Psa 127 | GazHAHl | STEP | Waaqayyo mana ijaaruu baannaan, warri ijaaran akkasumaan dadhabu. Waaqayyo magaalaa eeguu baannaan, warri eegan akkasumaan dhaabachaa bulu.

‏ Psalms 127

Waaqa Amanachuu

Faarfannaa Ol baʼuu. Faarfannaa Solomoon.

1 Waaqayyo mana ijaaruu baannaan,
warri ijaaran akkasumaan dadhabu.
Waaqayyo magaalaa eeguu baannaan,
warri eegan akkasumaan dhaabachaa bulu.
2 Isin buddeena dadhabbii guddaan argame nyaachuuf jettanii,
barii barraaqaan kaʼuun keessan,
turtanii rafuun keessan faayidaa hin qabu;
inni warra jaallatuuf utuma isaan rafanii iyyuu

waan isaan barbaachisu ni kennaaf.

3 Kunoo, ijoolleen kennaa Waaqayyoo ti;
iji gadameessaas badhaasa isaa ti.
4 Ijoolleen dargaggummaa keessa dhalchan,
akkuma xiyya harka goota tokkoo keessa jiruu ti.
5 Namni korojoon isaa xiyyaan guutame eebbifamaa dha.
Inni yommuu karra duratti diinota isaatiin falmutti hin qaanaʼu.