Matthew 12:1-14
ጎፍታ ሰንበታ
12፥1‑8 ኩወፈ – ማር 2፥23‑28፤ ሉቃ 6፥1‑5
12፥9‑14 ኩወፈ – ማር 3፥1‑6፤ ሉቃ 6፥6‑11
1ዬሱስ ዬሮ ሰነ ጉያ ሰንበታቲን ለፈ ቆቲሳ ምዻኒ ኬሰ ደርቤ። በረቶትንሳስ ቤለአኒ አሼቲ ምዻኒ ጭረተኒ ኛቹ ጀልቀበን። 2ፈሪሶትን ዮሙ ዋን ከነ አርገንት፣ “እላ! በረቶትንኬ ዋን ጉያ ሰንበታቲን ሆጄቹን ሴራን ህንኤየመምኔ ሆጄቱ” ጄዸኒን። 3እንስ አከነ ጄዼ ዴብሴ፤ “ዬሮ ዳዊቲፊ ወር እሰ ወጅን ቱረን ቤለአንት ዋን ዳዊት ጎዼ እስን ህንዱብፍኔ? 4እን መነ ዋቃ ሴኔ፤ እኒፊ ወር እሰ ወጅን ቱረንስ ቡዴነ ኬና ኛተን፤ ቡዴን ሱንሞ ሉቦተ ቆፋፍ መሌ እሳኒፍ ህንኤየመሙ ቱሬ። 5ዮካን አከ ሉቦትን መነ ቁልቁሉማ ኬሳ ጉያ ሰንበታቲን ሰንበተ ጡሬሰን፣ ተኡስ አከ የከ ተኤ እሳንት ህንሄደምኔ እስን ሴረ ኬሰት ህንዱብፍኔ? 6አን እስንት ነንህመ፤ ከን መነ ቁልቁሉማ ጫሉ አስ ጅረ። 7እስን፣ ኡቱ ዱቢን፣ ‘አን አራረን ፌዸ መሌ ኣርሳ ህንፌዹ’ ▼ ጄዹ ሱን ማል ጄቹ አከ ተኤ ቤክተኒ ጅራተኒ ስላ ወረ የከ ህንቀብኔት ህንሙርተን ቱሬ። 8እልም ነማ ጎፍታ ሰንበታቲ።” 9እንስ አቺ ከኤ መነ ሰገዳሳኒ ሴኔ፤ 10ኩኖ ነምች ሀርክ እረት ጎጌ ቶኮስ አች ቱሬ። እሳንስ ሰበቢ እቲን ዬሱስን ህመተን በርባዳ ዋን ቱረኒፍ፣ “ጉያ ሰንበታቲን ነመ ፈይሱን ሴራ?” ጄዸኒ እሰ ጋፈተን። 11ዬሱስሞ አከነ እሳኒን ጄዼ፤ “እስን ኬሳ ነምን ሆላ ቶኮ ቀቡ፣ ዮ ሆላን ሱን ጉያ ሰንበታቲን ቦለ ኬሰ ቡኤ፣ ከን ሀርክሴ ህንባፈትኔ ጅራ? 12ነምንሞ ሀመም ሆላ ጫላ ገቲ ጉዳ ሃቀባቱሬ! ከናፉ ጉያ ሰንበታቲን ዋን ጋሪ ሆጄቹን ኤየመማዸ።” 13ነምቻንስ፣ “ሀርከኬ ድሪርፈዹ” ጄዼ። ነምችስ ሀርከ ድሪርፈቴ፤ ሀርክሳስ ጉቱማት ፈዬ አኩመ እሰ ካኒ ተኤ። 14ፈሪሶትን ገሩ ገድ በአኒ አከ እቲን ዬሱስን አጄሰን መርአተን።
Copyright information for
GazHAHe