Exo 35:4-9 | HauSRK | STEP | Musa ya ce wa dukan jama’ar Isra’ilawa, “Ga abin da Ubangiji ya umarta.

‏ Exodus 35:4-9

Kayayyaki don tabanakul

(Fitowa 25.1-9; 35.10-19)

4 Musa ya ce wa dukan jama’ar Isra’ilawa, “Ga abin da Ubangiji ya umarta. 5 Daga cikin abin da kuke da shi, ku ɗauki kyauta domin Ubangiji, duk wanda yana niyya, sai yă kawo wa Ubangiji kyauta ta,

“zinariya, azurfa da tagulla;
6 shuɗi, shunayya da jan zare, lallausan lilin,
da gashin akuya;
7 fatun rago da aka rina ja, da fatun shanun teku; da itacen ƙirya
8 da man zaitun don fitila; da kayan yaji don man shafewa, da kuma turare mai ƙanshi;
9 duwatsun onis, da sauran duwatsu masu daraja waɗanda za a mammanne a efod da ƙyallen maƙalawa a ƙirji.