‏ Isaiah 37:21-38

ኩፋቲ ሴናሄሪብ

37፥21‑38 ኩወፈ – 2ሞቶ 19፥20‑37፤ 2ሴና 32፥20‑21

21ሰነ ቦዴ እሳያስ እልም አሞስ አከነ ጄዼ ህስቅያስት ኤርጋ ኤርጌ፤ “ዋቀዮ ዋቅን እስራኤል አከነ ጄዸ፦ ሰበቢ አት ዋኤ ሴናሄሪብ ሞትቸ አሶር ነ ከዸቴፍ፣ 22ዱቢን ዋቀዮ እሳን ሞርሙዻን ዱበቴ ኩኖ ከናዸ፦ “እንተል ጥዮን ዱርብ ቁልቁልቲን
ስ ቱፈቴ ስት ቆስት።
እንተል ዬሩሳሌም
ዬሮ አት በቀቱት መታሼ ስት ራፍት።
23ከን አት እት ቆስቴ አረብስቴ ሱን ኤኙ?
አት ኤኙት ሰገሌኬ ኦል ፉዸቴ
ኦፍ ቱሉማዻን እጀ ኦል ቀበቴ?
ቁልቁልቹመ እስራኤል ሰነት ምቲ!
24አት ከራ ኤርገሞተኬቲቲን፣
ጎፍታት ቆስቴርተ።
አት አከነስ ጄቴርተ፤
‘አን ጋሪወንኮ ሄዱዻን
ፊጤ ቱሉወኒት፣
ፊጤ ልባኖን ከን አከ መሌ ኦል ዼረቱትስ ኦል በኤረ።
አን ብርብርሰወንሳ አከ መሌ ዼዼሮ፣
ጋትራወንሳ ፍለተሞ ሰነስ ጭጭሬረ።
አን ፊጤወንሳ ከኔን አከ መሌ ኦል ፈጎ፣
ቦሶኖተ አከ መሌ ምሚዸጎ ቀቀቤረ።
25አን ብየ ኦርማት ቦለ ብሻኒ ቆተዼ
አችት ብሻን ዹጌረ።
አን ፋነ ሚለኮቲን
ለጌን ግብጥ ሁንደ ጎግሴረ።’

26“አት ዋን ከነ ህንዸጌኜ?
በረ ዼራን ዱረ አነቱ ዋን ከነ ሆጄቴ።
አን በረ ዱሪ ኬሰ ዋን ከነ ነንከሮርፈዼ፤
አመሞ ሆጂረ ኦልፈዼረ፤
ኩንስ አከ አት መጋላወን
ደላ ጀባ ቀበን ዲግዴ ቱላ ዸጋ ጎቱዸ።
27ነሞትንሳኒ ሁምነ ዸበኒ
አብዲ ኩተተኒስ ቃነአን።
እሳን አኩመ ብቅልቱ ዲዳ፣
አኩመ ብቅልቱ ክቹ ቶኮ፣
አኩመ መርገ መነ ጉባት ብቅሉ
ከን ኡቱ ህንጉደትን ጉበቴት።

28“አን ገሩ ለፈ አት ጅርቱ፣
ዮም አከ ዹፍቱፊ ዮም አከ ዴምቱ፣
አከ አት አከ መሌ ነት ኣርቱሌ ነንቤከ።
29ሰበቢ አት አከ መሌ ነት ኣርቴ
ኦፍ ቱሉማንኬስ ጉረኮ ሴኔፍ፣
አን ፉኛንኬት ሆኮኮ፣
አፋንኬትሞ ሉገመኮ ካኤ
አከ አት ከሩመ ዹፍቴ ሰናን ዴብቱ ስን ጎዸ።

30“ያ ህስቅያስ ኩን መለቶ ሲፍ ተአ፦ “እስን ወጋ ከነ ዋን ኦፉማን ብቅሉ፣
ወጋ ለመፋትሞ ዋኑመ እሰራ ለቱ ኛቱ።
ወጋ ሰደፋት ገሩ ፈጫፈዻ ገልፈዻ፤
ሙከ ወይኒስ ዻበዻቲ እጀሳ ኛዻ።
31አመስ ሀምባን ሞቱማ ይሁዳ ቶኮ፣
ጀላን ህደ ባፈቴ ጉባንሞ እጀ ነቀተ።
32ዬሩሳሌም ኬሳ ሀምባን ቶኮ፣
ቱሉ ጥዮኒቲሞ

ገሬን ወረ በዲሰ ጀላ በኤ ቶኮ ንዹፈ።
ህናፋን ዋቀዮ ዋን ሁንደ ደንደኡ
ዋን ከነ ንራወተ።

33“ከናፉ ዋቀዮ ዋኤ ሞትቸ አሶር አከነ ጄዸ፦ “እን መጋላ ከነ ህንሴኑ፣
ዮካን ጥየ ቶኮሌ አስት ህንደርበቱ።
እን ጋቸነ ቀበቴ ፉለሳ ዱረት ህንዽኣቱ
ዮካን ቱላ ብዮ እት ህንመርሱ።
34እን ከሩመ ዹፌ ሰናን ንዴብአ፤
መጋላ ከነስ ህንሴኑ”
ጄዸ ዋቀዮ።
35“አንስ ሰበቢ ኦፊኮቲፊ ሰበቢ ገርብቸኮ ዳዊቲፍ ጄዼ
መጋላ ከነ ነንኤገ፤ ነንኦልቸስ!”

36ኤርገሲ ኤርገማን ዋቀዮ ገድ በኤ ቁበተ ወረ አሶር ኬሰት ነመ ኩመ ዽበ ቶኮፊ ሰዴተሚ ሸን ፍጤ። ዮሙ ነሞትን ጉያ እት ኣኑ ገነመ በሪን ከአንት ኩኖ ሬፍ ነማ ለፈ ጉቴ ቱሬ። 37ከናፉ ሴናሄሪብ ሞትች አሶር ቁበተ ሰነ ኬሳ በኤ በቀቴ፤ ነነዌት ዴብኤስ አች ጅራቴ።

38ጋፍ ቶኮ ኡቱ እን መነ ሰገዳ ዋቀሳ ንስሮክ ጄዸሙ ኬሰት ዋቄፈቻ ጅሩ እልማንሳ አድረሜሌኪፊ ሸሬዜር ጎራዴዻን እሰ አጄሰኒ ገረ ብየ አራራትት በቀተን። እልምሳ ኤሰርሀዶንስ እዶሳ ቡኤ ሞቲ ተኤ።