Mar 1:40-44 | GazHAHl | STEP | Namichi lamxaaʼaan tokko gara isaa dhufee jilbeenfatee, “Yoo fedhii kee taʼe, ati na qulqulleessuu ni dandeessa” jedhee isa kadhate.

‏ Mark 1:40-44

Namicha Lamxaaʼaa Tokko

1:40‑44 kwf – Mat 8:2‑4; Luq 5:12‑14

40 Namichi lamxaaʼaan tokko gara isaa dhufee jilbeenfatee, “Yoo fedhii kee taʼe, ati na qulqulleessuu ni dandeessa” jedhee isa kadhate.

41 Yesuusis garaa laafeefii, harka isaa hiixatee namicha qaqqabee, “Fedhii koo ti; qulqullaaʼi!” jedheen. 42 Yeruma sana lamxiin sun namicha irraa bade; namichis ni qulqullaaʼe.

43 Yesuusis of eeggannoo jabaa kenneefii yommusuma gad isa dhiise. 44 Akkanas jedheen; “Ati waan kana nama tokkotti illee akka hin himne beekkadhu; garuu dhaqiitii akka isaaniif ragaa taʼuuf lubatti of argisiisi; qulqullaaʼuu keetiifis aarsaawwan Museen ajaje sana dhiʼeessi.”