‏ Exodus 36:8-38

ዱንካነ ቁልቁሉ

36፥8‑38 ኩወፈ – በኡ 26፥1‑37

8ሆጄቶተ ሰነ ኬሳስ ኦጌዪን ሁንድ ጎልጋወን ኩዸን ከኔን ቁንጬ ተልባ ጋሪ ፎአሜፊ ከን ክሪ ብፈ ጩቁሊሳ፣ ዺልጌፊ ብልዲማራ ሆጄተመኒን ዱንካነ ቁልቁሉ ሃሆጄተን፤ ጎልጋወን ሰነረትስ ኦጌዪን ሀርከ ቀጄለን ኪሩቤሊ ሆጄተን። 9ጎልጋወን ሱን ሁንድኑ ወል ቅጤ ተአኒ ቶኮን ቶኮንሳኒ ዼርነ ዹንዹመ ድግደሚ ሰዴቲቲፊ በልእነ ዹንዹመ አፉር ቀቡ ቱሬ። 10እሳንስ ጎልጋወን ሸን ወልት ቀብሲሰን፤ ሸነን ካንሌ አከሱመ ወልት ቀብሲሰን። 11እሳንስ ጎልጋወን ወልት ቀብሲፈመን ከኔን ጀልቀባ ኬሳ ሀንዳረ እሰ ሞጋረት ሁጩ ብፈ ጩቁሊሳራ ጉሮወን ቶልቸን፤ ጎልጋወን ወልት ቀብሲፈመን ለመፋረትስ አከሱመ ቶልፈመን። 12እሳንስ ጎልጋ ቶኮረት ጉሮወን ሸንተመ ቶልቸን፤ ጉሮወን ሸንተመሞ ጎልጋወን ወልት ቀብሲፈመን ለመፋ ኬሳ እሰ ሞጋረት ቶልቸን፤ ጉሮወን ሱንስ ገማ ገመናን ቱረን። 13አከ ዱንካን ቁልቁሉን ሱን ቶኮ ተኡፍስ ሆኮወን ወርቄ ሸንተመ ቶልቸኒ ጎልጋወን ሰነ እቲን ወልት ቀብሲሰን።

14እሳንስ ሀጉጊ ጉባ ዱንካነ ቁልቁሉ ሰናረ ጅሩ ሀጉጉፍ ጎልጋወን ርፌንሰ ሬኤ ኩዸ ቶኮ ሆጄተን። 15ጎልጋወን ኩዸ ቶኮን ሱን ሁንድ ወል ቅጤ ቱረን፤ ዼርንሳኒ ዹንዹመ ሶዶመ፣ በልእንሳኒሞ ዹንዹመ አፉር ቱሬ። 16እሳንስ ጎልጋወን ሸን እዶ ቶኮት ወልት ቀብሲሰን፤ ጎልጋወን ካን ጀኣንሞ እዶ ቶኮት ወልት ቀብሲሰን። 17ኤርገሲስ ጎልጋወን ገመ ቶኮን ወልት ቀብሲፈመን ኬሳ ሀንዳረ እሰ ሞጋረት ጉሮወን ሸንተመ ቶልቸን፤ ጎልጋወን ገመ ካንረት ወልት ቀብሲፈመን ኬሳስ ሀንዳረ እሰ ሞጋረት ጉሮወን ሸንተመ ቶልቸን። 18አከ ዱንካን ሱን ቶኮ ተኡፍ እቲን ወልት ቀብሲሱፍ ቀብዱወን ናሲ ሸንተመ ቶልቸን። 19ዱንካነ ሰናፍስ እረ ቡሳ ከልዼ ኮርቤሰ ሆላ ከን ሀሉ ዲማ ጩጰሜ፣ እሰ እራንሞ እረ ቡሳ ጎጋ ዱገሜ ሆጄተን።

