2 Kings 20:1-11
ዹኩበ ህስቅያስ
20፥1‑11 ኩወፈ – 2ሴና 32፥24‑26፤ እሳ 38፥1‑8
1በረ ሰነ ኬሰ ህስቅያስ ዹኩብሰቴ ዱኡ ገኤ ቱሬ። እሳያስ እልም አሞስ ራጅች ገረሳ ዸቄ፣ “ዋቀዮ አከነ ጄዸ፤ ‘መነኬ ቶቶልፈዹ፤ አት ንዱተ መሌ ህንፈይቱቲ’ ” ጄዼን። 2ህስቅያስስ ፉለሳ ገረ ኬኘን መናት ገረገልፈቴ አከነ ጄዼ ዋቀዮን ከዸቴ፤ 3“ያ ዋቀዮ፣ አከ አን አመነሙማፊ ገራ ቶኮን ፉለኬ ዱረ ጅራዼ ዋን ፉለኬ ዱረት ጋሪ ተኤስ ሆጄዼ ያደዹ።” ህስቅያስስ ህቅፈቴ ንቦኤ። 4ኡቱ እሳያስ ኦብዲ ገረ ግዱ ጅሩ ሰነ ኬሳ ህንበእን ዱቢን ዋቀዮ አከነ ጄዼ ገረሳ ዹፌ፤ 5“ዴብኢ ዸቂቲ አከነ ጄዺ ህስቅያስ ሆገና ሰበኮቲት ህም፤ ‘ዋቀዮ ዋቅን አባኬ ዳዊት አከነ ጄዸ፦ አን ከዸትናኬ ዸገኤረ፤ እምማንኬስ አርጌረ፤ አን ስን ፈይሰ። አት አማ ጀልቀብዴ ጉያ ሰደፋት ገረ መነ ቁልቁሉማ ዋቀዮት ኦል ባተ። 6አን ኡሙሪኬረት ወጋ ኩዸ ሸን ሲፈን ደበለ። አን ስኢፊ መጋላ ከነ ሀርከ ሞትቸ አሶሪቲ ነንባሰ። አን ሰበቢኮቲፊ ሰበቢ ገርብቸኮ ዳዊቲፍ ጄዼ መጋላ ከነ ነንኤገ።’ ” 7ከነረት እሳያስ፣ “መጥኖ ሀርቡ ቶልቻ” ጄዼ። እሳንስ ቆጴሰኒ ዹላሳረ ካአኒፍ፤ እንስ ንፈዬ። 8ህስቅያስስ፣ “አከ ዋቀዮ ነ ፈይሱፊ አከ አን ጉያ ሰደፋት ገረ መነ ቁልቁሉማ ዋቀዮት ኦል በኡፍ ማልቱ መለቶ ተአ?” ጄዼ እሳያስን ጋፈቴ። 9እሳያስስ አከነ ጄዼ ዴብሴ፤ “አከ ዋቀዮ ዋን ዋዳ ገሌ ሰነ ሆጄቱፍ መለቶን ዋቀዮ ሲፍ ኬኑ ኩኖ ከናዸ፤ ጋድዱን ቶኮ ተርካንፊ ኩዸን ገረ ፉለ ዱራት ሃዴሙሞ ዮካን ተርካንፊ ኩዸን ገረ ዱግደ ዱባት ሃዴብኡ?” 10ህስቅያስሞ፣ “ተርካንፊ ኩዸን ገረ ፉለ ዱራት ዴሙን ጋድዱ ቶኮፍ ዋን ሰልጳዸ፤ ቆደ ከና አከ ጋድዱን ሱን ተርካንፊ ኩዸን ገረ ዱግደ ዱባት ዴብኡ ጎዽ” ጄዼ። 11ከነረት እሳያስ ራጅች እዬ ዋቀዮን ንከዸቴ፤ ዋቀዮስ አከ ጋድዱን ሱን ተርካንፊ ኩዸን ጉለንታ ኣሃዝራ ገረ ፉለ ዱራት ዴሜ ቱሬ ሰነራ ተርካንፊ ኩዸን ገረ ዱግደ ዱባት ዴብኡ ጎዼ።
Copyright information for
GazHAHe