Joh 12:12-15 | GazHAHl | STEP | Guyyaa itti aanutti namoonni Ayyaanichaaf dhufanii turan baayʼeen akka Yesuus gara Yerusaalem dhufaa jiru dhagaʼan.

‏ John 12:12-15

Yesuus Akka Mootiitti Yerusaalem Seenuu Isaa

12:12‑15 kwf – Mat 21:4‑9; Mar 11:7‑10; Luq 19:35‑38

12 Guyyaa itti aanutti namoonni Ayyaanichaaf dhufanii turan baayʼeen akka Yesuus gara Yerusaalem dhufaa jiru dhagaʼan. 13 Isaanis damee meexxii harkatti qabatanii isa simachuu baʼan; iyyaniis akkana jedhan; “Hoosaaʼinaa!” ^{▼▼Hoosaaʼinaa jechuun afaan Ibraayisxiitiin “Amma fayyisi” jechuu dha; kunis jecha galataa ti.}

“Inni maqaa Gooftaatiin dhufu eebbifamaa dha!” ^{▼▼Far 118:25,26}

“Mootiin Israaʼel eebbifamaa dha!”

14 Yesuusis ilmoo harree tokko argatee yaabbate; kunis akkuma akkana jedhamee barreeffamee dha; 15 “Yaa Intala Xiyoon, hin sodaatin;
kunoo, mootiin kee,
ilmoo harree yaabbatee dhufuutti jira.” ^{▼▼Zak 9:9}