Mar 3:13-19 | HilAPD | STEP | Pagkatapos sadto, nagtaklad si Jesus sa bukid kag gintawag niya ang luyag niya nga pilion. Gani nagpalapit sila sa iya.

Mark 3:13-19

Ginpili ni Jesus ang Dose ka Apostoles

(Mat. 10:1-4; Luc. 6:12-16)

13 Pagkatapos sadto, nagtaklad si Jesus sa bukid kag gintawag niya ang luyag niya nga pilion. Gani nagpalapit sila sa iya. 14 Dayon nagpili siya sang dose nga iya man gintawag nga mga apostoles ^{▼▼nga iya…apostoles: Indi ini makita sa iban nga mga kopya sang orihinal nga teksto.} para mangin kaupod niya kag ipadala niya sa pagpangwali. 15 Ginhatagan niya sila sing gahom para magtabog sang mga demonyo. 16 Amo ini ang dose nga iya ginpili: ^{▼▼Amo in…ginpili: Indi ini makita sa iban nga mga kopya sang orihinal nga teksto.} si Simon (nga iya gin-ngalanan nga Pedro), 17 si Santiago kag ang iya utod nga si Juan nga mga anak ni Zebedee (gin-ngalanan sila nga Boanerges nga ang buot silingon, mga anak sang daguob), 18 si Andres, si Felipe, si Bartolome, si Mateo, si Tomas, si Santiago nga anak ni Alfeus, si Tadeus, si Simon (nga sang una rebelde sa gobyerno sang Roma), 19 kag si Judas Iscariote ^{▼▼Judas Iscariote: Indi apelyido ni Judas ang “Iscariote.” Siguro ang buot silingon, Judas nga taga-Keriot.} nga amo ang nagtraidor kay Jesus.