‏ 2 Chronicles 5:2-14

ታቦትን ገረ መነ ቁልቁሉማት ፍደሜ

5፥2–6፥11 ኩወፈ – 1ሞቶ 8፥1‑21

2ኤርገሲ ሶሎሞን ጥዮን መጋላ ዳዊትራ ታቦተ ከኩ ዋቀዮ ኦል ፍችሲሱዻፍ ጄዼ ማንጉዶተ እስራኤል፣ አቦቲ ጎሶታ ሁንዳፊ ሀንገፎተ ማቲወን እስራኤል ዬሩሳሌምት ወልት ዋሜ። 3እስራኤሎን ሁንድኑስ ጅአ ቶርበፋ ኬሰ ዬሮ አያናት ሞትቸ ብረት ወልት ቀበመን።

4ዮሙ ማንጉዶትን እስራኤል ሁንድ አች ገአንት ሌዎትን ታቦትቸ ኦል ፉዸን፤ 5እሳንስ ታቦተ ሰነ፣ ዱንካነ ወል ገኢቲፊ ምኦተ ቁልቁሌፈመን ከኔን ዱንካንቸ ኬሰ ቱረን ሁንደ ንፍደን። ሌዎትን ሉቦተ ተአንስ ባተኒ ኦል እሳን ፍደን፤ 6ሶሎሞን ሞትቺፊ ወልዳን እስራኤል ከን እሰ ብረት ወልት ቀበመን ጉቱን ሆሎታፊ ሎን አከ መሌ ባይአተኒ ገልሜሱፊ ለካኡን ህንደንደአምኔ ኣርሳ ዽኤሳ እሰ ወጅን ፉለ ታቦታ ዱረ ቱረን።

7ሉቦትንስ ኤርገሲ ታቦተ ከኩ ዋቀዮ ሰነ እዶሳ ገረ ኩታ ቁልቁልቸ መነ ቁልቁሉማ ኬሳ ጄቹንስ እዶ እዶ ሁንደ ጫላ ቁልቁሉ ተኤ ሰነት ኦል ገልቸኒ ቆቾ ኪሩቤሊ ጀለ ካአን። 8ኪሩቤሊንስ እዶ ታቦትቻረት ቆቾወንሳኒ በበልእሰኒ ታቦትቻፊ ደንቀራወን እቲን ታቦተ ባተን ንሀጉገን። 9ደንቀራወን ኩኔን ዋን አከ መሌ ዼዼረተኒፍ ፊጤንሳኒ ታቦትቸ ብራ ዼዼረቴ ፉለ እዶ ቁልቁሉ ገረ ኬሳ ጅሩ ሰና ዱራ ንሙልአቱ ቱሬ፤ ገሩ እዶ ቁልቁሉ ሰና አለት ህንሙልአተን ቱሬ፤ ደንቀራወን ኩኔን ሀመ ሀርኣትሌ አቹመ ጅሩ። 10ታቦተ ሰነ ኬሰ ገበቴወን ከኔን ሙሴን ኮሬብት፣ እዶ ዋቀዮ ኤርገ እስራኤሎን ግብጢ በአኒ ቦዴ እት እሳን ወጅን ከኩ ሴኔ ሰነት እሰ ኬሰ ካኤ ለማን መሌ ወን ቶኮዩ ህንቱሬ።

11ሉቦትንስ እዶ ቁልቁሉ ሰና ንበአን። ሉቦትን አች ቱረን ሁንድኑ ዮ ደበሬን ከንሳኒ ተኡ ባቴዩ ኦፍ ቁልቁሌሰኒ ቱረን። 12ሌዎትን ፋርፈቶተ ቱረን ጄቹንስ አሳፍ፣ ሄማን፣ ዬዱቱን፣ እልማንሳኒቲፊ ፍሮንሳኒ ወያ ሀጲ ቁንጬ ተልባራ ሆጄተሜ ኡፈተኒ እዶ ኣርሳ ብረ ከራ በአ ቢፍቱቲን ዻበተኒ ክልሌ ክልልቻ፣ በገናፊ ክራረ ተጰቻ ቱረን። ሉቦትን 120 ከኔን መለከተ አፉፈን እሳን ወጅን ቱረን። 13ወር መለከተ አፉፈኒፊ ፋርፈቶትን ዋቀዮን ሌልሱፊ ገለቴፈቹዻፍ ጄዸኒ አኩመ ነመ ቶኮት ወሊ ገለኒ ሰገሌሳኒ ቶኮ ጎዸተን። እሳንስ መለከተት፣ ክልሌፊ ምኦተ ፋርፈትና ብራት ፈየደመኒ ሰገሌሳኒ ኦል ፉዸተኒ ዋቀዮን ገለቴፈቹዻን፦ “እን ጋሪዸ፤
ጃለልሳስ በረ በራን ንጅራተ”

