Luk 20:45-47 | HilAPD | STEP | Sang nagapamati ang mga tawo kay Jesus, nagsiling siya sa iya mga sumulunod,

‏ Luke 20:45-47

Nagpaandam si Jesus Parte sa mga Manunudlo sang Kasuguan

(Mat. 23:1-36; Mar. 12:38-40)

45 Sang nagapamati ang mga tawo kay Jesus, nagsiling siya sa iya mga sumulunod, 46 “Mag-andam kamo sa mga manunudlo sang Kasuguan nga gusto maglagaw-lagaw nga nagasuksok sang espesyal nga bayo. ^{▼▼espesyal nga bayo: sa literal, malaba nga bayo} Sa mga lugar nga madamo sang tawo, ^{▼▼mga lugar nga madamo sang tawo: sa literal, mga merkado} gusto nila nga tamyawon sila. Sa mga simbahan ukon sa mga punsyon ginapili gid nila ang mga pulungkuan nga para sa mga dungganon. 47 Ginaubos nila kuha ang mga pagkabutang sang mga balo nga babayi, kag ginatabon-tabunan lang nila ang ila ginahimo paagi sa malawig nga mga pagpangamuyo. Ini sila magabaton sang mas dako nga silot.”