Mar 11:7-10 | GazHAHl | STEP | Ilmoo harree sanas Yesuusitti fidan; uffata isaaniis ilmoo harree irra buusan; innis irra taaʼe.

‏ Mark 11:7-10

7 Ilmoo harree sanas Yesuusitti fidan; uffata isaaniis ilmoo harree irra buusan; innis irra taaʼe. 8 Namoonni baayʼeen uffata isaanii karaa irra afan; warri kaan immoo dameewwan baala qaban kanneen alaa kukkutan sana karaa irra bubuusan. 9 Warri dura deemaa turanii fi warri duukaa buʼaa turan iyyanii akkana jedhan; “Hoosaaʼinaa!” ^{▼▼Hoosaaʼinaa! Hosaaʼinaa jechuun, “Amma fayyisi!” yookaan “Maaloo fayyisi!” jechuu dha.}

“Inni maqaa Gooftaatiin dhufu eebbifamaa dha!” ^{▼▼Far 118:25,26}

10 “Mootummaan abbaa keenya Daawit inni dhufu sun eebbifamaa dha!”

“Hoosaaʼinaa ol gubbaatti!”