ጄዸኒ ፋርፈተን።

ኤርገሲስ መን ቁልቁሉማ ዋቀዮ ዱሜሳን ንጉተሜ፤ 14ሉቦትንስ ሰበቢ ዱሜሰ ሰናቲፍ ሆጂሳኒ ሆጄቹ ህንደንዴኜ፤ ኡልፍን ዋቀዮ መነ ቁልቁሉማ ዋቃ ጉቴ ቱሬቲ።

‏ 2 Chronicles 6:1-11

1ኤርገሲ ሶሎሞን አከነ ጄዼ፤ “ዋቀዮ አከ ዱሜሰ ዱከናኣ ኬሰ ጅራቱ ዱበቴረ፤ 2አን መነ ቁልቁሉማ ጉዳ፣ እዶ አት በረ በራን ጅራቱ ሲፍ እጃሬረ።”

3ኡቱመ ወልዳን እስራኤል ጉቱን አች ዻበቱ ሞትች ኦፍራ ገረገሌ እሳን ኤብሴ። 4እንስ አከነ ጄዼ፦

“ዋቀዮ ዋቅን እስራኤል እን ዋን አፋን ኦፊሳቲን አባኮ ዳዊቲፍ ዋዳ ገሌ ሰነ ሀርኩመ ኦፊሳቲን ጉቴ ሱን ሃኤብፈሙ። እንስ አከነ ጄዼ ቱሬቲ፤ 5‘አን ጋፈን ሰበኮ ግብጢ ባሴ ጀልቀቤ አከ መቃንኮ አች ጅራቱፍ ጄዼ መነ ቁልቁሉማ እት እጃርስፈቹፍ ጎሶተ እስራኤል ከምዩ ኬሰት መጋላ ቶኮሌ ህንፍለትኔ፣ ዮካን አከ እን ቡልቻ ሰበኮ እስራኤል ተኡፍ ነመ ቶኮሌ ህንፍለትኔ። 6አመ ገሩ አከ መቃንኮ አች ጅራቱፍ ዬሩሳሌምን ፍለዼረ፤ አከ እን ሰበኮ እስራኤልን ቡልቹፍስ ዳዊትን ፍለዼረ።’

7“ዳዊት አባንኮ መቃ ዋቀዮ ዋቀ እስራኤሊፍ መነ ቁልቁሉማ እጃሩፍ ገራሳቲ ያደ ቀበ ቱሬ። 8ዋቀዮ ገሩ አባኮ ዳዊቲን አከነ ጄዼ፤ ‘ዋን መነ ቁልቁሉማ መቃኮቲፍ እጃሩን ያደኬ ኬሰ ጅሩፍ፣ አት ያደ ከነ ገራዻ ቀባቹንኬ ጋሪዸ። 9ተኡስ ነምን መነ ቁልቁሉማ ናፍ እጃሩ ስእ ምት፤ ገሩ እልመኬ፣ እሱመ ፎንኬቲፊ ዺገኬ ተኤቱ እጃረ፤ ነምን መነ ቁልቁሉማ መቃኮቲፍ እጃሩ እሰ።’

10“ዋቀዮ ዋዳ ገሌ ሰነ ኤጌረ፤ አኩመ ዋቀዮ ዋዳ ገሌ ሰነ አን አመ እዶ አባኮ ዳዊት ቡኤ ቴሶ እስራኤልራ ታኤን ጅረ፤ መቃ ዋቀዮ ዋቀ እስራኤሊፍስ መነ ቁልቁሉማ እጃሬረ። 11አንስ አች ኬሰ ታቦተ ካኤረ፤ ታቦተ ሰነ ኬሰሞ ከኩ ዋቀዮ ከን እን ሰበ እስራኤል ወጅን ገሌቱ ጅረ።”
Copyright information for GazHAHe