ዺገ ሆልቻቲን ኡፈተሳኒ ሚጨተኒ አዴፈተኒሩ። 15ከናፉ፣ “እሳን ቴሶ ዋቃ ዱረ ጅሩ፤
ሀልከኒ ጉያስ መነ ቁልቁሉማሳ ኬሰት እሰ ተጃጅሉ፤
እን ቴስቸረ ታኤ ጅሩ ሱንስ
እሳን ግዱ ጅራተ።
16‘እሳንስ ስአች ጎንኩማ ህንቤለአን፤
ስአችስ ጎንኩማ ህንዼቦተን።
አዱን እሳን ህንዸኡ፤’ ▼
ሆእ ፍኒናንስ እሳን ህንጉቡ።
17ሆልች ወለካ ቴሶ ሰና ጅሩ
ትክሴሳኒ ንተኣቲ፤
‘እን ገረ ቡርቃ ብሻን ጅሬኛት እሳን ጌሰ።’
‘ዋቅንስ እምማን ሁንደ እጀሳኒራ ንሀቀ።’ ”
Copyright information for
GazHAHe