2 Kings 21:1-10
ምናሴ ሞትቸ ይሁዳ
21፥1‑10 ኩወፈ – 2ሴና 33፥1‑10
21፥17‑18 ኩወፈ – 2ሴና 33፥18‑20
1ምናሴን ዬሮ ሞቲ ተኤት ነመ ወጋ ኩዸ ለመ ቱሬ፤ እንስ ዬሩሳሌም ኬሰ ታኤ ወጋ ሸንተሚ ሸን ቡልቼ። መቃን ሃዸሳ ሄፍዚባ ቱሬ። 2እንስ ዋን ጅብሲሳ ሰቦተ ዋቀዮ ፉለ እስራኤሎታ ዱራ አርኤ ባሴ ሰና ዱካ ቡኡዻን ፉለ ዋቀዮ ዱረት ዋን ሀማ ሆጄቴ። 3እን እዶወን ሰገዳ ከኔን አባንሳ ህስቅያስ ዲጌ ቱሬ ሰነሌ ዴብሴ ንእጃሬ፤ አከሱመስ አኩመ አሃብ ሞትች እስራኤል ጎዼ ሰነ በኣሊፍ እዶወን ኣርሳ ቶልቼ ሲዳ ኣሼራስ ንዻቤ። ራያወን ሰሚ ሁንዳፍስ ንሰገዴ፤ እሳን ዋቄፈቴስ። 4እንስ መነ ቁልቁሉማ ዋቀዮ ከን ዋቀዮ፣ “አን መቃኮ ዬሩሳሌም ኬሰ ነንዻበ” ጄዼ ዋኤሳ ዱበቴ ሰነ ኬሰት እዶወን ኣርሳ ቶልቼ። 5ኦብዲወን መነ ቁልቁሉማ ዋቀዮ ለማኑ ኬሰትስ ራያወን ሰሚ ሁንዳፍ እዶወን ኣርሳ ንቶልቼ። 6እን እልመ ኦፊሳ እብዳን ኣርሳ ጎዼ ዽኤሴ፤ ቶልቸ ሆጄቴ፣ ምልኪ እላለቴ፣ እላልቶታፊ ኤኬር ዱብስቶተ ጎርሰ ጋፈቴ። እን ፉለ ዋቀዮ ዱረት ሀምነ ጉዳ ንሆጄቴ አከሲን ዼከምሳፍ እሰ ከካሴ። 7እንስ ፈኪ አሼራ ከን ሶፌ ሆጄቴ ሰነ ፉዼ መነ ቁልቁሉማ ከን ዋቀዮ አከነ ጄዼ ዋኤሳ ዳዊቲፊ እልመሳ ሶሎሞኒ ዱበቴ ቱሬ ሰነ ኬሰ ካኤ፤ “መነ ቁልቁሉማ ከነ ኬሳፊ ዬሩሳሌም እሼ አን ጎሶተ እስራኤል ሁንደ ኬሳ ፍለዼ ሰነ ኬሰ መቃኮ በረ በራን ነንዻበ። 8ዮ እሳን ዋን አን እሳን አጀጄ ሁንደ ሆጄተኒ ሴረ ገርብችኮ ሙሴን እሳኒፍ ኬኔ ጉቱ ኤገን፣ አን ስአች አከ ሚል እስራኤሎታ ብየ አን አቦቲሳኒቲፍ ኬኔ ኬሳ በኤ ጆሩ ህንጎዹ።” 9ነሞትን ገሩ ህንዸጌፈትኔ። ምናሴን ከራራ እሳን ጀልእሴ፤ ከናፉ እሳን ሰቦተ ዋቀዮ ፉለ እስራኤሎታ ዱራ በሌሴ ሰነ ጫላ ሀምነ ሆጄተን። 10 ዋቀዮ ከራ ገርቦተሳ ራጆታቲን አከነ ጄዼ ዱበቴ፤
Copyright information for
GazHAHe