20ዱንካነ ቁልቁሉ ሰናፍስ ሙከ ላፍቶራ ቱጌወን ቀቀጄሎ ሆጄተን። 21ዼርን ቶኮ ቶኮ ቱጌወን ሰናስ ዹንዹመ ኩዸን፣ በልእንሳሞ ዹንዹመ ቶኮፊ ወለካ ቱሬ። 22ቶኮን ቶኮን ቱጌወን ሰናስ አከ ወል ኬሰ ገሉ ደንደኡፍ ሙቸ ለመ ለመ ቀበ ቱሬ። ቱጌወን ዱንካነ ቁልቁሉ ሰና ሁንደ አከስት ቶልቸን። 23ገመ ክበ ዱንካነ ቁልቁሉ ሰናቲፍስ ቱጌወን ድግደመ ሆጄተን፤ 24ቱጌወን ድግደመን ሰነ ጀለት ሚለ ሜቲ አፉርተመ ጄቹንስ ቱጌ ቶኮ ጀለት ሚለ ለመ ጉረሳ ለማኒፍ፣ ቱጌ ካን ጀለትስ ሚለ ለመ ጉረሳ ለማኒፍ ቶልቸን። 25ገመ ዱንካነ ቁልቁሉ ሰና ካኒፍስ ከራ ካባቲን ቱጌወን ድግደመ ቶልቸን። 26እሳኒፍስ ሚለ ሜቲስ አፉርተመ ጄቹንስ ቱጌ ቶኮ ጀለት ሚለ ለመ፣ ቱጌ ካን ጀለትስ ሚለ ለመ ቶልቸን። 27ከራ ልጠ ቢፍቱቲን፣ ዱግደ ዱበ ዱንካነ ቁልቁሉ ሰናቲፍ ቱጌ ጀአ ሆጄተን። 28ከራ ዱግደ ዱባስ ጎሌ ዱንካነ ቁልቁሉ ሰናቲፍ ኡቱባ ለመ ቶልቸን። 29ቱጌወን ጎሌ ኩኔን ጀላ ሀመ ጉባት ወልት ፈይፈመኒ በንቲረት ቁቤላ ቶኮን ወልት ቀብሲፈመን፤ ቱጌወን ጎሌ ለማኒስ አከኑመ ሆጄተን። 30ከናፉ ቱጌወን ሰዴት ከኔን ሚለ ሜቲ ኩዸ ጀአ ቀበንቱ ቱሬ፤ ቶኮን ቶኮን ቱጌ ሰናስ ሚለ ለመ ለመ ቀበ ቱሬ።

31አከሱመስ ሙከ ላፍቶራ ደገሌወን ቶልቸን፤ ቱጌወን ዱንካነ ቁልቁሉ ሰነረ ገመ ቶኮን ጅረኒፍ ደገሌወን ሸን፣ 32ቱጌወን ገመ ካኒን ጅረኒፍ ሸን፣ ቱጌወን ዱግደ ዱባን ከራ ልጠ ቢፍቱቲን ጅረኒፍሞ ደገሌወን ሸን ቶልቸን። 33ደገሌ ወለካ ጅሩ ሰነ አከ እን ግዱ ቱጌወኒቲን ሞጋ ቶኮ ሀመ ሞጋ ካኒት ፉለኡ ጎዸን። 34ቱጌወን ሰነትስ ወርቄ ድበኒ አከ ደገሌወን ባተኒፍ ቁቤላወን ወርቄ እት ቶልቸን። ደገሌወን ሰናትስ አከሱመ ወርቄ ኡፍሰን።

35እሳንስ ክሪ ብፈ ጩቁሊሳ፣ ዺልጌ፣ ብልዲማፊ ቁንጬ ተልባ ሀጲራ ጎልጋ ቶልቸን፤ ጎልጋ ከነረትስ ኦጌስ ሀርከ ቀጄሉ ቶኮ ፈኪ ኪሩቤሊ ቶልቼ። 36ጎልጋ ሰናፍስ ኡቱባወን ሙከ ላፍቶ አፉር ቶልቸኒ ወርቄ እት ኡፍሰን፤ ኡቱባ ሰናፍስ ሆኮወን ወርቄ ሆጄተኒ ሚለ ሜቲ አፉር እት ቶልቸን። 37እሳንስ በልበለ ዱንካንቻቲፍ ጎልጋ ክሪ ብፈ ጩቁሊሳ፣ ዺልጌ፣ ብልዲማፊ ቁንጬ ተልባ ከን ቀልእፈሜ ፎአሜ ሀርካን እረት ሆዸሜ ቶኮ ፋዬሰኒ ቶልቸን። 38እሳንስ ኡቱቦተ ሆኮ ቀበን ሸን ሆጄተኒ፣ ፊጤፊ ሶማወን ኡቱቦታት ወርቄ ኡፍሰን፤ ሚለሳኒ ሸነንስ ናሲራ ቶልቸን።